روتيني ليومي

(تحولات من روتيني اليومي)

روتيني ليومي (كلمة روتين ف بزّاف د لّوغات كاتعني لحاجة ولا لحوايج لّي كايتعاودو ب نفس الشكل) هي السمية لّي كاتعطا ف لبلدان د شمال إفريقيا و الشرق لأوسط ل واحد النوع د لمحتوى كاين ف يوتيوب و لّي لغالبية ديال ليوتوبرز لّي كايديروه كايكونو نسا و كايصوروه من ديورهوم و كايكون فيه تصوير د لأنشطة ديالهوم د كل يوم بحال شغالات الدار و الطياب و التّقضية ولا كايكونو فيه نصائح ولا توصيات على لمسائل لمنزلية و لحياة ليومية (ف اللباس، الصحة، التغدية...).[1]

الربح لمالي لّي كايعطي هاد لمحتوى ل مّاليه، و زيد عليه نسب لمشاهدة لكبيرة ديالو و لمشاكيل[2] و لإشكاليات اللي كايطرحها على مستوى قضايا بحال الصورة د لمرا، لحرية لفردية و لحرية د لمحتوى ف لانتيرنيت، خلاتو يكون موضوع نقاش عمومي ف بزاف د لبلدان بحال لمغريب.[3]

هاد النوع د لمحتوى كاين، من بين لمنتقدين ديالو، لّي كايشوف بلي كايطرح موشكيل أخلاقي و كايصنفو محتوى جنساني ولا تافه و حتّا دعارة مخبّية و كايعتابر بلي خاصّو يتحارب و يتعاقبو مّاليه. ف الجيهة لخرة، لمدافعين على لبقاء ديال هاد لمحتوى كايعتابرو بلي كايدخل ف باب لحرية لفردية و حرية التعبير.[3]

عيون لكلام بدل

  1. ^ "روتيني اليومي: "يوتيوبرز" يثبتن الصورة التقليدية للمرأة العربية". مأرشيڤي من لأصل ف 2021-05-18. تطّالع عليه ب تاريخ 2020-09-19.
  2. ^ "زوج طعن زوجته في مؤخرتها ست مرات بعدما أغرم رواد القناة بها". مأرشيڤي من لأصل ف 2022-07-01. تطّالع عليه ب تاريخ 2020-09-19.
  3. ^ a b "روتيني اليومي...هل هو حرية تعبير ومورد رزق أم انحطاط في الأخلاق؟". مأرشيڤي من لأصل ف 2022-11-10. تطّالع عليه ب تاريخ 2020-09-19.
 
هادي زريعة ديال مقالة خاصها تّوسع. تقدر تشارك ف لكتبة ديالها.