عمى الألوان

عمى الألوان اللي معروف عاوتاني ب سمية نقص الشوف ديال الألوان هو انخفاض القدرة على الشوف ديال الألوان ولا على الاختلافات بين الألوان.[1] المهمات البسيطة بحال العزيل ديال الديسير اللي طايب، ولا الحوايج، ولا حتى باش تقرا علامات المرور كيولي واحد النوع ديال التحدي.[1] إقدر ل عمى الألوان عاوتاني يخللي بعض الأنشطة التعليمية أكتر صعوبة.[1] واخا هاكا، المشاكل اللي ناتجة عليه هي نوعا ما بسيطة و المعضم ديال الناس كيشوفو بللي هم قادرين يتكيفو معاه.[1] الناس اللي عندهم عمى الألوان الكلي (أكروماتوپسيا) إقدر يكون عندهم حتى نقص حدة الشوف ؤ يكونو ما مرتاحينش ف البلايص اللي فيهم الضو مجهد.[1]

متال على لوحة اختبار إشيهارا اللوني. مع شاشات عرض مكونفيڭورية مزيان، الناس اللي عندهم الشوف مزيان خاصهم يشوفو الرقم "74"، بزافت الناس اللي عندهم عمى الألوان غادي يشوفو الرقم "21"، ؤ هادوك اللي عندهم عمى الألوان الكلي إقدر ما يشوفو حتى شي رقم.

السباب ديال عمى الألوان اللي منتاشر بزاف هو مشكلة وراتية ف التطور ديال واحد ولا كتر من المجموعات التلاتة ديال الخلايا المخروطية اللي كتستشعر اللون ف العين.[1] الدكور أكتر عرضة من الإنات باش إتصابو ب عمى الألوان، هادشي حيت الجينات المسؤولة على أكتر نوع ديال عمى الألوان شيوعا كاينين ف كروموزوم إكس.[1] حيت الإنات كيكون عندهم جوج ديال كروموزومات إكس، فاش كيكون الخلل فواحد فيهم لاخر كيعوض عليه، بالتالي الإنات ممكن يكونو حاملين لهاد الاضطراب واخا ما يكونوش متصابين بيه.[1] الدكور عندهم غير واحد كروموزوم إكس داكشي علاش فاش كيكون فيه شي خلل كيبان الاضطراب الوراتي.[1] ممكن يكون السبب ديال عمى الألوان عاوتاني هو شي ضرر فيزيائي ولا كيميائي للعين، العصب البصري ولا أجزاء من الدماغ.[1] التشخيص كيكون هو هاداك باستعمال اختبار إشيهارا اللوني؛ مع دلك، كاينين طرق أخرى ديال التشخيص بما فيها الفحص الجيني.[1][2]

المراجععدل

  1. 1.00 1.01 1.02 1.03 1.04 1.05 1.06 1.07 1.08 1.09 1.10 "Facts About Color Blindness". NEI. February 2015. مؤرشف من الأصل في 28 يوليوز 2016. تطّالع عليه بتاريخ 29 يوليوز 2016.
  2. Reference, Genetics Home. "Color vision deficiency". Genetics Home Reference (بنڭليزية). تطّالع عليه بتاريخ 2019-05-06.
  تقدر تزيد شوف بزاف د صور و معلومات ديال Color blindness ف ويكيميديا كومنز.