خدايمي:DarijaBot/عطاشة 2.1:لهادر د لمقالات
عطاشة كاملة 0F0
عطاشة ف طور تّطوير FFFF00
عطاشة محبوسة FFA500
عطاشة كانت ؤ تّلغات FF0000
- لبوت: DarijaBot
- لونݣاج: پايثون
- پاج ديال لبوت ف ݣيتهاب: داريجابوت
- پاج د لپاراميطراج: ميدياويكي:عطاشة2.1.json
- شحال د لفريكونص: بشكل منتاضم، ما بين مرة ف سّيمانة تال مرة ف شّهر، علا حساب شحال د لخدمة تدارت ف ويكيپيديا.
- سطاتو: خدّامة
هاد لعطاشة كاتخدم على هاد لحوايج:
- مقالة ناقصينها عيون لكلام: لبوت غادي يزيد هاد طّاݣ يلا لمقال ماكانوش فيه عيون. يلا تزادو عيون ؤ طّاݣ كان باقي، غادي يحيدو لبوت. لعيون لي كاينين وسط قوالب مامحسوبينش.
- مقالة زنقة ماكاتخرجش: يلا ماكان حتا ليان كيدّي ل مقالة خرة، غادي يتزاد هاد طّاݣ. غادي يتحيد يلا كان لعكس. لّيانات لي كاينين وسط قوالب مامحسوبينش.
- مقالة ما مصنفاش: غادي يتزاد يلا ماكان حتا تصنيف خدام، ؤ يتحيد يلا كان شي تصنيف. تّصنيفات لّي كيتزادو بشكل ؤطوماتيكي (معا شي طاݣ متلا) ؤ تّصنيفات لمخفيين مامحسوبينش.
- مقالة مقطوعة من شجرة: كيتزاد يلا ماكان حتا شي ليان ف شي مقالة خرة كيدي ل لمقالة لحالية. لّيانات لّي كاينين ف لقوالب ؤلا تّصنيفات ؤلا أي پاج خرة ماشي ديال لمحتوى ماكيتحسبوش عادة. طّاݣ كيتحيّد يلا كانو ليانات كيدّيو ل لمقال موجودين.
- فقرة مازالا خاوية ولا ناقصة: كيتزاد يلا كانت شي فقرة خاوية (جوج عناوين من نفس لمستوى متّابعين مابيناتهوم والو، ؤلا عنوان ف لّخر ما موراه والو، لعنوان د "عيون لكلام" كيتحسب بحال يلا ماكاينش). تّحياد خاصو يتدار ب ليد.
- مقالة ناقصينها تصاور: كيتزاد هاد طّاݣ ل مقالات لي مافيهاش تصويرة، ؤ كاينين تصاور ف لموقابيلات ديالها ف ويكيداطا، ف كومنز، ؤلا ف ويكيپيديات ب لعربية، لفرانساوية ؤلا نّݣليزية.
- مقالة مرونة: هاد طّاݣ ماشي ساهل يتزاد ب لبوت، حيت لحوكم بلي مقالة مرونة ؤلا لا كيبقا داتي ؤ شوية نيسبي ف شي حالات، ؤلا كيتطلب فهم ديال لموضوع، شّي لي پروݣرام مايقدرش يديرو ب سوهولة. ولاكين نقدر نشوف حالات خاصة لي تكون واضحة ؤ يتزاد فيها هاد طّاݣ (ميتال: يلا كان لارتيكل معرب بزاف، ؤلا فيه بزاف د لكاراكطيرات لي فشكل).