خلعة جسدية

خلعة جسدية ولا خلعة بيولوجية، هو نوع فني فرعي ديال التعاويد د لخلعة و لافلام د لخلعة لي كينوي يبين نتيهاكات د لجيسم لي كاتكون كاتعيّف ولا كاتضر ف لخاطر. بحال السيكس الدموي، الطفرات، التشويه، تاعفون بسباب شي پارازيط، مرض، ولا حاراكات ماشي إيرادية د لجيسم. لخلعة لجسدية كان وصف ف لأصل تطبق على شي نواع فرعية بدات تبان ف لأفلام ديال أمريكا الشامالية، و لاكين عندو أوصول ف لأدب لݣوتيك وبقا حتى شمل بزاف د لفونون خوصوصا السينيما.

مرا دايرة ماكياج ديال زومبي

التعريف د هاد النوع

خلعة جسدية هو نوع فني فرعي ديال التعاويد و أفلام لخلعة. أي فيلم خلعة يقدر يكون فيه شي عاناصير من هاد النوع لفرعي، و لايني شي أفلام كاتعتابر بشكل كامل خلعة جسدية. لمقصود من هاد النوع هو تعياف لي كايقرا ولا لي كايتفرج.

لخصايل د هاد النوع

لخلعة لجسدية يقدر يتخلط معا نواع د لخلعة اخرى، ولاكين كايبقى مختالف عليهوم. متالا، ف لوقيتة لي لعاناصير ديال التاحوول لجسدي كاتكون حاضرة ف لخلعة لجسدية، نواع اخرى فيها هاد لخصلة بحال التقطاع، السپلاطر و أفلام لوحوش ولاكين كايختالفو بيناتهوم ف النية و الميساج. لاختيلاف لي كاين ف هاد النوع هو لنتيهاكات و التشويهات د لجيسم ناديرا ماكاتكون جاية من تعدية ولا عونف. ولاكين جاية من خسران التاحكوم الواعي ب لجيسم بسباب شي طفرة، مرض... آپار على لخصايل لي شايعة بينات ڭاع النواع لفرعية د لخلعة، شي خصايل كاينة غير ف هاد النوع لفرعي بحال الطفرات، لعدوى و التاعفونات لفيطرية. لموؤتيرات لخاصة و لماكياج حاجة أساسية ف هاد النوع.

إيكزومپلات من هاد النوع

أفلام :

• تييث - 2007
• ذا ثينݣ - 1982
• مسعور - 1977
• ذا بروود - 1979
• سكانيرات - 1981
• ڤيديودروم - 1983
• تبوريشة - 1975