ڤينسنت ڤان غوخ

رسام هولندي (1853-1890)
(تحولات من فينسنت فان خوخ)

ڤينسنت ويليام ڤان ݣوخ (بالهولندية: Vincent Willem van Gogh؛ 30 مارس 1853 – 29 يوليوز 1890) رسام هولندي كاينتامي لتيار ما بعد لإنطباعية، وهو واحد من أكثر الشخصيات شهرة و تأثير ف لفن لغربي. غير ف عقد تقريبا ستاطع ينتج 2100 عمل فني، من بينهم 860 لوحة زيتية، و لأغلبية ديالهم كيرجعو للعامين اللخرة من حياتو. تنوعات لأعمال ديالو ما بين مناظر طبيعية، أساليب لحياة، پورطريات، و پورطريات داتية، و تميزات ب اللوان لمغلوقة، الصباغة لمندافعة، لحركية، و التعبيرية و اللي ساهمات ف بنيان لفن لعصري. ڤان ݣوخ ماكانش ناجح على لمستوى التجاري، و لإنتحار ديالو فعمر 37 جا من مورا سنوات من لمرض لعقلي و لفقر.

ڤينسنت ڤان غوخ
معلومات عامة
زيادة 30 مارس 1853
زونديرت
لموت 29 يوليوز 1890 (37 عام)
أوفير سور واس ()
طريقة دلموت نتيحار
سباب لموت ضربة ب لقرطاس
لجنسية مملكة هولاندا
لحرفة زوّاق، رسام و مصمم مطبوعات
لّوغات لي كيعرف لهولاندية و لفرانساوية
لكاريير ديال الشخص
شارك ف
لفاميلة
لواليد Theodorus van Gogh
لواليدة Anna Carbentus van Gogh
خوت Wil van Gogh، Theo Van Gogh، Cor van Gogh، Elisabeth van Gogh و Anna Cornelia van Gogh
شريك لا قيمة
لإتنية هولنديون
معلومات خرى
لأعمال
ستيل فن التصوير الطبيعي، طبيعة صامتة، پورطري، منظر مدينة، interior view، بورتريه ذاتي و فن مسيحي
تأتر ب Anton Mauve، بول غوغان، Willem Roelofs، پول سيزان، بيتر بول روبنس، جان فرانسوا ميليه و هوكاساي
IMDB: nm0994883 Discogs: 2238691 IMSLP: Category:Gogh,_Vincent_van Find a Grave: 1055 Modifica els identificadors a Wikidata


ڤاز ديال السيراميك فيه نوّار عبّاد الشمس على سطح صفر و معا خلفية صفرا كاتبري.
عباد الشمس (F.458)، معاودة للنسخة الرابعة (خلفية صفرا)، غشت 1889.[1] متحف ڤان ݣوخ، أمستردام
حقل د الدرة معا لغربان.
حقل د الدرة معا لغربان، 1890. متحف ڤان ݣوخ، أمستردام

ترعرع ڤان ݣوخ ف أسرة من الطبقة لمتوسطة لعليا، و كان جِدّي، هادي، و عميق ف التفكير. ملي كان شاب، كان كيخدم تاجر فني، وكان كيسافر بزاف، ولكن ملي حولوه للندن تصاب ب لإكتئاب. من بعد لقى راحتو فالدِين ودوز الوقت مبشر پروتستانتي ف جنوب بلجيكا، و وخا داكشي نجارفات حالتو الصحية و تصاب هاد لمرة ب لعزلة قبل ما يقرر باش يبدا يرسم فعام 1881، و رجع للديار ديالو مع والديه. دعمو شقيقو الصغير "ثيو" ماديا، وكانو كيتراسلو بيناتهم ب لبريات لمدة طويلة و ف لكتير من لوقات. لأعمال لمبكرة ديالو كانت معظمها كتصور أساليب الحياة ديال لفلاحين و لعمال لبساط، و كانت كتحتوي على لقليل من الآثار ديال اللوان الزاهية اللي ميزات أعمالو اللاحقة. ف عام 1886، نتاقل لباريس فين تلاقا مع أعضاء من الطليعية بحال إميل برنارد وپول ݣوݣان واللي كانو كينتاقدو التحسس ديال الناس من التيار لإنطباعي. مع تطور لخدمة ديالو، ستاطع يبتاكر مقاربة جديدة لمواضيع "أساليب الحياة" و "لمناظر الطبيعية" لمحلية. ولات لوحاتو مشرقة كثر من حيت اللوان خصوصا ملي بدا كايطبق أسلوب طورو خلال إقامتو ف أرل ف جنوب فرانسا ف عام 1888. خلال هاد الفترة، وسع من موضوعاتو باش تشمل شجار الزيتون و حقول القمح و عباد الشمس.

عانى ڤان ݣوخ من نوبات ذِهان وأوهام و واخا كان ما مرتاحش من جيهت ستقرارو لعقلي، كان غالبا كيهمل صحتو الجسدية، وما كانش كياكل بشكل صحي و كافي وكان كايشرب الشراب بزاف. نتاهت صداقتو مع ݣوݣان من بعد واحد لمدابزة ب لماكينة د لحسانة، و اللي فلحظة غضب حيد فيها طرف من ودنيه ليسرية. دوز شي وقت ف سبيطارات ديال الطب النفسي، بما فيها فترة ف سان ريمي Saint-Rémy. من بعد ما خرج منو بمحض إرادتو، نتاقل لـ Auberge Ravoux ف مدينة Auvers-sur-Oise حدا باريس وخضع لرعاية طبيب المعالجة المثلية پول ݣاشي. ستمرات حالة لإكتئاب عندو، و ف 27 يوليوز 1890، طلق ڤان ݣوخ الرصاص على صدرو بفردي[2] و توفا من بعد يومين متأتر بجراحو.

ما كانش ڤان ݣوخ ناجح فحياتو، وكان كيتعتابر راجل حمق و فاشل. ولى مشهور من بعد لإنتحار ديالو، و دابا راه موجود ف لعقول ديال الناس على أنو عبقري ما تفهمش مزيان، وهو الفنان "فين كيتلاقاو الخطابات حول لحماق و لإبداع".[3] بدات سُمعتو كتنمو ف بدايات لقرن لعشرين ملي تم دمج عناصر من أسلوبو ف الرسم من قيبال تيار الوحشيين و التعبيريين لألمان. حقق نجاح نقدي، تجاري، و شعبي على مدار العقود لي تبعاتها، تدكر بلي كان رسام مهم ولكن مأساوي، اللي شخصيتو لمضطربة كتمثل الصورة المثالية والشاعرية للفنان لمعدب. أعمال ڤان ݣوخ ليوم هي من أغلى اللوحات لفنية لي كتباع ف لمزادات لعلنية على لإطلاق، و تم تكريم لإرث ديالو عبر متحف ب سميتو، متحف ڤان ݣوخ ف أمسطردام واللي كيضم أكبر مجموعة ف لعالم من لوحاتو ورسوماتو.

عيون لكلام بدل

  1. ^ "Sunflowers - Van Gogh Museum". مأرشيڤي من لأصل ف 20 شتنبر 2023.
  2. ^ Le revolver avec lequel Van Gogh se serait mortellement blessé en vente à Paris ف Le Figaro؛ 2 أبريل 2019
  3. ^ McQuillan (1889), p:9.
  تقدر تزيد شوف بزاف د تّصاور و لمعلومات ديال Vincent van Gogh ف ويكيميديا كومنز.