سيدي قاسم

سيدي قاسم مدينة مغريبية ