ويكيپيديا

لابراضور ريتريڤر

لابراضور ريتريڤر
لعيشة
لمودة د لعيشة 10 a حتال 27 عام
لمناسلة
شحال كايولد ف دقّة 6.9
خصايصو
لعلو 56 سم، 57 سم، 54 سم و 56 سم
كايتحرك ب رباعيات الحركة
لخواص طبيعية


لابراضور ريتريڤر (ب النݣليزية: Labrador Retriever) ولا غير لابراضور هي سلالة بريطانية ديال كلاب الريتريڤر د لقنص. هاد السلالة تطورات ف لمملاكة لمتاحدة من لكلاب د سان دجونس لي تآمپورطاو من لمستعمارة ديال نيوفاوندلاند (دابايا عمالة ف كاناضا)، و تسمات على ود لمنطاقة د لابراضور لي كاينة ف هاد لمستعمارة. هاد لكلب من أكتر سلالات لكلاب لي كايترباو ف لعالم.

اللابراضور معروف عليه بلي ضريّف، نشيط، و عزيز عليه يلعب.[1] بداو ف تربيتو ف اللول باش يكون كلب د الرياضة ولا د الصيادة، و لاكين كايتربى ب شكل كبير كا كلب د الرفقة. يقدر يتدريسا باش يكون كلب ݣيد و ديال لمعاونة، ولا على ود لعتيق ولا لمداوية (لعلاج).[2]

التاريخ

بدل
 
تصويرة باقية عايشة د "باكليو آڤون" (تولدات ف 1885)، لكلبة لمأسسة ديال ݣاع اللابراضورات لعصريين.

سلالة اللابراضور متورخة من عوام ل 1830 علاقل، منين لمستوطنين لأوروپيين لي ف نيوفاوندلاند، رباو كلاب السان دجونس، و دخلوهوم لبريطانيا من لباركووات ديال لبيع و الشرا بينات كاناضا و مدينة پوول ف النݣليز. موراها، هاد السلالات لاقاوهوم معا كلاب الصيادة لبريطانيين باش يصاوبو السلالة لي معروفة دابا ب سمية لابراضور ريتريڤر. لحاضنين اللوالا ل هاد السلالة كانو لكونط د مالمسبوري، الدوق د بكليوو، لكونط د هوم، و السير دجون سكوت. لكتاتبيا اللولانيين تغالط ليهوم اللابراضور معا لكلاب د نيوفاوندلاند لكبار و الصغار (كلب سان دجونس). لكولونيل پيطر هوكر وصف اللابراضور اللول بلي ماكبيرش على كلب لپويْنتر النݣليزي، ف جل لوقات كايخرج فيه لكحل على اللوان لخرين، طويل من راسو و نيفو ب صدر غارق، و رجلين رقاق، و عندو فرو قصير و رطب، و ماكايهزش زنطيطو ل لفوق بحال السلالة د نيوفاوندلاند.[3] هوكر كايفرّز بين سلالة د نيوفاوندلاند من "اللابراضور لحقيقي" و سلالة السان دجونس من هاد لكلاب.[3][4] هادشي قالو ف الطلقة لخامسة من كتابو "تعليمات ل الرياضيين الشباب"، لي تنشر ف 1846.[4]

غير جاو عوام ل 1870، لابراضور ريتريڤر ولا شايع ف النݣليز.[5] اللابراضور لكبدي (دابا كايعيطو ليه الشكلاطي) بان ف اللواخر د عوام ل 1800، فين الجراوا لي ب اللون لكبدي توتقو ف نادي كينيل د بكليوو ف 1892.[6] أول لابراضور صفر تشجل خلاق ف 1899.[7] السلالة تعتارف بيها من عند كلوب كينيل ف 1903. أول تشجال ف لكلوب لميريكاني كينيل كان ف 1917.[8]

لخصايل

بدل
 
الراس عريض ب عضام د لحجبان بارزين (لابراضور باج)
 
لابراضور كحل
 
لابراضور شكلاطي

كاينين تنواعات كبار بينات اللابراضورات. لخصايل لماجيين د هاد السلالة نمودجيين ف لمساطر ديال الشوو د لكلاب ف ميريكان و مبازيين على السطونضار د كلوب كينيل لميريكاني.[9] التبدالات لواضحين بين السطونضارات د لمملاكة لمتاحدة و ميريكان مدكورين.

