ويب
رّيزو رّتيلي لعالمي (ب نّڭليزية World Wide Web، بختيصار WWW) ؤلا لويب (ب نّڭليزية Web، ب معنى شْبكة د رتيلة) هوّا سيستيم د لمعلومات لي كيخلي وتايق ؤ موارد خرة د لويب باش تكون موتاحة ف أنتيرنيت. هاد لموارد كيوليو كيشكّلو بيناتهوم ريزو ديال لمصادر د لمعلومات لي مرتابطة بيناتها، ؤ مأمپليمونطية فوق من ريزو مادي لي كيربط أجهيزا بحال لپيسيات ؤ سّيرڤورات ؤ رّوتورات ؤ لي كايتسما أنتيرنيت.
لموارد د لويب كيتعرّفو ب سيرية د لكاراكطيرات لي كاتسمّا موحديد موحد د لموضع ديال لمورد (ب نّڭليزية Unified Resource Locator، ؤلا بختيصار URL)، أولا ف لهضرة لعادية "ليان" ؤلا "رابيط" ؤلا "أدريسة د لويب". نّوع لأصلي د لوتيقة د لويب ؤ أكتر واحد باقي منتاشر هوّا صفحة د لويب مكتوبة ب لونڭاج د لماركاپ د تّيكست لفوقاني، ؤلا HTML، هاش طي إم إل. هاد لّونڭاج د لماركاپ كيقبل تّيكست لعادي، تّصاور، ڤيديوات ؤ ؤديوات مضمّنين، ؤ سكريپتات (پروڭرامات قصار) لي كيأمپلونطيو تصرفات ؤ تفاعلات معقّدة معا لخدايميا. هاش طي إم إل كيقبل تا لّيانات ؤلا رّوابط لفوقانية، لي هيّا ليانات كاتكون مضمنّة ف تيكست ؤلا تصويرة، ؤ كاتعطي أكصي ديريكت ل مورد أخور (متلاً يلا كليكا عليه بنادم كيمشي ل صفحة خرة ف لويب). سّورفاج ف لويب هيّا لعملية لي كيدير بنادم فاش كيبقا يدخل من ليان ل ليان أخور ف مواقع مختالفين د لويب. لمعلومات ف لويب كيتم طّرونصفير ديالهوم ب لپروطوكول د طّرونصفير د تّيكست لفوقاني، ؤلا بختيصار HTTP، هاش طي طي پي.
لويب تصاوب ف لأصل باش يكون سيستيم ديال تدبير لوتايق، ؤ ختارعو لموهنديس نّڭليزي تيم بورنرز لي ف 1989 فاش كان خدام ف سيرن.[1] ؤ تّفتح ل عوموم نّاس ف 1991.
عيون لكلام بدل
- ^ تيم بورنرز لي (مارس 1989). "Information Management: A Proposal". مأرشيڤي من لأصل ف 2023-09-30. تطّالع عليه ب تاريخ 2022-08-14.
 هادي زريعة ديال مقالة خاصها تّوسع. تقدر تشارك ف لكتبة ديالها. |