صريعة

مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

صريعة
درية جاياها كريزة صريعية معمومة ، شوف كيفاش لعضلات ديالها مزيرين.
معلومات عامة:
السمية :	صريعة
لحرفة :	غدايدولوجيا
السيفة :	كاتجي على سّيفة ديال كريزات معاودين
لميكانيز :	تاديشارجيت فايتة لقياس ديال كمشة دلخليات لعصبية
لمرضة فلمغريب
لمناشرة ديالها  :	واصلة حتال 1,1% (لحساب تدار فكازا)
لمهمية ديالها :	الدفايعي الجاوج ديال التدواز عند السربيس ديال لعصبولوجيا ، يالاه 30% اللي متبعا على لمرضة.

صريعة ولا لمشادة د لرياح (فلقديم) هيا واحد لمرضة عصبية اللي كاتجي بسباب خدمة تريسينتية دماغية ماشي عادية. أما لكريزة صريعية هيا التابيانت السبيطارية ديال تاديشارجيت لمتزامنة ديال واحد لكميشة دلخليات لعصبية اللي كاينين فالجلفة الدماغية.

على هاد لقيبال خاصنا نفرقو مابين هاد جوج دلكليمات، لاحقاش صريعة هيا واحد لحالة اللي فيها لكريزات الصريعية كايتعاودو فشلّا نوبات ،أما لكريزة صريعية راه تقدر تجي لبنادم واحد لمرة فلعمر ؤ ماغادياش تسما بمرضة صريعية.

ميكانيز

النواع ديال لكريزات الصريعية

لكريزة الصريعية تقدر تجي على جوج سيافي : سيفا تاع كريزة صريعية مجهدة وحدة واللي ناتجة على شي ݣريسة دماغية مجهدة(شي خبطة فالدماغ،شي توسيخة بميكروب، شي باس فلعروقا،شي جغمة مسمومة...) ، ولا على سيفا تاع كريزات معاودين.

لكريزة صريعية كادوز على جوج ديال لوقيتات، فلوقيتة اللولانية لعلامي كايبانو معا تاديشارجيت (ؤ كايتسماو بعلامي وقتوكريزية يعني معا لكريزة نيت) عاد كاتجي لوقيتة التالية اللي فيها كايكونو لعلامي موراكريزية(فاش كاتسالي لكريزة و سبابهوم هوا لعيا ديال لخليات لعصبية وكايدوزو شي دقايق حتال شي سوايع) ، ؤ نقدرو عاوتاني نقسموها لجوج دنوايع،و اللي كلها ولعلامي اللي كايبانو فيه :

•كريزة معمومة : يلا تاديشارجيت كايكون موضعها فجوج دجناب ديال دماغ ؤلا فالدماغ كاملو.

•كريزة مامعموماش: يلا تاديشارجيت كايكون موضعها فقنت محدد فالدماغ.

حاجة خرا، لبلاصة فالدماغ اللي بدات فيها تاديشارجيت كاتحدد لينا لعلامي اللي غايبانو فوقت لكريزة الصريعية، نعطيو واحد لمتال : يلا تاديشارجيت كايكون قنتها هوا الفص الصدغي، لكريزة كاتكون على سيفة دتزعزيعات سمعية( السميع ديال شي صوات ماكاينينش ) ؤلا على سيفة دتزعزيعات هضرية ( بنادم مايقدرش يهضر ) .

I) كريزة معمومة تزيارية-قفقافية

فيديو كايوري كيفاش كادوز معا التلفازة دماغية ديالها

هاد لكريزة كادوز من تلاتة دلمراحْل وهادشي كاملو فواحد لوقيتة من دقيقة حتال تلاتة دقايق علاين :

1) لمرحلة التزيارية من 10حتال 20 تانية :

لبدية ديالها مجهدة، بنادم كايغيب فيها ؤ مكايعقلش شنو كايطرا ليه معا لمزايرة ديال ݣاع لعضلات ديالو (داكشي علاش تسمات ب "التزيارية")، فهاد لحالة عينيه كايتقلبو ، كايتحبس ليه النفس ، الزروݣية ، زربة فدقان دلقلب ، هيپرخروج ديال الدفال و لفرازي دلݣصيبة لهواوية. يقدر حتا يعض جنب لسانو .

2) لمرحلة لقفقافية من 20 حتال 30 تانية :

تسمات بقفقافية حيت لكسدة ديال لمصروع كاتبقا كاتقفقف ؤكاتفيبري بواحد الشكل اللي مريتمي،من جنابو بجوجهوم وبواحد لمانيرة متزامنة. وكاتسالي بجهد وبيه فيه.

3) لمرحلة لموراكريزية :

لمصروع كايطيح كومة شي دقايق وفيها كايترخاو ݣاع لعضلات ديالو يقدر يخرج واحد الصوت بسباب التنفاس لعميق ديالو(ستريطور) معا هيپرخروج ديال الدفال و لفرازي دلݣصيبة لهواوية، فاش كايفيق كاتكون عندو دوخة موراكريزية وكادوّز من شي دقايق حتال شي سويعات واخا كاينسا ݣاع داكشي اللي جراليه

II) لغبور

غالبا ماكاتجي عند لبراهش، لبرهوش كايغيب فشي تواني، لبدية ولمسالية ديال لكريزة كايكونو بجهد، بحال يلا كان كايلعب شي شوية كايحبس كايجمد ماكايتحركش ؤ مكايهضرش ؤمن بعد كايعاود بيه فيه يكمل شغالو. التخطيط ديال الدماغ EEG كايوري واحد لخدمة دماغية فشكل وكاتميز هاد لحالة.

III) عضلوقفقيفات معمومين

لكريزات لمعمومين اللي بوحدهوم فاش بنادم كايبقا عايق بشنو طرا ليه ومافيهومش تزعزيعات عايقية. كاتجي على سيفة ديال تقفقيفات عضلية معاودة غي هكاك ؤلا بسباب الضو.

ناس مشهورين مرضو بصريعة

ناس مشهورين بصمو تاريخ كانو مراض بصريعة :

• ألفريد نوبل
• ناپوليون بوناپارت
• ڤلاديمير لينين
• فيودور دوسطويڤسكي
• أليكساندر لكبير
• خوليو سيزار

لمزاود

.• ضوكيمونطير دارتو تيلي-ماروك على لمعيشة د لمراض بصريعة ف لمغريب : هكذا يعيش مرضى الصّرع في المغرب

•معلومات مهمين على ل AMCEP ؤلا لمحامية لمغريبية ضد صريعة فمراكش.

تقدر تزيد شوف بزاف د تّصاور و لمعلومات ديال Epilepsy ف ويكيميديا كومنز.