لألفية 1 قبل لميلاد

ألفيات:	لألفية 2  ق.م لألفية 1  ق.م لألفية 1
قرون:	لقرن 10  ق.م لقرن 9  ق.م لقرن 8  ق.م لقرن 7  ق.م لقرن 6  ق.م لقرن 5  ق.م لقرن 4  ق.م لقرن 3  ق.م لقرن 2  ق.م لقرن 1  ق.م

لألفية اللولة قبل لميلاد ؤلا لألفية اللخرة قبل لميلاد هي ألفية ف لفترة د قبل لميلاد. بدات ف 1 يناير عام 1000 قبل لميلاد و سالات ف 31 دجنبر عام 1 قبل لميلاد (من لقرن 10 قبل لميلاد تال لقرن 1 قبل لميلاد).

أوڭوستوس قيصر، لإمبراطور اللولاني ديال لإمبراطورية الرومانية

ف هاد لفترة بانو و طاحو بزاف د لإمبراطوريات، بحال لإمبراطورية لأشورية الجديدة، لي خدات بلاصتها لإمبراطورية لأخمينية. هاد اللخرة غادي تقضي حتا على لحضارة لمصرية لقديمة، و غادي تحتل مصر ف 525 قبل لميلاد. لحضارة الرومانية خدات لبلاصة ديال لحضارة لإتروسكية ف شبه ڭزيرة الطاليان.

ف شمال إفريقيا، بانو ممالك أمازيغية بحال موريطانية و نوميديا، و كانت تا لحضارة لقرطاجية. هاد لفترة عرفات تا التحول من لعصر د لحديد ل لفترة لكلاسيكية لقديمة ف لعالم لقديم. ف لعالم الجديد (أميريكا الشمالية و الجنوبية)، تطورو أساليب لحياة د بنادم، و بانو مؤسسات دينية قوية لي ستافدو من طرقان و ريزوات تجارية غادية ؤ كاتكبر و كاتعقّد.

ف هاد لألفية، التعداد د بنادم فوق لأرض تضوبل، و داز من جوايه 100 مليون ف لبدية ديالها ل مابين 200 و 250 مليون ف اللخر ديالها.