عباس الجيراري

كاتب ؤ باحت مغريبي ؤ مستشار د لماليك محمد سّادس
(تحولات من عباس لجراري)

عباس الجيراري، تولد ف 15 فبراير 1937 ف رّباط ؤ توفا ف 20 يناير 2024 ف نفس لمدينة، هو كاتب ؤ باحت مغريبي ؤ مستشار د لماليك محمد سّادس من 1999 تال لموت ديالو. عندو عاداد كبير د لإنتاجات لأدابية ؤ لفكرية من بينها تحقيق ؤ تقديم دواوين ديال لملحون، ؤ هوا عضو ف بزاف د لجمعيات ؤ لهيئات تّقافية ؤ لفكرية ف لمغريب ؤ على برا.[1]

عباس الجيراري
معلومات عامة
زيادة 15 فبراير 1937
الرباط
لموت 20 يناير 2024 (86 عام)
الرباط
لجنسية لمغريب
لحرفة سياسي، ؤستاد جاميعي و كاتب
لّوغات لي كيعرف عربية، لفرانساوية و صبليونية
لفاميلة
لواليد عبد الله لجراري
شريك حميدة الصايغ
لولاد ريم لجراري
علا لجراري
ألوف لجراري
محمد لجراري
معلومات خرى
دين إسلام
سّيت رّسمي http://www.abbesjirari.com/
لجوايز


حياتو بدل

عباس الجيراري تزاد ف فاميلة علمية. بّاه عبد الله الجيراري كان حتا هوّا أديب ؤ عالم. عباس قرا ف ليسي لّيمون ؤ موراها ف ليسي مولاي يوسف، ؤ من بعد مشا ل مصر باش يقرا ف جامعة لقاهيرة، لي حصل فيها على ليصونس ف لّوغة ؤ لأداب لعربي عام 1961، لماسطر عام 1965 ، ؤ ف عام 1969، خدا دوكتورا د دّولة ف لأداب. مشا موراها ل سّوربون ف فرانسا ؤ خدا بورس ديال فولبرايت باش يقرا ف لميريكان.

ف 1962، كان خدم سيكريتير ف سّيفارة د لمغريب ف مصر.

من 1966، كان ؤستاد د لأداب ف جامعة محمد لخامس ف رّباط و ف كلية لأداب ف فاس. ؤ ولا عضو ف لّجنة لإدارية و لمكتب تّنفيدي ديال نّقابة لوطنية د تّعليم لعالي من 1969 تال 1973، مودير د دّيراسات لعالية ف جامعة محمد لخامس ف 1982، ؤستاد ف لمدرسة لمولوية من 1979 تال 2000، ؤ كان ل مدة قصيرة عاميد ديال كلية لأداب ف جامعة لقاضي عياض ف مراكش ف 1980. كان أيضا عضو ديال مكتب أكاديمية لمملكة لمغريبية، لأمين لعام ديال مركز دراسات لأندلس و حوار لحضارات، رائيس لمجلس لعلمي لإقليمي ديال ولاية رّباط ؤ سلا (من 1994 تال 2000)، ؤ مكلف ب مهمة ف دّيوان لملكي من 1999 تال 2000، فاش ولا مستشار د لماليك بشكل رسمي.[2]

عباس الجيراري مجوج ب حميدة الصائغ لي حتا هيّا كاتيبة ؤ أكاديمية، ؤ عاوناتو ف تجميع ؤ تقديم بعض لكتوبا ديالو، ؤ 3 د لولاد ف لحياة هوما ألوف الجيراري لي خدّامة ؤستادة جامعية د لماط ف لميريكان، محمد الجيراري، لي عندو دوكتورا د دّولة ف لانفورماتيك من جامعة كينت ف لميريكان، ؤ ريم الجيراري لي كانت خدّامة ف وزارة لخارجية، ؤ طرجمات كتابو "الإسلام و اللائكية" ل نّڭليزية.[3]

مساهمات ؤ مواقف فكرية بدل

ساهم عباس الجيراري بشكل كبير ف تطوير لحياة لفكرية ف لمغريب، سوا ب لإنتاجات ديالو، والا ب تأطير أجيال طالعة ديال لباحيتين ؤ لأساتيدة، والا ب لمشاركة ف ندوات ؤ موحاضرات ؤ مؤتمرات ؤ برامج ف لإداعة ف لمغريب ؤ برا. من بين لمسايل لي بانت فيها سميتو بزاف، لمسألة ديال حوار لأديان ؤ لحضارات، ؤ تقريب لمداهب لإسلامية، ؤكان عطا 9 د دّوروس ف دّوروس لحسنية لي كانت تقليد رمضاني بداه لماليك لحسن تّاني ؤ ستامر ف عهد لماليك محمد سّادس.[2]

دافع ف لكتابات ديالو على لّوغة لعربية، ؤ على لإسلام ف تّيهامات لي توجّهات ليه ب لإرهاب ؤ تّطرف. ف 27 يونيو 2009، دار جايزة عبد الله الجيراري ف لفيكر ؤ لأداب، ف إطار نّادي الجيراري لي هوّا نادي فيكري كان بدا من 1930.[2][4]

أعمال بدل

عباس الجيراري عندو كتر من 100 عامال أدابي على لفيكر، تّقافة ؤ تّاريخ، لي تنشرو ؤلا ف طور نّشر من بينهوم:[3][5][6]

