دييڭيسيس

مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

الدييڭيسيس (ب ليونانية لبالية διήγησις) هوّ مفهوم ف لأداب و ف التعاويد لي عندو جوج د لمعاني. لمعنى اللول هوّ لمعاودة على شي حاجة، لي هوّ ضد لميميسيس، يعني تورّي ديك لحاجة. متلاً، يقدر لكاتب د قصة يڭول "عبد القادر كان راجل مامزيانش" (دييڭيسيس)، ؤلا عكس هادشي يورّي عبد القادر ف شي وضعية كيدير حاجة مامزياناش، متلا يكون كيضرب مرا شارفة، و يخلي لقاري يستنتج من راسو بلي عبد القادر راجل مامزيانش (ميميسيس). لمعنى التاني هوّ لعالم الدخلاني ديال شي عامال أدابي ب لكامل، لي داك لعامال كيكون طرف منّو.

لميكانيزم د التعاويد

ف عامال أدابي، يقدر لواحد يميّز مابين كتر من مستوى دييڭيسي:

• لمستوى لبرّا-دييڭيسي extradiégétique: هوّ لمستوى ديال لمعاودي narrateur د لقصة، لي ماكيكونش براسو شخصية ف لقصة.
• لمستوى الدخلا-دييڭيسي intradiégétique: هوّ لمستوى الدييڭيسي د بصّح لي فيه الشخصيات و لأفكار و لأفعال ديالهوم.
• لمستوى لميطا-دييڭيسي métadiédétique: هوّ مستوى لي كاتكون الدييڭيسيس براسها فيها دييڭيسيس، بحال شهرزاد ف ألف ليلة و ليلة لي فيها نيت كاتعاود قيصاص ل شهريار. يلا كان لمعاودي كيعاود قيصاص لي هوّ براسو طرف منهوم (متلا كيعاود شي حاجة طرات ليه)، كانڭولو بلي لمعاودي "بحالو-دييڭيسي" homodiégétique، و عكس هادشي كيكون "مبدّلو-دييڭسيسي" hétérodiégétique. لمشاهد د لقصة لي كيكونو فيها أحلام ؤلا هلوسات تا هيّ كاتّعتابر "ميطا-دييڭيسية".