الدار البيضا

(تحولات من كازا)


كازابلانكا (كازا بلمختصر)، الدار البيضاء ب لعربية، ⵜⵉⴳⵎⵎⵉ ⵜⵓⵎⵍⵉⵍⵜ تيݣمّي تومليلت ب لأمازيغية، Casablanca كازابلانكا بلفرونسي ، ( أنفا او ⴰⵏⴼⴰ هوا لإسم لقديم ديالها، من أصل أمازيغي) مدينة مغربية كاينة ف وسط-غرب المغرب و المقر ديال جهة الدار البيضاء ـ سطات. هي المدينة لي معروفة بانها أكبر مدينة من ناحية السكان. و كذلك معروفة بالمعاملات التجارية حيت كازا كضم عدد كبير من الشركات و المقاولات. بالإضافة علا هدشي كازا كتعتبر العاصمة الاقتصادية ديال لمغريب.

الدار البيضا

‫الدار البيضاء (ar)
Tigmmi tumlilt (shi)
Casablanca (es)

شارع لجيش لملكي فالدار لبيضا
شارع لجيش لملكي فالدار لبيضا
لبلاصة
لبلاد لمغريب
لإقليم عمالة الدار لبيضا
لإدارة
لعمدة نبيلة رميلي (20 شتنبر 2021)
السكان
شحال دالسكان 3,499,000 (2018)
لجغرافيا
لميساحة 384 كم²
لعلو 115 م
خط الطول بـ ° -7.57713318
خط لعرض بـ ° 33.58716734
معلومات خرا
توقيت ديال لمدينة ڭريتينش
ڭرينيتش + 1
كود د لبوصطة 20000 à 20200
السيت الرسمي casablanca.ma
الرمز لجغرافي 2553604
لخريطة
خريطة


أصل سّمية بدل

قبل ماتكون هاد سميّة لي كانعرفو دابا، كانت هاد لمدينة سميتها ⴰⵏⴼⴰ أنفا و هي سمية أمازيغية كاتعني تل أولا كدية،[1] من بعد هاد سمية ولات دابا كاتݣال غي لوحد لحي معروف فكازا (أنفا).

أما كازابلانكا لي ب لعربية الدار البيضاء جات من تسمية ديال صبليون و لبرطقيز (لبرتغاليين). وخداو هاد السمية من واحد لمنارة ديال لبحارة كانت كاتضوي ب ليل باش تݣيديهم. هاد لمنارة تهدمات و مابقا فيها غير لملامح ديالها. وحيت كانت كتشبه ل دار ملونة ب لبيض سماو لمنطقة Casabranca (كاسابرانكا) ولي كتعني دّار لبيضا ب لبرطقيزية ؤ طّرجمات ب صبليونية ل Casablanca (كاسابلانكا).

تّاريخ بدل

لمغاربة لقدام كانو كيعيشو من أزمنة سحيقة ف لمنطقة ديال كازا، حيت تلقاو ف لمحيط ديالها آتار كترجع ل عصور ما قبل تّاريخ. ف لقرن لعاشر قبل لميلاد تبنات قرية ؤلا مدينة ف ديك لمنطقة تسمات أنفا (كتعني لكدية ب لأمازيغية) ؤ كانت تابعة ل مملكة موريطانية.[2] بحكم لموقع لستراتيجي ديالها، غادي يستعملو لفينيقيين لمرسا ديالها باش يتاجرو معا لمور، ؤ موراهوم رّومان فاش شدو لمنطقة ؤ ولات تابعة ليهم.

ف لبدية ديال لقرون لوسطى معا دخول ديال لإسلام ل لمغريب غادي تولي أنفا عاصمة ديال برغواطة، ؤ غادي تبقا هكاك، حتا قضاو لموحدين علا لبرغواطيين ف لقرن 12 ميلادي.[3]

ف 1468 لبرطقيز غادي يدمرو أنفا، ؤ ف 1755 غادي تعاود تدمر ب زلزال، لّي غادي تخلي سّكان ديالها يهجروها. مي ف 1770 سّلطان محمد تالت بن عبد الله غادي يعاود يبني لمدينة ب سمية جديدة: دّار لبيضا.[4]

جغرافيا بدل

كازا كتوجد فالشاوية لمعروفة ب لفلاحة ديالها من قديم الزمان، و اللي باقة لدابا محافضة على هاد الصفة، و حيت كازا كطل على لبحر ،فهي كتوفر تا على لموارد السمكية اللي كادخل للمغريب بزاف ديال لفلوس. لا من ناحية الصيادة ولا من المراسي لي كتجيب بزاف ديال الباطوات السياحية و حتى التجارية.

نّاس بدل

أوّل إحصاء د سّكان تدار ف لمغريب مورا سّتيقلال ف 1960، تّلقا فيه بلي كاينين 960.812 لي ساكنين ف الدار البيضا، سوا مغاربا ؤلا أجانب، ؤ كانت ديجا أكبر مدينة مغريبية من حيت عاداد سّكان.[5]

الجو بدل

الجو فكازا غالبا كايكون عادي و بعض المرات كايكون بارد حيت يمكن توصل الحرارة بعض المرات فالعام لقل من 8 الدراجات سيلسيوس و كاترتفع حتل 27 درجة مئوية سلسيوس كمعدل عام.

الطبيعة بدل

الجو ديال كازا بدا كيعاني هاد السنوات الخيرة بسباب لوزينات ؤ اتّأتير ديال لحتيباس لحراري لي كيعرفها العالم، وممكن نشوفو هاد التغير فالشتا لي مابقاتش كاتطيح ف الوقات ديالها، فالامراض لي بدات كتنتاشر، فالدخان لي ديما كيغطي السما فكازا.

تصاور بدل

عيون لكلام بدل

  1. ^ "Dictionnaire général de la langue amazighe informatisé". مأرشيڤي من لأصل ف 2021-01-03. تطّالع عليه ب تاريخ 2021-03-20.
  2. ^ "تاريخ كازابلانكا" (ب نݣليزية). مأرشيڤي من لأصل ف 2023-03-30. تطّالع عليه ب تاريخ 2020-11-08.CS1 maint: unrecognized language (link)
  3. ^ "كازابلانكا، لمغريب، لمكتبة رّقمية ليهودية" (ب نݣليزية). مأرشيڤي من لأصل ف 2023-07-22. تطّالع عليه ب تاريخ 2020-11-08.CS1 maint: unrecognized language (link)
  4. ^ "لوكليكس إنسايكلوپيديا، تاريخ كازابلانكا" (ب نݣليزية). مأرشيڤي من لأصل ف 13 يوليوز 2011.CS1 maint: unrecognized language (link)
  5. ^ "LE MAROC COMPTE 11 598 070 HABITANTS (y compris las étrangers)" (ب لفرانساوية). 19 شتنبر 1960. مأرشيڤي من لأصل ف 2023-06-30. تطّالع عليه ب تاريخ 2022-05-23.
  تقدر تزيد شوف بزاف د تّصاور و لمعلومات ديال Casablanca ف ويكيميديا كومنز.