  • القصيدة، الزجل في المغرب. الرباط: مطبعة الأمنية. 1970.
  • الحرية والأدب. الرباط: دار الأمنية. 1971.
  • الثقافة في معركة التغيير. كازا: دار النشر المغربية. 1972.
  • موشحات مغربية. كازا: دار النشر المغربية. 1973.
    • موشحات مغربية (طبعة 2). مراكش: كلية اللغة د مراكش. 1992.
  • الأمير الشاعر أبو عبد الربيع سليمان الموحدي. كازا: دار الثقافة. 1974.
  • من أدب الدعوة الإسلامية. كازا: دار الثقاقة. 1974.
  • في الشعر السياسي. كازا: دار الثقاقة.
  • قضية فلسطين في الشعر المغربي حتى حرب رمضان. المحمدية: مطبعة فضالة. 1975.
  • وحدة المغرب المذهبية من خلال التاريخ. كازا، الجمعية المغربية للتضامن الإسلامي. 1986.
  • صفحات دراسية من القديم والحديث، مطبعة النجاح الجديدة. كازا. 1977.
  • فنية التعبير في شعر ابن زيدون، مطبعة النجاح الجديدة. كازا. 1977.
  • ثقافة الصحراء، دار الثقافة. كازا. 1978.
  • معجم مصطلحات الملحون الفنية. المحمدية: مطبعة فضالة. 1978.
  • الأدب المغربي من خلال ظواهره وقضاياه، الجزء الأول. مكتبة المعارف. 1979.
  • الفكر الإسلامي والاختيار الصعب، منشورات الجمعية المغربية للتضامن الإسلامي. كازا. 1979.
  • عبقرية اليوسي، دار الثقافة. كازا. 1981.
  • أثر الأندلس على أوروبا في مجال النغم والإيقاع، مطبعة المعارف. الرباط. 1982.
  • الفكر والوحدة، مطبعة المعارف. كازا. 1984.
  • معركة وادي المخازن في الأدب المغربي، وزارة الثقافة. الرباط. 1985.
  • العالم المجاهد عبد الله بن العباس الجراري. كازا: دار الثقافة. 1985.
  • عباس الجيراري، سعيد بنسعيد العلوي، أحمد توفيق (1998). عبد الرحمن بن زيدان.CS1 maint: uses authors parameter (link)
  • بحوث مغربية في الفكر الإسلامي. الرباط: مطبعة المعارف. 1988.
  • في الإبداع الشعبي. الرباط: مطبعة المعارف. 1988.
  • خطاب المنهج. مكناس: منشورات السفير. 1990.
  • الثقافة من الهوية إلى الحوار. 1993.
  • الذات والآخر. 1998.
  • بقايا كلام في الثقافة. 1999.
  • هويتنا والعولمة. 2000.
  • الحوار من منظور إسلامي. 2000.
  • قضايا للتأمل برؤية إسلامية. 2000.
  • الإصلاح المنشود. 2005.

تقديم بدل

  • موسوعة الملحون: ديوان الشيخ الجيلالي امتيرد. 2008.
  • موسوعة الملحون: ديوان الشيخ عبد القادر العلمي. 2009.
  • موسوعة الملحون: ديوان الشيخ إدريس بن علي السناني. 2012.
  • موسوعة الملحون: ديوان الشيخ أحمد الغرابلي. 2012.
  • ديوان فن الملحون الجزء الأول: للشيخ الحاج عمر بوري الروداني. 2014.
  • موسوعة الملحون: ديوان السلطان مولاي عبد الحفيظ. 2014.
  • موسوعة الملحون: ديوان محمد بن علي المسفيوي الدمناتي. 2016.
  • موسوعة الملحون: ديوان الشيخ أحمد سهوم. 2018.

جوايز ؤ تكريمات بدل

عيون لكلام بدل

  1. ^ "عباس الجراري" (ب لعربية). مأرشيڤي من لأصل ف 2019-10-02. تطّالع عليه ب تاريخ 2022-01-28.
  2. ^ a b c "الجزيرة، فكري وفلسفي، شخصيات، مغرب، عباس الجراري" (ب لعربية). 23 أكتوبر 2014. مأرشيڤي من لأصل ف 2022-01-29. تطّالع عليه ب تاريخ 2022-01-28.
  3. ^ a b "سّيت رّسمي ديال عباس لجراري" (ب لعربية). مأرشيڤي من لأصل ف 2023-10-15. تطّالع عليه ب تاريخ 2022-01-28.
  4. ^ "جائزة عبد الله الجراري في الفكر والأدب" (ب لعربية). مأرشيڤي من لأصل ف 2022-01-28. تطّالع عليه ب تاريخ 2022-01-28. احتفاء بمرور ثمانين عاما على تأسيس النادي الجيراري وتنفيذاً لإعلان شفشاون في 27 يونيو 2009 يعلن النادي الجراري عن "جائزة عبد الله الجراري في الفكر والأدب"
  5. ^ "وزارة لأوقاف، عباس لجراري" (ب لفرانساوية). مأرشيڤي من لأصل ف 9 فبراير 2004.
  6. ^ "لمملكة لمغريبية، رّابيطة لمحمدية د لعولاما، عباس لجراري" (ب لعربية). مأرشيڤي من لأصل ف 2022-12-27. تطّالع عليه ب تاريخ 2022-01-28.

لمزاود بدل