ضربة مرمى
ضربة مرمى أولّا ضربة ݣول (بالنݣليزية: Goal kick) هي طريقة ديال لمعاودة د اللعب فماطش ديال كورة. الطريقة ديالها كايمليها لقانون 16 ديال لقواعد د اللعبة.[1]
لحالات فاش كاتّعطى بدل
ضربة مرمى كاتعطى للفرقة لمدافعة فاش لكورة كاتخرج من التيران. هادشي كايطرا فاش لكورة كاتفوت (لهوا أولّا فالضس) خط لݣول بلا مايتماركا بيت، فاش آخر واحد اللي قاس لكورة هو كوايري ديال لفرقة لمهاجمة. إلا كان آخر واحد اللي قاس لكورة من لفرقة لمدافعة، فهاد لحالة كاتعطى ركنية للفرقة لمهاجمة.
كاتعطى ضربة مرمى للفرقة لمدافعة فاش لكورة كاتمشي نيشان للݣول وتقاست آخر مرة من كوايري ديال لفرقة لمهاجمة، فحالات اللي لقواعد ماكايسمحوش ببيت يتماركا ديريكت. هاد لحالات هوما:
- ضربة غلط مانيشانش
- توش
- كورة مليوحة
- كورة تيراها كوايري مهاجم من لمينطاقة د پيلانتيات ديالهوم.
الطريقة بدل
- لحكم كاينتع لضربة مرمى فاش كايشير للتحت لجيهة لݣول اللي غادي تدار منّو.
- لكورة خصّها تكون ساكنة ماكاتململش فوق الضس فلمينطاقة د لݣول ديال لفرقة اللي غاتتّيري. ݣاع لكوايرية ديال لفرقة لوخرة خاصهوم يكونو برا لمينطاقة د پيلانتيات حتى تكون لكورة ملعوبة. لكورة خاصها تّيرا (لحارس ماخصّوش يهز لبالون).
- لكورة كاتولّي ملعوبة فاش كاتبان كاتحرّك. لكوايري اللي دار ضربة مرمى ماعندوش لحق يقيس لكورة مرّة خرة حتى يقيسها كوايري آخور.[2]
- يقدر يتماركا ݣول على لفرقة لوخرة من ضربة مرمى. مايمكنش يتماركا بيت على نفس لفرقة من ضربة مرمى، وإلا طرات ولكورة دخلات قبل ماتقيس كوايري آخور (متلا لحارس فلتلات ليه)، كاتّعطى ركنية للفرقة لوخرة.
- لكوايري مايمكنش يحصل فالتسلول ديريكت من ضربة مرمى.[3]
غالبا ضربة مرمى كايديروها لحرّاس، ولاكين هادشي ماشي مفروض فلقواعد د اللعبة.
لغلاط فالتنفيد بدل
كاتعاود ضربة مرمى إلا لكورة كانت كاتحرّك أولّا كانت فبلاصة غالطة.
لكوايرية ديال لفرقة لوخرة خاصّهوم يحاولو يخرجو من لمينطاقة د پيلانتيات قبل ماتدار ضربة مرمى. واخّا هكاك، إلا "ضربة مرمى زربانة" طرات ولكوايرية دلفرقة لوخرة مازالين كايخرجو من لمينطاقة د پيلانتيات، هادوك لكوايرية يقدرو يجريو عند لكورة أولّا يقيسوها إلا ولّات ملعوبة.[4]
إلا لكوايري من لفرقة لخرة بلعاني بقا فلمينطاقة د پيلانتيات، أولّا دخل ليها قبل ماتدار ضربة مرمى، كاتعاود هاد الضربة. إلا تعاود هادشي بزاف د لمرات، كاياخد لكوايري كارطة صفرة بسباب لخرق ديالو للقواعد د اللعبة.[4]
أي لعّاب كايعطل لمعاودة داللعب كاياخد صفرة.[5]
إلا لكوايري قاس لكورة مرة خرة بلا مايقيسها لعّاب آخور، كاتعطى ضربة غلط مانيشانش للفرقة لوخرة من لبلاصة اللي منها طرا لغلط، من غير إلا كانت تقاست بطريقة خايبة، واللي كاتعاقب بضربة غلط نيشان (أولّا پيلانتي إلا كان اللي شوتا لكورة ماشي حارس).[6]
عيون لكلام بدل
- ^ "FIFA.com – The Laws of the Game – Law 16: The Goal-Kick". FIFA. مأرشيڤي من لأصل ف 2014-12-29. تطّالع عليه ب تاريخ 5 يونيو 2014.
- ^ http://static-3eb8.kxcdn.com/documents/791/171520_110319_IFAB_LoG_changes_and_clarifications.pdf
- ^ LAWS OF THE GAME 2015/2016 (PDF). FIFA. ص. 36. مأرشيڤي (PDF) من لأصل ف 2020-02-14. تطّالع عليه ب تاريخ 26 أكتوبر 2015.
- ^ a b "Clarification: Law 16, The Goal Kick". 2019-08-02. مأرشيڤي من لأصل ف 2023-08-01. تطّالع عليه ب تاريخ 2019-09-22.
- ^ "Laws of the Game 2019/20" (PDF). ص. 110. مأرشيڤي (PDF) من لأصل ف 2022-11-13. تطّالع عليه ب تاريخ 2020-02-09.
- ^ "Law 16 – The Goal Kick". FIFA. مأرشيڤي من لأصل ف 2014-12-29. تطّالع عليه ب تاريخ 4 مارس 2014.
|
تقدر تزيد شوف بزاف د تّصاور و لمعلومات ديال Goal kick ف ويكيميديا كومنز. |