عبداللطيف زروال

مناضل مغريبي

عبداللطيف زروال، تولد فـ15 ماي 1951 فبرشيد ؤغبروه ف 4 نونبر 1974 فدارلبيضا، كان ؤستاد د لفلسفة ؤمناضل مغريبي.

عبداللطيف زروال
معلومات عامة
زيادة 1951
برشيد
لموت 14 نونبر 1974 (22/23 عام)
الدار البيضا
لجنسية لمغريب
لحرفة سياسي
لّوغات لي كيعرف عربية و لوغات أمازيغية


حياتو بدل

تولد عبداللطيف زروال فبرشيد فوسط عائيلة شعبية، باه عبدالقادر كان شارك ف لمقاومة لمسلحة ضد لفرانساويين.[1]

مور ما خدا شهادة ديال لبتيدائي، مشا لدارلبيضا ؤموراها لرباط باش يكمل قرايتو، ؤخدا لباكالوريا ؤهو فعمرو 17 لعام. دخل لكلية لأداب د رباط ؤدار شعبة لفلسفة لي خدا فيها ليسونس، ؤموراها مشا لمدرسة لعليا د لأساتذة ؤتعين ؤستاد فسطات.[2]

بدا نضال فلول معا لݣروپ ديال أنيس بلافريج (لي هو ولد زعيم ستيقلالي أحمد بلافريج)، ؤمن بعد منها دخل ف 1970 لمنظمة 23 مارس لماركسية لينينية ؤموراها مشا معا إلى لأمام ف 1973. ؤكان مناضل حتا فتيحاد لوطني لطلبة لمغريب.[2]

ف هاد لوقيتة، سلطات دارو حملة ضد لموناضلين ديال لحركات شيوعية ؤضطر عبداللطيف يتخبا معا أبراهام سرفاتي عند واحد لمناضلة فرانساوية سميتها كريستين دوغ. والاكين فشتنبر 1973 فدارلبيضا تحكم عليه غيابيا ب لإعدام، بعدها بعام فـ4 نونبر 1974 تشد ؤداوه لكوميسارية ديال درب مولاي الشريف فكازا (لي فنفس لوقت كانت معتقل سري) ؤموراها غبر.[1]

كاين روايات أنه من بعد سيمانة من لعتيقال ديالو لقاو لجتة ديالو ف سبيطار ابن سينا ف رباط مسجلة بسميت عبداللطيف بن عبدالقادر البارودي.[1]

عيون لكلام بدل

  1. ^ a b c Hisham Almiraat (2010-03-15). "The Martyr: Abdellatif Zeroual (1951 – 1974)" (ب نڭليزية). مأرشيڤي من لأصل ف 2023-05-28. تطّالع عليه ب تاريخ 2020-03-06.
  2. ^ a b عبد الرزاق السنوسي معنى (2009-11-04). "عبد اللطيف زروال 1951 - 1976 لفظ أنفاسه الأخيرة تحت التعذيب الشرس". الاتحاد الاشتراكي (ب لعربية). مأرشيڤي من لأصل ف 2020-07-20. تطّالع عليه ب تاريخ 2020-03-06.
 
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.