لعنصرة

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

لعنصرة هيّا يوم معروف ف ليومية لفيلاحية.

لڭط عنقود لعنب يوم لعنصرة

ماطيشة مريضة ف ايّام لّي قبل لعنصرة

كايتوافق مع 7 شهار يوليوز فرانساوي و مع 24 يونيوز فيلاحي.

معلومات

لحرارة كاتبدا طلع.

لباكور (كرموس) و لعنب و لهندية (كرموس نصارا, زعبول) بداو يطيبو.

لفلّاح بدى يعجن ب لڭمح و لفارينة لّي حصد هد لعام. كايڭولو: "عنصر" . كايبداو يطيبو لفول جديد.

ف دّير، لكسّابا غادين يرحّلو لغنم و لماعز ف لعزيب ديال جبل.

مالين نّحل كايبداو يجمعو لعسل.

كاينين انواع ديال ماطيشة لّي كايمرضو ف لعنصر (معروف ف دكّالة).

حيكايات

كايحكيّو نّاس ب انّا لبحار كاي ولّي حلو مدّة ساعة. والاكين ما كايعرفو ش اش من ساعة.

كايڭولو : ما كايكون ش لحوت ف لبحار هد نّهار. ما عرفنا ش فين كايغبر.

تسجل ديال صوت

• لعنصرة
• (زّرع) عنصر

ب لفصحة

ب لفصحة، لعنصرة عندها معنات خرين:

1. عمالية باش يفرقو بنادم من لونهم، ولا من دينهم, زعما هيّابحال لعنصورية
2. عند نّصارا لّي كايهضرو ب لعرابية (مصر، فيليسطين، سوريا، لوبنان) لعنصرة هيّا تدكير نزل قانون ديني من الله يلا سيدنا موسى ف جبل سينا