  • لقد: اللابراضور سلالة متوسطة حتى لكبيرة لقد. خاص الطول ديالهوم يكون من لغارب (الطرف لفوقاني ف الضهر عند رباعيين لمشية) ل الجدر د الزنطيط ف نفس الطول من لرض ل غارب ديالهوم. السطونضار د كلوب كينيل لميريكاني حاطين واحد لوزن ميتالي، من 25 ل 36 كيلوݣرام ل لكلاب، و من 25 ل 32 ل لكلبات.[9] لمعايير د الطول تقدر تبدل بينات ل ك.ك.م، لي عاطيين طول لميتالي من 55 ل 62 سنتيميطر ل لكلاب و من 55 ل 60 سنتيم ل لكلبات.[9] نادي كينيل لبريطاني كاينصح بلي لكلاب خاص يكونو من 56 ل 57 سنتيم،[10] و الجاميعة الدولية ل علم لكلاب حاطين من 56 ل 57 سنتيم ل لكلاب، و من 54 ل 56 ب النسبة ل لكلبات.[11]


  • لفرو: اللابراضور ريتريڤر خاص يكون عندو فرو قصير، و عامر، و لايني ما مشعّرش. لفرو عند هاد السلالة كايريزيسطي لما، باش مايضربهومش لبرد منين يكونو كايعومو ف فصل الشتا. هادشي كايعني بلي لكلب عندو ب شكل طبيعي فرو ناشف و مزيت شوية، اللوان لمقبولين هوما لكحل، الصفر، و الشكلاطي.[12]
  • الراس: الراس خصو يكون عريض ب حجبان بارزين غير شوية. لعينين خاص يكونو كايبانو ضراف و كايعبّرو. اللوان د لعين الصالحين هوما لقهوي و لبندقي. لخط الضاير ب لعينين خاص يكون كحل. لودنين خاص يكونو مدليين قراب ل الراس و خاص يكونو محطوطين ب شوية فوق لعينين


  • لفكاك: لفكاك خاص يكونو مجهدين و شداد. لقنوفة خاص تكون مقدودة (متوسطة) ف الطول و ما خاصش تكون مقمقمة فوق لقياس. لفكاك خاص يكونو مدليين ب شوية و مقوسين ب سلاسة ل اللور.


  • لكسدة: لكسدة خاص تكون مبنية ب شكل قوي و عضلي.


الزنطيط و لفرو هوما خصايل مفرّزين د اللابراضور عند كلوب كينيل لبريطاني و لميريكاني.[9][13] النادي لميريكاني زاد بلي "المجاج ديال للابراضور ريتريڤر لحقيقي هو علمة مفرّزة عند هاد السلالة بحال "الزنطيط د لقضاعة" (تعلب لما).[9]

اللون

بدل
 
التلاتة تنواعات د اللون، من لقدام ل اللور: لباج، لكحل، و الشكلاطي

اللابراضورات مشجلين ب تلاتة د اللوان: لكحل التابت، الصفر (من لباج لكاشف ل لحمر د التعلب)، و الشكلاطي (من لقهوي معتادل ل لقهوي غالق؛ ف لأصل كايسميوه "لكبدي").[14]

يقدرو الجراوا يكونو ب ݣاع اللوان ف نفس لولادة. اللون د لفرو كايتحدد ب شكل ساسي من تلاتة د الجينات، سميتهوم MC1R، آݣوتي، و CBD103. يلا لكلب هز معاه آليلات (Allele) من النوع لبرّي ف لمواضع الصبغية (Locus) ب تلاتة، لكلب غايكون عندو فرو صفر. يلا لكلب عندو طفرة د لخسران لوضايفي ف MC1R، غايكون عندو عاوتاني فرو صفر، بلا مانشوفو الجينوتيپات ف لمواضع الجوج لخرين. لكلاب لي كايهزو معاهوم آليلات من النوع لبرّي د MC1R و آݣوتي، ب جوج بيهوم معا لآليلي لكحل د CBD103، غايكون عندهوم فرو كحل.[15]

على حساب واحد الديراسة د عام 2011، 13 من 245 لابراضور لي تدرسو كان عندهوم زيݣوتيزم مبدل ف الطفرة M246V لمسؤولة على لقناع د لميلانين، و واحد منهوم كان عندو زيݣوتيزم متماتل. ف وسط هاد السلالة، هاد لخصايل ما يمكنش ليها تحدد غير من السيفة.[16]

