حرقة
لحرقة (بلفرانساوية ؤ النݣليزية: Inflammation، بلعربية: إلتهاب) هي واحد التفاعول مركب و منمط (مستيريوتيپي) دسيستيم لمناعي ديال الناس ضد فأي تعدّو سوا يكون جاي من برا (فيروس، بكتيريا، لعافية، لحساسية...) أولا جاي من لداخل (خلية كونصيرية).
لحرقة تقدر تكون مجهدة (مزيانة حيت كاتجي بجهد وكاتمشي دغيا) ولا مزمينة (خايبة حيت واخا مامجهداش ولكن كاتبقا مدة طويلة وهيا غادا وكاتكفس، وغالبا عندها علاقة بالتلوث دلمحيط و التصرفات ليومية دبنادم).
لحرقة فعلم لمناعة كاتدخل معا ليستجابة لمناعية الطبيعية، وكايدخلو فيها بزاف ديال لعيبات.
قراية على لحرقة بدل
لعلامات دلحرقة بدل
الساندروم لحرقاوي بدل
لعلامات دلحرقة كايتجمعو فالساندروم لحرقاوي اللي لخصو واحد لعاليم روماني سميتو كرورنيليوس كيلسيوس فلقرن اللول ميلادي فربعة ديال سامپطومات باينين:
- سخونية : "Calor"
- حمورية : "Rubor"
- نفوخية : "Tumor"
- لحريق/لألم : "Dolore"
ڭالينوس ؤلا ش عالم موراه زاد سامپطوم أخور لي هوّ "فقدان لوضيفة" "Functio laesa".[1]
علامات بيولوجية بدل
دابا وفاش تطور الطب مابقاوش هاد لعلامات كافيين باش الطبيب يحدد باللي هادي حرقة ولاّ لا، ولكين خاص يتعطى ليهوم تحليلات ديال الدم، لما دركابي، لما ديال السنسول-الراصي، ولا ديال لبولة على حساب لبلاصة اللي طرات فيها لحرقة.
لهدف من هاد التحليلات هو يدّار النتيجة ديال الدم اللي فيها جوج دتيستات: اللول هو التشحال لكامل ديال الدم والتيست لاخور سميتو التحكاك ديال الدم. من بعد كايتشاف السورعة دلحطان ديال لكواري لحمرين. هاد التيستات اللي كايدارو فلاّبو خاص يتزاد عليهوم لحساب ديال لكونصونطراسيون ديال لبيوعلّاما دلحرقة.
اللعيبات اللي كايتدخلو فلحرقة بدل
لحرقة أولا التفاعول لحرقاوي هوا فينومين مشبّك داخلين فيه بزاف دلعيبات نقدرو نجمعوهوم على حساب لݣنس ديالهوم.
لخلايا بدل
لخلايا اللي كايتدخلو فلحرقة هوما لخلايا دلمناعة الطبيعية وخلايا خرين من بينهوم : لخلايا لوكّالة ،لخلية لكبداوية، ولخلايا ديال لعروق.
لمراحيل دلحرقة بدل
لمرحلة ديال لبدية بدل
فاش لجسم ديالنا كايتعرض لشي ݣريسيون خاصو يرياجي، واللول اللي كايكون فلمعركة هوما لخلايا الوكالة، حيت عندهم واحد لمستقبيلات كايتعرفو على هاد لعنصر اللي خالق لينا لموشكيل. هاد لمستقبيلات اللي كاينين فالسطاح ديال هاد لخلايا لوكالة، سميتهوم "لمستقبيلات لعرافة دلممريض" نختاصروها ف "PRR" ( بنݣليزية : Pathogen Recognition Receptors ) واللي كاتعرف على هاد لݣريسور.
هاد لݣريسيون كاينين فيها جوج دنواع على حساب لجزيئات اللي عند هاد لݣريسور سوا PAMPs كايكونو ديجا عند لممريضات(فيروسات و بكتيريات) سوا DAMPs كايبانو عند لخلايا لمضرورة ( خلايا كونصيرية).
