خدايمي:Yosh cvd/تخباع د لݣمل

ف لكربطوݣرافية، تخباع ولا ترماز د لݣمل هو ألݣوريتم د تخباع ب لمفاتح ماشي سيمطريك ديال لكربطوݣرافية بمفتاح باين، مبازي على تّبدال د لمفاتح ديال ديفي هيلمان. قتارحو لماطماتسيان لمصري طاهر لݣمل ف 1985

تولاد د لمفتاح

تخباع د لجمل كتقسم ن تلاتة د مراحل: تولاد د لمفتاح، تخباع، و تبيان. لمرحلة لولة فيها غير تبدال د لمفاتح (ديفي هيلمان)، أما جوج لخارا فيهوم تبدال د لمفاتح مخلط معا لحساب د لميصاج.

طرف لول، أليس، كتولد جوج مفاتح بطريقة لي ماجا:

• كتختار شي غروب تدواري $G$، رتبة (لعدد د لعناصر لي فيه) ديالو $q$، لمولد ديالو $g$. لعنصر لمحايد ديالو $e$.
• كتختار شي رقم عشوائياً $x$ من $\{1,...,q-1\}$.
• كتحسب $h_{a}=g^{x}$
• لمفتاح لباين هو $(G,q,g,h_{a})$. أليس كتنشر لمفتاح لباين و كتخلي $x$ مخبعة.

تخباع

طرف تاني بوب، كيستعمل لمفتاح لباين ديال أليس $(G,q,g,h_{a})$ ماش يخبع بيه شي مصاج $M$.

• كيربط لمصاج $M$ ن شي عنصر$m$ من $G$ بشي فونكسيون ترجاعية.
• كتختار شي رقم عشوائياً $y$ من $\{1,...,q-1\}$.
• كيحسب $s=h_{a}^{y}$
• كيحسب $h_{b}=g^{y}$
• كيحسب $c=m.s$
• بوب كيصيفط $(c,h_{b})$ ن أليس، وكيخلي $y$ مخبع