التخدامات

بدل
 
لابراضور كايرجع طريدة تقنصات، حمامة الشجر الشايعة

اللابراضورات ريتريڤر بيّنو بلي عندهوم موعدال نجاح زايد كا كلاب ݣيد. واحد الديراسة تنشرات ف 2006، جربات لمواتية ديال ربعة د السلالات (لابراضور ريتريڤر، ݣولضن ريتريڤر، تكرويزة بين اللابراضور و لݣولضن، و بيرجي ألماني) كا كلاب ݣيد. ف هاد التجريبة، لبراجا لألمانيين خداو أزيد موعدال ف عدم تكمال هاد لخدمة، التكرويزة د اللابراضور و لݣولدن خداو أزيد موعدال نجاح. غير هو، لبراجا و لݣولدن ريتريڤرات خداو موعدال نجاح زايد مور ما دازو من دريساج طوْل على الدريساج لمخصوص ل اللابراضورات ريتريڤر.[17][18]

اللابراضور ريتريڤر هو كلب قنص كايتربى على ود ترجاع لفرايس ف لبر و لبحر.[19] ب صيفتو كلب مربيينو ب لآخص على ود الترجاع ف لما، اللابراضورات طوورو شلا خصايل ل لخدمة ديالهوم. على ود الترجاع (Retrieving)، اللابراضور عندو فم رطب، لي هي خصلة كاتخليه يهز لفرايس و طيور لما بلا ما يكرفصهوم.[20] و على ود لعومان، هاد لكلب كايعاونوه مخالب مشبكين، و زنطيط بحال شي قضّاعة، و فرو ضد لفزوݣية.[21]

الدّاكا الزايد، حس لموبادرة و التوجيه الداتي ديال اللابراضور ف لأدوار د لخدمة كايتختاصرو ف كلاب بحال اللابراضور إينضال، لي دريساوه باش يحط الناس لي ب لكرّوسة لمحرّكة ف پوزيسيوات د لمداوية، و يغطيهوم ب بطانية، و يخدّم ليهوم التيليفون د ليرجونص.[22] بزاف د اللابراضورات عاوتاني تعلّمو باش يعاونو مّاليهوم ف السخرة، و يقدرو يجيبو لفلوس و لكارطات د لبانكا من لݣيشييات.[23]

هاد السلالة تخدّمات ف عتيق الناس لغارقين ف لما. و مازالة كاتدير هاد لخدمة حتى ل دابا، هي و السلالات د لييونبيرݣر، نيوفاوندلاند و لݣولضن ريتريڤر؛ و كايتخدّمو ف لمدراسة الطاليانية ديال لكلاب لݣارضكور.[24]

ف لحرب

بدل

اللابراضور فايتين تخدّمو كا كلاب حرب. ف لوقيتة ديال حرب لڤييطنام تخدمو كا كلاب كشّافين باش يتبعو و يصيبو فين كاينين لعساكر لي هوما ميّتين ولّا معطوبين ولّا فين كاينين لبلاصة د لعدو.[25]

الصحة

بدل

اللابراضورات عندهوم توجاد قبلي (Predisposition) ل ليپاتيت لموزمين.[26] واحد الديراسة من لمملاكة لمتاحدة لقات بلي كاين حتيمال 4.14 باش يقيصهوم هاد لمرض.[27] شي ديراسات عطاو واحد لميلان (Predilection) ل كلبات اللابراضور.[26] السباب ل هاد الميلان مامعروفش. لأفكار لمقتارحين كايشملو بلي هادشي وراتي[28] ولّا بيئي.[29] عاوتاني اللابراضور ريتريڤر ورى بلي عندو واحد لميلان لمراض خرين د الصفرا، منها: ليپاتيت التفاعولي، فرط التنسوج ف لعقييْدة (Nodular Hyperplasia)، و لمراض ديال لمرّارة.[27]

واحد الديراسة د لمملاكة لمتاحدة لقات بلي متوسط لعمر لمتوقع د اللابراضورات ف جوايه 13.1 لعام.[30] و ديراسة مشتاركة ديال لكليّة لملكية د لبيْطارة و جاميعة سيدني، ستنتجو بلي اللابراضور شكلاطيين اللون عندهوم متوسط عمر متوقع قصر من اللابراضورات ب اللوان لخرين (ف جوايه 10٪) و بلي هوما محسوسين كتر باش يتقاصو ب شي مشاكيل صحية.[31] واحد الديراسة طاليانية د عام 2024 لقات بلي متوسط لعمر لمتوقع هو 11 لعام ل السلالة ب لموقارنة معا 10 سنين ب شكل عام.[32] ديراسة سويدية د 2005 ديال الضونيات د لاسورانس لقات بلي 25٪ من اللابراضورات ريتريڤر ماتو ف عمر 10 سنين، قل من لموعدال لعام د 35٪ ديال لكلاب لي ماتو ف عمر 10 سنين.[33]

