فرتيتة معمرة

الحاجات، الكسدات، الضو، الشعى و شلاّ حوايج فالدنيا مصاوبين من التّركاب ديال واحد الفرتيت، هادي هي النّضرة ديال الموضيل العادي لي فالفيزيك د الفرتيت. كاين شي نواع من هاد الفرتيت عاينّاهوم من شحال هادي، وشي نواع آخرين يالله عاينّاهوم بحال البوزون د هيݣز لي عاينّاه فعام 2012.

شكل الذرّة و الإلكطرون فالموضيل ديال بور.

الفرتيت ديال الضّو المعمّر

الذرّة ماشي هي أصغر حاجة فالدنيا، كاين لي صغر منها، و داكشي لي صغر منها هو لي تانسمّيوه الفرتيت. كاين فالقلب د الذرّة جوج نواع من الفرتيت، الپروطونات و النوطرونات. و ضاير بالقلب د الذرّة واحد النوع من الفرتيت لي تانسمّيوه الإلكطرون، و هاد الإلكطرون تاينقز من بلاصة لبلاصة، و العاقبة ديال داك التنقاز هو الخروج ولّ الدخول ديال واحد الفرتيت لي تانسمّيوه الفوطون.

ملي تاينقز الإلكطرون من موضع لموضع غادي يـخلي واحد الخوى، هاداك الخوى تانسمّيوه الخوى، و تانسمّيوه عاوثاني الفرتيت الزايد، والإلكطرون تانسميوه الفرتيت الناقص. حيثاش ملي تايتلاقى الفرتيت الناقص مع الفرتيت الناقص، تايتدافعو، وملي تايتلاقى الفرتيت الناقص مع الفرتيت الزايد، تايتجارو.

الكونداساتور

ماكينة تخراج الضّو بالحكّان تاع فرانسيس هاوكسبي.

كونداساتور هو واحد الحيلة فالإلكترونيك تانكدّسو بيها الفرتيت د الضّو، و أول كونداساتور صاوبنا هو القرعة ديال لايدن ، صاوبها پيتر ڤان موشنبغوك فمدينة لايدن الهولاندية. ف 1740 كنّا تانخرّجو الفرتيت د الضّو بالحكّان، دابا نيت فاش تانحكّو شي ستيلو مع شي حاجة و تانقرّبوه لشي طريّف صغير د الورقة تايجرّها. و ديك الساع كانو تايخرّجو بزّاف تاع الفرتيت د الضّو بالمكينة ديال فرانسيس هاوكسبي.

هاد فرانسيس هاوكسبي كان حرايفي فالأكاديمية الملكية النݣليزية، وكان صاوب البومبةباش يخوي القراعي من الهوى، ومن بعد بدا تايخمّم فواحد القاضية : ملّي تايحرّك شي قرعة فيها الزّواق و خاوية من الهوى، تايبدى واحد الشعى زرق تايضرب فالقرعة. بدّل الزّواق بالحجر د العنبر، و ملّي حرّك القرعة خرج عاوتاني داك الشعى، هو يقول مع راسو علاش مايحرّكش القرعة براسها فموضع مايحرّك شي حاجة وسطها.

هي هاديك ملّي حرّك القرعة و فنفس الوقت تايحك القرعة بيديه بدا تايخرج الشعى. واحد الرهبان سميتو ڤون كلايست من مدينة پوموروج الپولونية جرّب واحد القاضية بالقرعة، خاد واحد السيف و لاقاه مع الماكينة ديال فرانسيس هاوكسبي، عمّر القرعة بلالكول (الكحول)، و غي قرّب السيف من لالكول، تزعزع كولو بالضّو. حاولو لاخرين يديرو بحالو, پيتر ڤان موشنبروك, أسثاذ فمدنة لايد, غادي يقدر يعاود التجربة و قدر يعاود تزعزيعة كبيرة.

من تمّا بداو فأوروپا تيعاودو نفس التجربة و بداو تيلاقيو قرعة مع قرعة و تيزيدو فتكداس الفرتيت المعمّر ديال الضّو. ف 2021 باش نكدّسو الفرتيت ديال الضّو غادي يخصنا واحد البيدق (العنصر) د الإلكترونيك لي تانسمّيوه الكونداساتور. هاد الكونداساتور تيليق لشلاّ حوايج :

ربعة القراعي ديال لايد محاديين ف مثحف بويرهاڤ Museum Boerhave.

• مثلا يمكن نشارجيو بيه الباتري د الضو، لأنه يقدر يبقى شادّ الضّو بحال الحجرة.
• يمكن نفرقو بيه الموسيقى على حساب نوع البوق بحال ف السينما د الدار (Home Cineam)، الكونداساتور يقدر يخلّي يدوز الضّو اللي تايتعاود بالمهل (fréquences graves) ويحبس الضّو اللي تايتعاود بالزربة (fréquences aiguës)، وهاكّا الصوت الرقيق مايدوزش البوق لي من النوع الكبير ولّ الغليض و الصوت الغليض يدوز البوق الغليض.
• يمكن نبدلو بيه الشكل د الضو، مثلا من الضّو خطيبيطي (Courant alternatif AC) الضّو نيشان (Courant continu DC) بحال فكارط السݣي د الضّو (Alim) تاع التليفزيون.
• يمكن نشدّو بيه الإذاعة د الراديو لي مهزوزة فالموجة د الضو ، الكونداساتور يقدر يساوي التعاويدة ديال الزعلال (Oscillateur) لي فالراديو مع التعاويدة ديال الموجة لي جاية لانطير (Antenne)، وهاكّا الراديو غادي يشد غي ديك الموجة و يلوح الموجات ديال الإذاعات لاخرين.