لپوزيطرون ؤلا أنتيليكتروننݣليزية Positron ؤلا Antielectron) هوّا ضدفتريتة ؤلا لموقابيل ف ضدمادة ديال لإليكترون. لپوزيطرون عندو نفس لخاصيات ديال لإليكطرون، من غير التعميرة التريسينتية ديالو لي كاتساوي +e (يعني عكس لإليكطرون لي التعميرة ديالو -e).[1]

پوزيطرون
پوزيطرون
معلومات عامة
نوع Antilepton و فرتيتة أولية
ضدمادة إليكطرون
تفاعلات جابدية، قوة كهرومغناطيسية و قوة نووية ضعيفة
لكتلة 0.5109989461
معلومات إضافية
موكتاشيف كارل ديڤيد أنديرسون


ف 1928، پول ديراك صدر ورقة بحتية توقّع فيها بلي لإليكطرونات تقدر تكون عندهوم تعميرة موجبة ؤلا سالبة. هاد لورقة كانت كاتحاول تشرح مفعول زيمان، ب إدراج معادلة ديراك لي كاتوحد مابين لميكانيك د لكوانطا و نضرية د النسبية لخاصة و لمفهوم ديال السپين spin لي كان جديد ديك الساع. بعد بزاف د لمداكرات معا عولاما خرين د لفيزيك، منهوم روبرت ؤبنهايمر و هيرمان وييل، ديراك صدر ورقة بحتية خرة ف 1931، كيتنبأ فيها ب لوجود ديال فرتيتة جديدة عندها نفس لخاصيات د لإليكطرون و تعميرة مضادة.

ف 2 غشت 1932، كارل ديڤيد أنديرسون كتاشف لپوزيطرون ف اللابو، و دّا جايزة نوبل د لفيزيك على هاد لكتيشاف ف 1936. فريديريك و إرين جوليو كوري كان عندهوم دليل على وجود لپوزيطرون ف نفس لوقت فاش النتايج ديال أنديرسون خرجو، ولاكين حساب ليهوم واش غير پروطونات. جوج عولاما خرين هوما پاطريك بلاكيت Patrick Blackett و دجيوسيپي ؤكياليني Giuseppe Occhialini دارو نفس لإكتشاف ف نفس لوقت، ولاكين حيت عطّلو لإعلان ديالو، بوحدو أنديرسون كيتّعتابر مكتاشف د لپوزيطرون.

Wikimedia Commons تقدر تزيد شوف بزاف د تّصاور و لمعلومات ديال Positrons ف ويكيميديا كومنز.

عيون لكلام بدل

  1. ^ "Britannica, positron". مأرشيڤي من لأصل ف 2023-07-11. تطّالع عليه ب تاريخ 2023-02-06.
 
هادي زريعة ديال مقالة خاصها تّوسع. تقدر تشارك ف لكتبة ديالها.