كورة (كورة)

(تحولات من لكورة (كورة))

لكورة أولّا لبالون (بلعربية: كرة القدم، بالنݣليزية: association football ball أولّا soccer ball) هي لكورة اللي كاتخدّم ف الرياضة ديال كورة. الشكل لمكوّر ديال لبالون، لقد والتقل ديالها كايحددهوم لقانون التاني ديال لقواعد د اللعبة. معايير كتار خرين كاتحددهوم لفيفا ولجاميعات د كورة وكاتفرضهوم على لمنافسات اللي كايسيّروها.

لكورة ديال أديداس تيلستار، بانت ف 1970. بالنمط ديالها لبيض ولكحل، ولّا هاد لبالون رمز ديال الرياضة د كورة.

لكواري اللولين بداو من لمعدات ولمتانة دلحيوانات، واللي كايخسرو دغيا فاش كايتضربو بزاف. جا التطوير ديال لكورة جوايه اللخر ديال لقرن 19 فاش تشارلز ݣوديير قدر يختارع التقساح ديال لاݣوم. الديزاين أولا التصميم ديال دابا (32 لوحة د لاݣوم) طورو إيݣيل نيلسن ف 1962، والتطويرات فالتيكنولوجيا د لبالون مازالين كاينين حتال دابا وكايعيطو كواري اللي عندهوم أداء مزيان. هاد التصميم ولّا قديم شي شوية، دابا كاينين دياول 24 و42 لوحدة، واللي لأداء ديالهوم ولّا مخير على اللي كان قبل من 2007.

التصميم ديال لكورة اللي فيها 20 وجه بريوس مقطّعين، واللوان لبيض ولكحل، واللي كاتسمّى أديداس تيلستار، ولّات رمز ديال الرياضة.[1] كاينين بزاف ديال الشكال فلكواري واللي معاهوم الشوفة، الديكور ولخصايص كايختالفو.[2]

لقياسات بدل

 
كورة قديمة (فيها السيور ديال الجلد) تقصّر بيها لفينال ديال كاس لعالم د 1930.

لمصاوبة بدل

لكواري ديال ليوم معقّدين بزاف على ديال شحال هادي. لأغلبية د لكورات ليوم فيهوم 12 وجه ديال الشكال مالين خمسة دالضلوعة، و20 وجه ديال الشكال مالين 6 دالضلوعة.[3] لكواري لواعرين كايخدمو شكال خرين اللي كاتقرّب لكورة باش تولي على شكل مكوّر مزيان.[4] الداخل ديالها مصاوب من واحد التجويف ديال لمطاط أولّا لاݣوم اللي كايخلّيها تݣونفلا مزيان.[5] اللواح اللي على برّا كايكونو إما مخيّطين بلماكينة أولّا بليد أولّا ملصّقين بلكولة ومزديين بالسخونية. وباش لكورة ماتشربش لما كايتّغلّف بشي مادّة اللي كاتعزل لما أولّا دوك التقابي د لخياطة كايتزداو فلكولة.

لقد والتقل بدل

لكورة بحساب لمعايير ديال لفيفا خاص يكون فيها مابين 68 و70 سانطيم فالدورة[6]، أولّا 22 سانطيم فلقطر ديالها. التقل ديال لكورة خاص يكون مابين 410 و450 ݣرام، والضغط خاص يكون مابين 0.6 و1.1 مرة ديال الضغط اللي على لبحر.[7] هاد النوع ديال لكواري كايتسمى "لقياس 5". كاينين كواري صغار بلقياس 1، 3، و4 مديورين للصغار أولّا للونطريمة.[7]

لمرارك ديال كورة بدل

كاينين بزاف ديال لمرارك د لبالون على حساب لميطشان ولݣازون د التيران. كاينين لكورات ديال لونطريمة، ولكورات ديال لبوطولات ليحتيرافية، ولكورات ديال لݣازون صطيناعي.[8]

الرمز ديال ليونيكود بدل

الرمز ديال لبالون دكورة فليونيكود (⚽، U+26BD، SOCCER BALL) تزادت ف لمعيار دلكتابة "يونيكود".[9] الزيادة ديال هاد الرمز جات من قتيراح ديال كارل پينتزلين ف 2008.[10]

عيون لكلام بدل

  1. ^ Kotschick، Dieter (2006). "The Topology and Combinatorics of Soccer Balls". American Scientist. 94 (4): 350–357. doi:10.1511/2006.60.1001. مأرشيڤي من لأصل ف 2023-03-09. تطّالع عليه ب تاريخ 2021-07-31.
  2. ^ Hong، Sungchan؛ Asai، Takeshi (29 ماي 2014). "Effect of panel shape of soccer ball on its flight characteristics". Scientific Reports. 4 (1): 5068. Bibcode:2014NatSR...4E5068H. doi:10.1038/srep05068. PMC 4038026. PMID 24875291.
  3. ^ "football World – Early History". مأرشيڤي من لأصل ف 2019-04-15. تطّالع عليه ب تاريخ 9 يونيو 2006.
  4. ^ Eastaway، Rob؛ Haigh، John (15 أكتوبر 2005). "Balls; and why theyaren't quite spherical". How to Take a Penalty: The Hidden Mathematics of Sport. Robson. pp. 4–5. ردمك 9781861058362.
  5. ^ Materials Science and Engineering: A Volume 420, Issues 1–2, 25 March 2006, Pages 100–108
  6. ^ "IFAB".[ليان مهرس ديما]
  7. ^ a b "Laws of the Game 2017/2018" (PDF). مأرشيڤي (PDF) من لأصل ف 13 نونبر 2017. تطّالع عليه ب تاريخ 12 نونبر 2017.
  8. ^ "Soccer Balls". مأرشيڤي من لأصل ف 2021-08-01. تطّالع عليه ب تاريخ 14 أكتوبر 2013.
  9. ^ "Miscellaneous Symbols Range: 2600–26FF, The Unicode Standard, Version 12.0" (PDF). Unicode Consortium. 2009. مأرشيڤي (PDF) من لأصل ف 19 شتنبر 2011. تطّالع عليه ب تاريخ 14 مارس 2010.
  10. ^ Pentzlin، Karl (2 أبريل 2008). "Proposal to encode a SOCCER BALL symbol in Unicode" (PDF). تطّالع عليه ب تاريخ 14 مارس 2010.
  تقدر تزيد شوف بزاف د تّصاور و لمعلومات ديال Association football balls ف ويكيميديا كومنز.