اللابراضور ب شي طريقة ولا خرة محسوسين ل خلل التنسوج (Dysplasia) د لورك و لكود،[34] ب لآخص لكلاب لكبار ف لقد.[35] لمراض د لعين يقدرو يجمعو، ضمور الشبكية التدريجي (Progressive retinal atrophy)، الجلالة (Cataract)، ضمور لقرنية (Corneal dystrophy)[34] و خلل التنسوج د الشبكية (Retinal Dysplasia).[36] زيد يقدرو يعانيو من السخفة الجاية من لانطريما، لي كايودي ل الزيادة ف لحارارة، الضعف، السخفة، و التفراق على لواقع (disorientation) مورا وقيتات قلال د لانطريما،[37] ولّا يقدرو يعانيو من لغلض، لي ف شي حالات يقدر يكون جاي من لغياب ديال طرف ولّا ݣاع طراف من الجين پرووپييوميلانوكورتين - Proopiomelanocortin.[38][39]

اللابراضور واحد من أكتر السلالات لمقيوصة ب شكل شايع ب النحيلال التدريجي د روض-كون (Progressive rod-cone degeneration). واحد الطفرة سايدة ف الجين PRCD هي لمسؤولة ف هاد لحالة ديال هاد السلالة.[40]

  1. ^ "Labrador Retriever Breed Standard". American Kennel Club. 31 March 1994.
  2. ^ "AKC Dog Registration Statistics". Akc.org. 4 April 2012. Archived from the original.
  3. ^ a b Holland-Hibert, A. (1903). "Ch.XXX - The Labrador". In Drury, William D. (ed.). British dogs, their points, selection, and show preparation (3 ed.). Upcot Gill. pp. 356–358.
  4. ^ a b Hawker, Peter (1846). "Dogs". Instructions to Young Sportsmen in all that relates to Guns and Shooting (5 ed.). Longman, Hurst, Rees, Orme, Brown, and Green. p. 245.
  5. ^ "Labrador Retriever". vcahospitals.com. Mars Inc.
  6. ^ "Best labrador colour: does coat make a difference?". thefield.co.uk. Future Publishing Limited Quay House. 19 April 2022.
  7. ^ Warwick, Helen (1986). "5". The NEW Complete Labrador Retriever (Third ed.). 230 Park Avenue, New York, N.Y. 10169: Howell Book House. p. 89. ISBN 0-87605-230-8. Retrieved 2 September 2023.
  8. ^ "Labrador Retriever Dog Breed Information". akc.org. The American Kennel Club, Inc
  9. ^ a b c d e "Labrador Retriever Breed Standard". American Kennel Club. 31 March 1994
  10. ^ Retriever (Labrador) Breed Standard Archived 31 October 2011 at the Wayback Machine. The Kennel Club.
  11. ^ Labrador Retriever. Fédération Cynologique Internationale
  12. ^ "Get to Know the Labrador Retriever", 'The American Kennel Club
  13. ^ Retriever (Labrador) Breed Standard Archived 31 October 2011 at the Wayback Machine. The Kennel Club
  14. ^ "Breed colours". thekennelclub.org.uk. The Kennel Club. Archived from the original on 10 January 2015.
  15. ^ Candille, Sophie I.; Kaelin, Christopher B.; Cattanach, Bruce M.; Yu, Bin; Thompson, Darren A.; Nix, Matthew A.; Kerns, Julie A.; Schmutz, Sheila M.; Millhauser, Glenn L.; Barsh, Gregory S. (2007). "A β-defensin mutation causes black coat colour in domestic dogs". Science. 318 (5855): 1418–1423
  16. ^ Conant, E.K.; Juras, R.; Cothran, E.G. (2011). "Incidence of the mask phenotype M264V mutation in Labrador retrievers". Research in Veterinary Science. 91 (3): e98–e99.
  17. ^ Serpell, James (1995). The Domestic Dog: its Evolution, Behavior and Interactions With People. Cambridge University Press.
  18. ^ Ennik, Irma; Liinamo, Anna-Elisa; Leighton, Eldin; Van Arendonk, Johan (2006). "Suitability for field service in 4 breeds of guide dogs". Journal of Veterinary Behavior: Clinical Applications and Research. 1 (2): 67–74.
  19. ^ "Why the Labrador Is the World's Most Popular Bird Dog". GunDogMag. 2 November 2019
  20. ^ "Your guide to the Labrador Retriever". gundog journal. 26 February 2019
  21. ^ "8 Things To Know About Labrador Retrievers". AKC. 20 September 2019
  22. ^ Blystone, Richard; Mallary Gelb (10 August 2000). "Assistance dogs are trained as partners for the disabled". CNN.com. Archived from the original on 17 May 2013.
