مورا الضهر
مورا الضهر هو لوقت اللي شادّ من الضهر حتال لبدية أولا ݣاع التواخر ديال لعشية.[1] هو لوقت اللي كاتبان فيه الشمش هابطة من لبلاصة لعالية فالسما اللي كانت فيها فوقيتة الضهر حتال شي بلاصة فالسما بعيدة واحد الشوية على النقطة فاش كاتغرب. فلحياة ديال بنادم، كاياخد مورا الضهر النص اللخر ديال النهار دلخدمة أولا لقراية. بلمعنى لحرفي، هاد لوقت الطويل من النهار هو بالضبط مورا الضهر. الشي اللي كايساوي هادشي فكوكب آخور هو فاش النجمة الرئيسية ديال ديك لمجموعة النجمية كاتدوز على وكاتفوت لخط دالطول الرئيسي ديالو، كيما كايتشاف من الضس ديالو.
.jpg)
التعريف بدل
.jpg)
مورا الضهر كاتعرّف غاليبا باللي هي لوقت مابين الضهر ولعشية.[2] إلا تعتامد هاد التعريف، لمدة تاع لفترة ديال مورا الضهر كاتبدّل من واحد الجيهة: الضهر راه باين هو 12 دالنهار[3]، ولاكين لحد مابين مورا الضهر ولعشية ماعندوش تعريف رسمي.
مورا الضهر (بالنݣليزية: Afternoon) جات بالجميع ديال جوج كلمات: "مورا" و"الضهر". بانت هاد لكلمة فلبدية ديال لقرن 16.[4] فالدارجة ولعربية لفوصحى، كاينة كلمة خرة هي لعصر (بلعربية لفوصحى: العصر). هاد لكلمة عندها معنى عام ومعنى متعلق بلفيقه ديال لإسلام. لعصر فلمعنى لعام عند لمغاربة هي ديك لوقت من مورا التلاتة دالنهار، أما فلمعنى دلفيقه فهي ديك لوقت اللي محصورة مابين فاش الطولة ديال الضل كاتكون مساوية للحاجة اللي دايراه، وبين فاش هاد الطولة تاع الضل كاتكون الضوبل ديال الطولة تاع ديك لحاجة.[5] هاد لفترات قصار على لفترة اللي متعلقة بالتعريف اللول ديال مورا الضهر.
آش كايطرا فهاد لوقت بدل
مورا الضهر هو لوقت فاش الشمش كاتبان باللي كاتنزل من لعلو لكبير ديالها فداك النهار. فهاد لفترة الشمش كاتبان غادية من لوسط ديال السما حتال شي بلاصة قريبة لفين كاتغرب. فاللخر ديال مورا الضهر، الشمش كاتبان مجهدة ومضوية بزاف حيتاش كاينة فعلو قليل فالسما.[6] فالدول لمتقدمة كايبدا لوقت دلخدمة من الصباح حتال اللخر دمورا الضهر أولّا لعشية (من 9:00 حتال 17:00 غاليبا)، هادشي كايعني باللي شوية من لوقت دلخدمة كايدوز فمورا الضهر.[7] لمدارس فهاد لبلدان كاتخلي التلامد يخرجو جوايه التلاتة دالنهار، يعني فلفترة ديال مورا الضهر.[8] فلمغريب، التلامد والطلبة فلمدارس تاوع الدولة ولپريڤي حتا هوما يقدرو يقراو فمورا الضهر، حتال لعشية، ويقدر حتال من مورا لغروب ؤوقيتة لغساق فالوسط ديال الشتا.
عيون لكلام بدل
- ^ Oxford English Dictionary, Third Edition (online), entries at afternoon and evening.
- ^ "Afternoon". Merriam-Webster. مأرشيڤي من لأصل ف 2023-09-21. تطّالع عليه ب تاريخ 9 أكتوبر 2014.
- ^ "Noon". Merriam-Webster. مأرشيڤي من لأصل ف 2023-03-31. تطّالع عليه ب تاريخ 9 أكتوبر 2014.
- ^ "afternoon (n.)". Online Etymology Dictionary. 2001. مأرشيڤي من لأصل ف June 11, 2016. تطّالع عليه ب تاريخ October 10, 2014.
- ^ "القول الراجح في أول وآخر وقت العصر، إسلام ويب". مأرشيڤي من لأصل ف 2021-01-18. تطّالع عليه ب تاريخ 2021-07-24.
- ^ Aggarwal, Upadhyay, 2013, p: 172
- ^ "Nine-to-fiver". Merriam-Webster. مأرشيڤي من لأصل ف 2023-09-18. تطّالع عليه ب تاريخ 9 أكتوبر 2014.
- ^ Voght، Kara (2018-09-05). "Why Does the School Day End Two Hours Before the Workday?". The Atlantic. مأرشيڤي من لأصل ف 5 أكتوبر 2023. تطّالع عليه ب تاريخ 2021-02-11.
|
تقدر تزيد شوف بزاف د تّصاور و لمعلومات ديال Afternoon ف ويكيميديا كومنز. |