عمالة (مستوى إداري)
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
لعمالة ولا لعامالة (بالنݣليزية: Prefecture من اللاتينية: Praefectura بريفيكتورا) هي إيدارة قضائية ولا تقسيم ف بزاف ديال لبلدان ولا حتى مابين بعض لكنائيس ف لعالام. ف لعصور لقديمة عند الرومان لعمالة هي منطقة كايحكمها بريفيكتوس (باللاتينية: praefectus).
ف لمغريب بدل
لعمالة ف لمغريب هي طرف ديال لرض كاين غير ف لمدون وكايترأسها عامل. لجيهة مقادّة ف لمستوى مع لإقليم و كولهوم كاينتاميو ل تقسيم التاني ديال لبلاد. لجيهة هي اللي كاتمتل لمستوى اللول (لفوقاني). لمهيمّة ديال هاد لعمالة هي أنها تنوض ب تنمية ليجتيماعية و ليقتيصادية و خاصة ف لمناطيق ديال لبادية اللي دايرين ب لمدينة، زيادة على لمدينة براسها، و خاصها تهز و تساهم ف لمعاونة عند لجماعات الترابية بيناتهوم. لعمالة كاتخدم على أنها توفر التجهيزات خصوصا ل لعالم ديال لقرية و تحارب التهميش و ف نفس لوقت كاتراعي الستراتيجيات و لخوطاط ديال الدولة. ليختيصاصات الداتية ديال لجماعة هي أنها كاتدير الطرونسپور ل دراري و دريات د لمدراسة ف لبلاد و كاتصاوب الطرقان ليهوم، و كاتنمي الصحة و السكنى و التعليم و لأمن و التقافة و الرياضة.[1] من 2009 ولاّ ف لمغريب 13 عمالة.[2] هاد لعمالات هوما: عمالة أݣادير إداوتنان، عمالة إينزݣان آيت ملول، عمالة مراكش، عمالة الدار البيضا، عمالة لمحمدية، عمالة الرباط، عمالة سلا، عمالة الصخيرات تمارة، عمالة فاس، عمالة مكناس، عمالة وجدة أنݣاد، عمالة طنجة أصيلة وعمالة لمضيق لفنيدق.
ف لعالام بدل
لبرازيل بدل
ف لبريزيل لعمالة (بلبرتغالية: prefeitura) هي إدارة كاتنوب على لحوكومة ف التنفيد ديال لقرارات ف لبلديّات. لمصطلح ديال لعمالة ف لبرازيل كايعني حتى لبيرو ديال لعمدة.
فرانصا بدل
ف فرانسا لعمالة (بلفرانساوية: préfecture) هي لعاصيمة ديال لإقليم (بلفرانساوية: département). لبلاد فيها 101 إقليم، هادشي كايعني أنه كاين 101 عمالة. لعمالة ديال لجيهة ف فرانسا هي لمدينة اللي هي عاصيمة ديال لجيهة. هادي كاتكون لمدينة اللي كايسكن فيها لمحافض، اللي هو لممتيل ديال لحوكومة ف لجيهة.
منݣوليا بدل
لعمالات ف مونݣوليا تدارو ف لحوكم ديال سلالة كينݣ وهوما التقسبم اللول ديال لبلاد وكاين منهوم 21، و هاد لعمالات كايتسماو أيماݣ (بلمنݣولية: аймаг).
عيون لكلام بدل
- ^ "اختصاصات العمالة - مجلس عمالة وجدة أنݣاد". مأرشيڤي من لأصل ف 2021-08-05. تطّالع عليه ب تاريخ 2020-10-10.
- ^ المملكة المغربية (18 يونيو 2009). "مرسوم رقم 2.09.319 صادر في 17 من جمادى الآخرة 1430 (11 يونيو 2009)" (PDF) (ب لعربية). المملكة المغربية - الجريدة الرسمية عدد 5744. ص. 3581. مأرشيڤي من لأصل (PDF) ف 2020-01-27.
|
تقدر تزيد شوف بزاف د تّصاور و لمعلومات ديال Prefectures ف ويكيميديا كومنز. |