شوونين
شوونين ( ب الجاپونية 少年) هو مؤشير ديموغرافي ديال لمانݣا و لآنيمي كايستهدف جمهور د لولاد الدكور، مابين لعمر د 8 و 18 كا متوسط. لمانݣا د الشوونين ف أغلب لخطرات كاتعتابر لموقابيل د لمانݣا د الشوجو د لبنات لي عمرهم بين 8 و 18. وخا هاكداك، هاد لمؤشيرات د لمانݣا ب جوج بيهوم يقدرو يتمتعو بيهوم لقوراء من ݣاع لعمار و الجناس.[1]
التعريف و لخصايل
بدلمانݣا د الشوونين ب شكل عام كاتميل لجيهة النواع لفنية د لآكشن و لمغامرة. ف لغالب كاتضم عناصير من لعنف، ب درجات مختالفة على حساب لمانݣا، و تقدر تكون دموية و يكونو فيها طيمات د لبالغين. بزاف د لمانݣات د الشونين كايصورو فرقة د لمطايفة، متعاونين معا بعضياتهوم على ود هدف مشتارك. لفوكاهة حتى هي من لخصايل الشايعة ف الشوونين، بحال ف لحضور د شخصية نتوة جدابة، هاد النوع بعض لمرات كايتسمى بيشوجو 美少女.
واحد لميتال شايع و واضح على الشوونين هو لمانݣا و لآنيمي د ل"مطايفة"، فين جوج د للمحاربين لقويين كايطايفو معا بعضياتهوم، ب واسطة بزاف د الشكال د فنون لحرب و لقوى لخارقة. إيكزومپلات بحال، دراݣون بول، شعلة د ريكا و رورووني كينشين. الروبووات لعملاقة (معروفة ب سمية "ميكا") حتى هي شكل شايع من الشكال د لمانݣا و لآنيمي د الشوونين. لي بدا ب مازينݣر زيد و تطوور ل ݣانضام و ماكروس و زيد و زيد. لي هوما روبواات عملاقة كايسوݣها بنادم.
وخا لمانݣا و لآنيمي د الشوونين تزادو ترقاو ف هاد لعوام كاملة، الشوونين مازال متمحور ب شكل كبير على لحل د الصيراعات ب لكومبا، غير هو هادشي ماشي لحاجة لوحيدة لي نقدرو نقولوها. كاين بزاف د لمانݣات و لآنيميات د لكوميديا الرومانسية لي معروفة بسمية ("هاريم" جات من كلمة "حريم" ب لفوصحى) فيها كاستينݣ كبير من لكاركطيرات النتوات لي ملهوفين على لهتيمام د لپروطاݣونيست الدكر، لي كايكون ف لعادة شخص متردد و ماتايقش ف راسو، بحال ف طينشي مويو!، لوف هينا و تو لاڤ روو. إيكزومپلات خرين على لمانݣات د اللامطايفة هي لمانݣات د الرياضة بحال صلام دانك و يوواموشي پيضال و أمير التينيس.
من غير لعنف و لكومبا، واحد لخصلة د بزاف د لمانݣات و لآنيميات د الشوونين هي السرعة ف نقيل لحدات فين لآكشن و لآدرينالين كايكون عليهوم التركيز كتر من لحبكة.
لفرق بين مانݣا د الشوونين و مانݣا د الشوجو
بدلب النيسبة ل الستيل، لمانݣا د الشوونين ف لقصة ديالها على لعموموم ݣاعما كاتكون "ملونة" و "مزوهرة" كيف لمانݣا د الشوجو كا معدل، وخا الستيل د الرسيم لي كايتستعمل كايعتامد كليا على لمانݣاكا. من لموهيم تعرف بلي حتى خصلة من هاد لخصايل شرط ديال مانݣا د الشوونين، و ف لغالب الطريقة لوحيدة باش تيقن من لمانݣا واش شوونين ولا لا، هي تعرف إينا مجلة تنشرات فيها لمانݣا.[2]
لمجلات د الشوونين ب لمانݣا ديالهوم
بدل- لقانون د أوويكي
- ماݣي: لمتاهة د السحر
- لموحقيق كونان
- أوشيو و طورا
- إنوياشا
شوونين سانداي سوپيريور الشهرية
- آليس إن بوردرلاند
- ماجيك كايطو
- أوݣر سلاير
- ميرمايد ساݣا
- هاجيمي نو إيپو
- ڤينلاند صاݣا
- النمر لمقنع
- فايري تايلز
- السبع لخطايا المميتة
شوونين ماݣازين الشهرية
- مدرسة لكونݣ فوو
- كاپيطا
- بيك
- كاپتن ماجد
- دراݣون بول
- وان پيس
- ناروطو
- قبطة نجم الشمال
جامپ إس الشهرية
- إيكزورسيست زرق
- دي ݣراي مان
- پلاتينيوم إيند
- وورلد تريݣر
آكيطا شوطين
بدلشوونين تشامپيون لسبوعية
- باكي لݣراپلر
- بيسطارز
- بابيل
- يوواموشي پيضال
عيون لكلام
بدل- ^ "Shōnen".
- ^ "Shounen Genre". مأرشيڤي من لأصل ف 2023-12-04. تطّالع عليه ب تاريخ 2024-06-19.