عمى اللوان
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
عمى لّوان اللي معروف عاوتاني ب سمية نقص الشوف ديال لّوان هو نخيفاض لقدرة على الشوف ديال الألوان ولا على الاختلافات بين الألوان.[1] المهمات البسيطة بحال العزيل ديال الديسير اللي طايب، ولا الحوايج، ولا حتى باش تقرا علامات المرور كيولي واحد النوع ديال التحدي.[1] يقدر ل عمى الألوان عاوتاني يخلي بعض لأنشطة التعليمية أكتر صعوبة.[1] واخا هاكا، لمشاكل اللي ناتجة عليه هي نوعنما بسيطة و لموعضام ديال الناس كيشوفو بللي هم قادرين يتكيفو معاه.[1] الناس اللي عندهم عمى الألوان الكلي (أكروماتوپسيا) إقدر يكون عندهم حتى نقص حدة الشوف ؤ يكونو ما مرتاحينش ف البلايص اللي فيهم الضو مجهد.[1]
السباب ديال عمى الألوان اللي منتاشر بزاف هو مشكلة وراتية ف التطور ديال واحد ولا كتر من المجموعات التلاتة ديال الخلايا المخروطية اللي كتستشعر اللون ف العين.[1] الدكور أكتر عرضة من نّتوات باش يتصابو ب عمى الألوان، هادشي حيت لجينات لمسؤولة على أكتر نوع ديال عمى د لّوان شيوعا كاينين ف كروموزوم إكس.[1] حيت نّتوات كيكون عندهم جوج ديال كروموزومات إكس، فاش كيكون الخلل فواحد فيهم لاخر كيعوض عليه، بالتالي نّتوات ممكن يكونو حاملين لهاد لضطيراب واخا ما يكونوش متصابين بيه.[1] الدكور عندهم غير واحد كروموزوم إكس داكشي علاش فاش كيكون فيه شي خلل كيبان لضطيراب لويراتي.[1] ممكن يكون السبب ديال عمى الألوان عاوتاني هو شي ضرر فيزيكي ؤلا كيماوي ل لعين، العصب البصري ولا ݣزوات من الدماغ.[1] التشخيص كيكون هو هاداك ب ستيعمال ختيبار إشيهارا اللوني؛ وخا داكشي، كاينين طرقان خرين ديال التشخيص بما فيها لفحص لجيني.[1][2]
عيون لكلام بدل
|
تقدر تزيد شوف بزاف د تّصاور و لمعلومات ديال Color blindness ف ويكيميديا كومنز. |