صندوق لعجب
صندوق لعجب ولا لابواط أ ميرڤيي (ب لفرانصاوية: La Boîte à merveilles) هي رواية ؤطوبيوݣرافية د لكاتب لمغريبي حمد صفريوي تنشرات ف 1954. هاد لقصة عندها طبيعة إتنوݣرافية، ؤ كانت كاتعتابر هاد لريواية لمدة طويلة بلي هي أول ريواية مغريبية مكتوبة ب لفرانصاوية ف لوقيتة د لحماية لفرانساوية على لمغريب قبل ما عاود بانت ريواية د موزاييك طيرني (جليج مشوه) لي كتبها عبدلقادر شاط ؤ تنشرات ف 1932.
صندوق لعجب
| ||
| معلومات عامة | ||
| عنوان أصلي | La Boîte à merveilles | |
| نوع د لكتاب | سيرة ذاتية | |
| مؤلف | أحمد صفريوي | |
| لبلاد لأصلية | لمغريب | |
| لّوغة لأصلية | لفرانساوية | |
| تاريخ د نّشر | 1954 | |
لموضوع
بدلف هاد لؤطوبيوكرافي[1] لي كاتعاود علا لمغريب تقليدي، ف لوقيتة د لحيماية، لكتاتبي (لي ف نفس لوقت هو راوي د لقصة)، سيدي محمد، دري صغير ف عمرو 6 سنين كيهضر علا طفولة ديالو لي دوز ف لمدينة لقديمة ديال فاس،[2] كيوصف لمحيط ديالو ب ݣاع تفاصيل لممكنة بلاما يحرفها.
لعنوان "صندوق لعجب" كيشير لواحد صندوق فين كان سيدي محمد كيخزن شي حوايج ديالو فيه، بحال لكواري د لبي ؤ لورد منشف.[3]
شخصيات
بدل- سيدي محمد: هو راوي د لقصة، دري صغير ف عمرو ست سنين عايش معا واليديه ف ليطاج تاني د دار شّوافة.[4]
- لالة زوبيدة: مت سيدي محمد.
- سيدي عبدسلام: بات سيدي محمد، كيخدم نساج د صوفة.
- لالة كنزة: شوافة ؤ عمة سيدي محمد، ساكنة ف سفلي د دار شوافة.[4]
- دريس لعواد: راجل رحمة ؤ بات لبنت صغيرة زينب (سبع سنين)، كيخدم ف صنيع د لمحرات، ؤ ساكنين ف ليطاج لول د دار شّوافة.[4]
- فاطمة لبزيوية ؤ راجلها علال خدام جارديني، هوما جيران د لفاميلة د سيدي محمد ف ليطاج تاني د دار شّوافة.[4]
- لالة عيشة: جارة لقديمة د لالة زوبيدة.
- لفقي: راجل ب لحية كيخرج ف لحلمات د سيدي محمد.
لملخص
بدلحمد صفريوي، ولا سيدي محمد، كيعاود علا صغر ديالو ف لمدينة لقديمة د فاس، كيجبد فيها ليام لي دوز ف لمسيد، دكريات ديالو ف لحمام، توجاد ل عاشورا، ؤ رتيباط ديالو ب صندوقو د لعجب. لقصة د هاد لريواية كاتشهد علا لعيشة لحقيقية د ناس لي ضايرين ب سيدي محمد، لي عندو ست سنين ؤ حشومي ؤ كيحلم بزاف، ؤ حتا فاميلتو ؤ جيرانهم، لعادات ؤ لمشاكل ديالهم.
لعيشة لعادية ديال هاد دري تخربقات بسباب لغيبة لي ماكانش كيتنساها د باه لي خرج من لمدينة باش يخدم مورما خسر ݣاع راسمالو. ف هاد لريواية كيوصف حمد الصفريوي تحنسيرة ؤ لوحدة ديالو من مورا هادشي ؤ ليام لكحلا لي دوز معا مو ف زيارة د لقبور ؤ سادات حتا يرجع باه. صندوق لعجب، وسط من ݣاع داكشي لي طاري، كان كيشكل راحة ل دري ؤ كانت فرصة ليه باش ينسا ݣاع داكشي لي واقع ؤ يتهدن ؤ يبدا يحلم بعيد.
عيون لكلام
بدل- ^ Zaid Tayeb (15 فبراير 2014). "La Boîte à Merveilles de A.Séfrioui : autobiographie ou roman autobiographique ?". Oujda City. مأرشيڤي من لأصل ف 2023-05-28. تطّالع عليه ب تاريخ 2021-10-29.
- ^ Gaudio Attilio (1982). "Fès: joyau de la civilisation islamique, p.236". Books.Google. Nouvelles Editions Latines. مأرشيڤي من لأصل ف 2023-08-06. تطّالع عليه ب تاريخ 2021-10-29.
- ^ R.G. (9 يونيو 1954). "La Boîte à merveilles par AHMED SEFRIOUI". لوموند. مأرشيڤي من لأصل ف 2023-07-02. تطّالع عليه ب تاريخ 2021-10-29.
- ^ a b c d Zaid Tayeb (30 مارس 2012). "La Boîte à Merveilles de Ahmed Séfrioui: Une vue panoramique". Oujda City. مأرشيڤي من لأصل ف 2023-05-28. تطّالع عليه ب تاريخ 2021-10-29.