هاد ل"PRR" غير كايتعرفو على هاد لجزيئات كايتآكتيفيو لخلايا لوكّالة باش تبدا لعملية لحرقاوية.
لمرحلة ديال التجهاد بدل
فاش كايتآكتيفاو لخلايا لوكالة كاينتجو وكايتلقو واحد نوع دلبروتينات الدور ديالها هو تسيفط لميساج للخلايا دلجسم لخرين باش يݣولو ليهوم باللي راه كاين واحد التعدو، هاد لبروتينات لميساجية كايتسماو بل أنترلوكينات .
لانترلوكينات اللي كايتنتجو سميتهوم السيتوكينات پرو-حرقاوية : IL-1,IL-6,TNF-alpha كل واحد فيهوم بالدور ديالو.
فمثلا، لانترلوكين-1 : كايمشي لتحت-طالاميس(لعضو اللي كان فالدماغ و كايريݣلي سخونية دلجسم) وكايطلع السخونية هادشي اللي كايعطينا السخانة.
لانترلوكين-6 : كايمشي عند لكبدة باش ينوّض لخلايا لكبداويا اللي كاينتجو لبروتينات ديال لمرحلة لمجهدة دلحرقة(لخمساكسين، لكبدوݣلوبين: هاد لبروتينات موهيمين فالتنواض ديال سيستيم دلمكميلات وكدليك عند الطبا فالتشخيص ديال لحرقة).
لفاكتور دلقتيل دلأورام-ألفا (TNF-alpha) : كايعاود ينوض لخلية لوكالة (اللي هيا براصها نيت كاتنتجو يعني ظاهرة التسينياليت داتية-التليق Autocrine Signaling ) هاد لخلية كاتنتج عاوتاني واحد لونزيم سميتها لفوسفودهناز phospholipaseA2) A2) هاد لونزيم كاتحول لأحماض الدهنيا ديال لغشا السيتوبلازمي لمجموعة ديال لفاكتورات فوسفودهنيا من بينها : لپروستاغلوندين اللي كاتسبب فالتوساع د لعروق هادشي اللي كايفسر لحمورية وكاطلع التدوازية ديالهوم هادشي اللي كايفسر النفوخية لفاكتور ديال التخدام ديال لبلاكيطات اولا لپاف( بنݣليزية :Patelet Activating Factor/PAF) اللي كايخدمو لبلاكيطات.
لمرحلة ديال ليستقرار بدل
هنا فاش كايطرا التليق ديال لونزيمات لمدمرة، و لماكلاسيتوز(بالنݣليزية : Phagocytosis) ديال هاد لݣريسور. النسيج ديالنا اللي ديجا مضرور بلݣريسيون، فهاد لحالة حتا هو كايضرر تاني بسباب هاد لونزيمات لمدمرة داكشي اللي كايفرض يكونو لفيبروبلاستات(بالنݣليزية : Fibroblasts) اللي كايجددو هاد النسيج و كايساهمو فتاسيكاتريزيت ديالو.
لمرحلة ديال لحلان دلمشكيل بدل
هادي لمرحلة فاش كايخدمو لفيبروبلاستات اللي كاينتجو لمواد دلماتريس خاريج-خلوية بحال لكولاجين و لأمينوݣليكانات وكايرجع النسيج ديالنا للحالة الطبيعية ديالو.
رد لبال: فلحالة دلفشل ديال هاد لعملية، كاندوزو للفتق ولا التوسيخة دالدم، ولا كاطرا لينا صدمة توسيخية ولا توحيمة حبوبية "حبوبيوم"(بنݣليزية : Granulome) اللي كاتكون فبزاف دلأمراض بحال الداء دالسل ،جدام،لمرضة دلقمشة دلمشاش.لمرضة ديال كرون وزيد وزيد...
|
تقدر تزيد شوف بزاف د تّصاور و لمعلومات ديال Inflammations ف ويكيميديا كومنز. |