  23. ^ "thought this was Bark-lays bank". Metro. 28 February 2007
  24. ^ Manetti, Francesco (23 August 2010). "Italian school teaches dogs to become lifeguards". Los Angeles Times. Associated Press.
  25. ^ Burnam, John C. (2008). A Soldier's Best Friend; Scout dogs and their handlers in the Vietnam War. New York, NY: Sterling Publishing. p. 278
  26. ^ a b Bexfield, Nick (2017). "Canine Idiopathic Chronic Hepatitis". Veterinary Clinics of North America: Small Animal Practice. 47 (3): 645–663.
  27. ^ a b Bandara, Y.; Bayton, W. A.; Williams, T. L.; Scase, T.; Bexfield, N. H. (2021). "Histopathological frequency of canine hepatobiliary disease in the United Kingdom". Journal of Small Animal Practice. 62 (9): 730–736.
  28. ^ Hoffmann, G.; van den Ingh, T.S.G.A.M.; Bode, P.; Rothuizen, J. (2006). "Copper‐Associated Chronic Hepatitis in Labrador Retrievers". Journal of Veterinary Internal Medicine. 20 (4): 856–861.
  29. ^ Johnston, Andrea N.; Center, Sharon A.; McDonough, Sean P.; Wakshlag, Joseph J.; Warner, Karen L. (1 February 2013). "Hepatic copper concentrations in Labrador Retrievers with and without chronic hepatitis: 72 cases (1980–2010)". Journal of the American Veterinary Medical Association. 242 (3): 372–380.
  30. ^ ]McMillan, K. M.; Bielby, J.; Williams, C.L. (2024). "Longevity of companion dog breeds: those at risk from early death". Scientific Reports. 14 (1): 531.
  31. ^ "Chocolate Labradors have a shorter lifespan than rest of the breed". VetCompassTM and the University of Sydney Study. Royal Veterinary College. 22 October 2018.
  32. ^ Roccaro, Mariana; Salini, Romolo; Pietra, Marco; Sgorbini, Micaela; Gori, Eleonora; Dondi, Maurizio; Crisi, Paolo E.; Conte, Annamaria; Dalla Villa, Paolo; Podaliri, Michele; Ciaramella, Paolo; Di Palma, Cristina; Passantino, Annamaria; Porciello, Francesco; Gianella, Paola; Guglielmini, Carlo; Alborali, Giovanni L.; Rota Nodari, Sara; Sabatelli, Sonia; Peli, Angelo (2024). "Factors related to longevity and mortality of dogs in Italy". Preventive Veterinary Medicine. 225: 106155.
  33. ^ Egenvall, A; Bonnett, Bn; Hedhammar, å; Olson, P (30 September 2005). "Mortality in over 350,000 Insured Swedish Dogs from 1995–2000: II. Breed-Specific Age and Survival Patterns and Relative Risk for Causes of Death". Acta Veterinaria Scandinavica. 46 (3).
  34. ^ a b "Labrador Retriever". Canine Inherited Disorders Database. Archived from the original on 27 September 2007
  35. ^ Newton, C. D.; Nunamaker, D. M. (Eds.) "Textbook of Small Animal Orthopaedics Archived 2007-09-27 at the Wayback Machine." Published by the International Veterinary Information Service (Riser, Rhodes and Newton). p. 2.
  36. ^ "Retinal Dysplasia/Oculoskeletal Dysplasia 1". pawprintgenetics.com.
  37. ^ Taylor, SM; Shmon, CL; Shelton, GD; Patterson, EE; Minor, K; Mickelson, JR (2008). "Exercise Induced Collapse of Labrador Retrievers: Survey results and preliminary investigation of heritability". J Am Anim Hosp Assoc. 44 (6): 295–301.
  38. ^ Raffan, Eleanor (10 May 2016). "A Deletion in the Canine POMC Gene Is Associated with Weight and Appetite in Obesity-Prone Labrador Retriever Dogs". Cell Metabolism. 23 (5): 893–900.
  39. ^ Freytas-tamura, Kimiko De (5 July 2016). "The Lab Results Are In: Genes Might Be to Blame for Retrievers' Obesity". The New York Times.
  40. ^ Oliver, James A.C.; Mellersh, Cathryn S. (2020). "Genetics". In Cooper, Barbara; Mullineaux, Elizabeth; Turner, Lynn (eds.). BSAVA Textbook of Veterinary Nursing (Sixth ed.). British Small Animal Veterinary Association. p. 131.
مرجّعة من "https://ary.wikipedia.org/w/index.php?title=لابراضور_ريتريڤر&oldid=377588"