دجو روڭان
دجوزيف دجيمس روڭان (مزيود ف 11 غشت 1967) پوكاسطر، كوميدي و مومتيل ميريكاني. كان قبل موقدّيم ف التلفازة. هوّ مول لپودكاسط لمشهور التجربة د دجو روڭان The Joe Rogan Experience، لي كيناقش فيه لأحدات لي طارية، السياسة، الدين، لفلسفة، الصيونص، لفنون د لمقاتلة، و غيرها من لمواضيع، معا شخصيات مشهورة. كيتّعتابر من أشهر لپودكاسطات و من أكتر وحدين كيتشافو ف لعالم.
تزاد روڭان ف نيوارك، نيودجيرسي، و بدا لكاريير ديالو ف لكوميديا ف 1988 ف النواحي ديال بوسطن. بعدما تحوّل ل لوص أنجيليس ف 1994، سنى كونطرا معا ديزني، باش يشارك ف التمتيل ف عدد ديال لبرامج د التلفازة، بحال هاردبول، و نيوز راديو. ف 1997، بدا كيخدم معا UFC كا موعلّيق. ف عام 2000، خرّج أول عامال كوميدي خاص ديالو، ب عنوان "راني غادي نكون متّ شي نهار..." I'm Gonna Be Dead Someday. كان موضيف ديال برنامج "عامل د لخوف" Fear Factor مابين 2001 و 2006.
ف 2009، بدا روڭان لپودكاسط ديالو. ف 2015 كان ديجا ولّا من أنجح لپودكاسطات ف لعالم، ب لملاين ديال السمعات ل كلا حلقة. سپوتيفاي خدات لحقوق لحصرية ديال نشر لپودكاسط د روڭان ف 2020، ب قيمة ديال 200 مليون دولار ميريكاني.[1] من ديك الساع، لمتابعين ديالو تزادو بزاف، و ف 2024 جدد لكونطرا معا سپوتيفاي ب 250 مليون دولار، و بلا حقوق حصرية.[2]
عيون لكلام
بدل- ^ Bissada، Mason (January 27, 2020). "Joe Rogan's Spotify Deal Allegedly Worth $200 Million, Doubling Initial Report". Forbes. تطّالع عليه ب تاريخ January 5, 2023.
- ^ Ugwu، Reggie (2024-02-02). "Joe Rogan Renews at Spotify, but Will No Longer Be Exclusive". The New York Times. ISSN 0362-4331. تطّالع عليه ب تاريخ 2024-02-04.