النهار فكوكب لأرض هي فترة ديال ليوم اللي فيها كاتكون واحد بلاصة منورة بضو النهار من الشعة اللي جاية ديريكت من الشمش. كايكون النهار فاش كاتكون الشمش فوق لأفق، يعني أي بلاصة (أي نص) من لكوكب اللي مقابل لعندها. يمكن نسجلو لحركة ديال الشمش اللي كاتبان باللي كاتحرّك بشوية فالنهار بستيعمال الساعة الشمشية. كاتشهد لكواكيب ولأقمار اللي كادّور على راسها وعلى جسم سماوي أساسي، بحال النجوم، الضاهيرة ديال النهار.

السما فالنهار والسحاب لبيض
تصويرة تخادت فالنهار لخليج صورينطو

لخاصيات بدل

النص ديال لأرض كايكون ديما مضوّي بالشعا ديال الشمش. لبلاصة ديال لأرض اللي مقابلة معا الشمش ديما كاتكون النص، والاكين حيتاش لغيلاف لجوي كايشتت الضو فلميساحة ديال لأرض اللي كاتكون مضوية كاتفوت النص بواحد الشوية. البلاصة اللي فيها النهار كايتبدّل ديما حيتاش لأرض واحد لكوكب اللي كيدور على راصو. هاد لمحور لوهمي اللي كاتدور عليه لأرض مايل واحد الشوية وماشي عمودي على لمدار ديالها على الشمش، داكشي لاش لمدة ديال النهار كاتبدل من بلاصة لوحدة خرة.[1][2] التعريف ديال النهار بالنسبة لواحد لموراقيب هي لفترة ما بين الطلوع دالشمش فاش كاتدور لأرض لجيهة الشرق باش كاتبان الضويرة ديال الشمش فوق لأفق، وحتال لغروب وماحد لارض كادّور على راسها حتّى كاتغبر الشمش تحت لأفق.

التغيّورات ديال النهار على حساب خط لعرض ولفصل بدل

لمحور اللي كادّور عليه لأرض مايل ب23,5 درجة على لمحور لعامودي دلأرض على لمدار ديالها على الشمش، داكشي علاش الطول ديال النهار كايتبدل من نهار لنهار ومن بلاصة لبلاصة على كوكب لأرض، على حساب خط لعرض اللي واقف عليه لموراقيب. من هادشي لبلايص اللي فيها الصيف كاتكون مايلة لجيهة الشمش، داكشي لاش كايكون فهاد نص لأرض (إما الشمالي أولا لجانوبي) النهار طول من 12 ساعة والسخونية نسبيا طالعة. ماشي طول النهار هو اللي كايتحكم فالسخونية ديالو فهاد لفصل، ولاكين هادشي كايطرا غير حيتاش الشعة ديال الشمش فهاد لفصل كاتكون هابطة ديريكت.

واخّا ديما كاتكون لمدة ديال النهار هي 12 ساعة فخط ليستيواء فݣاع ليام دلعام، فلبلايص لخرين كاتختالف لمدة على حساب خط لعرض ولفصل. فصل الشتا كايكون لمدة ديال النهار قّل من 12 ساعة، أما فالصيف كاتكون لفترة ديال كبر من 12 ساعة. إلا كان الصيف فالنص الشمالي ديال لأرض، كايكون الشتا فالنص لجانوبي، وهادشي فنفس لوقت، ولعكس صحيح.

شوف حتى بدل

عيون لكلام بدل

  1. ^ "معلومات عن طول النهار على موقع babelnet.org". مأرشيڤي من لأصل ف 2019-12-10. تطّالع عليه ب تاريخ 2020-12-04.
  2. ^ "معلومات عن طول النهار على موقع id.loc.gov".
  تقدر تزيد شوف بزاف د تّصاور و لمعلومات ديال Daytime (astronomy) ف ويكيميديا كومنز.