سلوى رشدان
سلوى رُشدان (مزيودة ف 1986 ف مراكش) عالمة و باحتة مغريبية ف مجال لبيئة و الديناميكية ديال التنوع لبيولوجي، خدّامة دابا ف وكالة لفضاء لميريكانية نازا.[1][2]
سلوى رشدان
| ||
| ||
| معلومات عامة | ||
| زيادة | 1986 (37/38 عام) مراكش | |
| لجنسية | لمغريب | |
| لحرفة | عالمة | |
حياتها
بدلدوّزات رُشدان قرايتها كاملة ف مراكش، و خدات لباك من ليسي قاضي عياض ف 2003. ف 2006، خدات ليصونص ف لبيئة من جامعة لقاضي عياض. جات اللولة ف ماسطر ديال "لبيئة و ديناميكية التنوع لبيولوجي". كملات قرايتها ب الدوكتورا ب "أبحات على إمكانية تأقلم لقيطاع لفيلاحي و لأنضمة لبيئية معا التبدال د لمناخ، ف إطار تشخيص لمخاطر ديالو و تحديد طرقان التعامل معاه، على ود لوصول ل إستراتيجية متكاملة، و برامج تنفيذية كاتسمح ب لحد من لأتار السلبية ديالها، و إعداد بدائل ممكنة على ود حماية الطاقات لإنتاجية و لإستفادة من لعوام لي كاطيح فيهم الشتا".[3]
ولّات سلوى رشدان مركّزة بشكل كامل على لأبحات، و قدرات باش تشارك ف بزاف د لمؤتمرات عالمية ديال الصيونص، و ستافدات من بورس ديال عدد د لمنضمات بحال لأمم لمتحدة، لمنضمة لإسلامية ديال التربية و لعولوم و التقافة، و لهيئة لألمانية ديال التبادل التقافي. دارت مشروع ديال بحت علمي على ربط لعوامل لمناخية و لإجتماعية و لإقتصادية، على ود تعزيز لأمن د لماكلة ف لمغريب ف 20 عام الجاية. هاد لمشروع ختارتو لمنضمة الدولية ديال لبحت والتحليل و التدريب حول التغيرات المناخية، لي لمقر ديالها ف واشينطون، باش يكون من بين 24 مشروع (من أصل 220) لي تعطات ليهم منحة.[4]
ف 2013، ملي كان ف عمرها 27 عام، بدات كاتخدم ف وكالة نازا لميريكانية.[5]
رشدان عضوة ف نادي الصحافة لعلمية ف مراكش من 2003، و لإتحاد الدولي ديال الدراسات لعلمية د السكان. و هيّ متطوعة متخصصة ف لمنتزه لوطني ديال توبقال.[3]
عيون لكلام
بدل- ^ "بعيدا عن التفاهات. ثلاثة مغاربة ضمن وكالة "ناسا" الأمريكية لأبحاث الفضاء". 2019-02-26. تطّالع عليه ب تاريخ 2024-10-21.
- ^ "سلوى رشدان عالمةَ فَضَاءٍ مِنْ جُذُورِ مَغْرَبِيَّةٍ". تطّالع عليه ب تاريخ 2024-10-21.
- ^ a b "Saloua Rochdane". تطّالع عليه ب تاريخ 2024-10-21.
- ^ "من مدرجات "القاضي عياض" .. إلى مختبرات وكالة الفضاء NASA". 2013-03-21. تطّالع عليه ب تاريخ 2024-10-21.
- ^ "هل نشهد قريباً أول وكالة فضاء عربية؟". 2020-09-09. تطّالع عليه ب تاريخ 2024-10-21.