رواية إنجيل الأمازيغ العهد الأخير

رواية إنجيل الأمازيغ العهد الأخير
معلومات عامة
مؤلف	عبد الله لحسايني
لبلاد لأصلية	لمغريب
لّوغة لأصلية	لعربية لفصيحة الجديدة
تاريخ د نّشر	2019

إنجيل الأمازيغ العهد الأخير هي رواية تصدرات فأواخير سنة 2019 من طرف الروائي المغريبي عبد الله لحسايني على دار مكتبة سلمى فـ تيطوان.

لغلاف ديال الرواية

تفاصيل ديال الرواية

كتحكي على بطل رواية سابقة لنفس الكاتب واللي سميتو سعيد واللي رجع مهتم باللاهوت المسيحي خصوصن للقس المسيحي المعارض اللي سميتو آريوس اللي عاش فلقرون اللولى المسيحية. بطل الرواية مهتم تا بالتاريخ و لمخطوطات، و قدر يكتشف مخطوطات ديال إنجيل بالأمازيغية. هاذ الإنجيل مكتوب فيه على القس آريوس. البطل غادي يوليو يلقبوه بآريوس من كثرة ما كيهدر عليه. ولحقاش مهتم بالفيزيك الكمومية ويحاول بلمساعدة ديال الأستاذ ديالو أنو يلقا طريݣة باش يخرج من هاذ العالم ويرجع للماضي باش يتلاقا هاذ القس.

و فيعلا غادي يستغل طريقة تجمع بين التصوف والبوذية ولفيزيك لأنو الإلكترونات هوما لي يقدرو يرجعو للماضي ولهذا حسب البطل فإن التركيز عن طريق التأمل البوذي اليوݣا ولا الحضرة الصوفية يخلي الإلكترونات ديال الجسم أنهم يرجعو للماضي. فعلا كايرجع للماضي ويتلاقى بشخصية مسيحية فسوريا الشام ديك لوقت ولي كيعتبر نفسو تجسود ديال القس آريوس وكيبدا مع سنسلة ديال النيقاشات اللاهوتية. أما اللي ضايرين بهاذ السيد غادي يحسدو البطل ويحاولو يغتالوه. و ف إطار المقاومة ديالو ليهم يكتشف بلي كل اللي عاشو كان حلم وكانو مزال فالزاوية. و قرر أنو يفتح صفحة فلفايسبوك ويعلن أنو هو أريوس ديال هاذ العصر و بلي التعليمات ديالو هي الإنجيل العهد الأخير لي هي بشارة الخلاص من الشكل القديم للأديان و بلي الدين هو تقديس الإنسان و حقوق الإنسان.

لبطل غادي يموت بعد سنوات ولكن بدل أنو يتحقق الهدف ديالو الناس غادي ترجع للعادة القديمة ديالها بحال ما صرت تاحاجة.

الكاتب عبد الله لحسايني عندو رواية أخرى سميتها "بطاليوس عاد إلى مقدونيا"، و ف هاذ الرواية انجيل الأمازيغ كيعتمد على فقرات من الرواية اللولة بحال يلا كانت الجزء الثاني باش يبيين الترابط بيناتهم وباش يخلق نوع من الواقع الإفتراضي الأدبي.