صوفاكسليونانية لبالية Σόφακος صوفاكصوص) ؤلا سوفاكس (Sufax) هوّا بطل ؤلا نص رب ف لأساطير لأمازيغية ؤ ليونانية. صوفاكس هوّا ولد رّبة تينڭا ؤ رّب ليوناني هرقول، ؤ على حساب لأساطير هوّا لمؤسس ديال طانجا لي سمّاها ب سميت مّو، ؤ كان حاكم مملكة ف لمغريب، لي تقدر تكون هيّا نيت مملكة موريطانية.

صوفاكس
لفاميلة
لواليد هرقول
لواليدة تينڭا


تصاور ديال لماليك يوبا لموريطاني و مراتو كليوپاطرا سيليني ف شقوفا د لفلوس. لماليك يوبا كان كيڭول على راسو بلي منحادر من صوفاكس.

كانت عندو ختو سميتها إفينوي (لي بّاها هوّا عنتي لي كان تصارع معاه ؤ قتلو هرقول)، ؤ خوه سميتو پالايمون، لي يقدر يكون تا ولد ختو بعدما نعسات إفينوي معا بّاه هرقول.

صوفاكس خدا لمنصب ديال حامي أرض لأمازيغ من مور راجل مّو سّابق عنتي. على حساب لأساطير لأمازيغية، بزاف د لملوك لأمازيغ دّاعاو بلي كينحادرو من صوفاكس، بحال لملوك د نوميديا. نفس لأساطير كاتڭول بلي كان عندو ولد سميتو ديوضوروس لي حكم مناطق من شمال إفريقيا ب لمعاونة ديال لأرباب د ليونان.[1] على حساب تّوارخي ليوناني پلوطارخوس، بزاف د هاد لأساطير تّختارعو باش يعطيو مصداقية ل لحكم ديال لماليك يوبا لموريطاني لي كينحادر من لعائلة لملكية د نوميديا، ؤ لي كان كيعتابر راسو حفيد ديال ديوضوروس ؤ صوفاكس.[2]

عيون لكلام بدل

  1. ^ Plutarch, The Parallel Lives, The Life of Sertorius.
  2. ^ "Encyclopédie Berbère, Antée". لموسوعة لأمازيغية. doi:10.4000/encyclopedieberbere.2519.
 
هادي زريعة ديال مقالة خاصها تّوسع. تقدر تشارك ف لكتبة ديالها.