ضمير ابلة حكمت

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

ضمير أبلة حكمت مسلسل درامي ميصري تّنتج ف عام 1991. لمسلسل نتجو تّلفيزيون لميصري و كتب سّيناريو و لحوار ديالو أسامة أنور عكاشة و دارت لإخراج ديالو إنعام محمد علي. هاد لمسلسل هو أول مسلسل متّلاتو لممتلة لمصرية فاتن حمامة و كان دار لموسيقا ديالو لموسيقار عمر خيرت.

لمسلسل زيادة على فاتن حمامة متّلو فيه أحمد مظهر، جميل راتب، عبلة كامل، صلاح قابيل، إبراهيم يسري و ممتلين خرين.

لقصّة د لمسلسل

فاتن حمامة

لمسلسل كايعاود لقيصّة د مديرة د مدرسة د لبنات (أبلة حكمت هاشم، لّي متّلاتها فاتن حمامة) لّي قدرات تحقّق معجيزة فاش ردّات لمدرسة ديالها ميتال ل لمداريس د ميصر. هاد لقضية غادي تجرّ عليها بزّاف د لمشاكيل من عند نّاس لّي حاسدينها ولا ماشي ف مصلاحتهوم يتحسّن تّعليم (مّالين شكارة، لأساتيدة لّي كايزيدو سّوايع...).

تفاصيل على لمسلسل

• فاتن حمامة من بعد كاريير كبيرة ف سّينيما متّلات أول مسلسل ديالها و هي عندها 60 عام، و ماكانتش قبلات الدور ب سهولة و تشرطات بزاف د لحوايج باش تلعب ف لمسلسل:
  • فرضات على إنعام محمد علي تصور ب طريقة سينيمائية.
  • هي لّي فرضات أحمد مظهر و جميل راتب ف لمسلسل.
  • بزّاف د لمشاهد ف سّيناريو ما كانتش قبلاتهوم.
  • فاتن حمامةهي لّي كانت فرضات أن لموسيقا د لمسلسل يديرها عمر خيرت.
• أسامة أنور عكاشة ستوحى الشخصية من واحد سّيدة حقيقية لّي كانت مديرة د مدرسة و دخلات ف صراعات ب سباب لمبادئ و لأخلاق ديالها. فاتن حمامة تلاقات ب هاد سّيدة قبل من ما تبدا التصوير باش تخدم معاها الدور.
• مدرسة "نور المعارف كاينة ب صّح ف لإسكندرية.

وصلات خارجية

• دّخلة د لمسلسل ب لموسيقا د عمر خيرت - من لاشين رّسمية ف يوتيوب د ماسبيرو دراما تّابعة ل تّيليفيزيون لميصري .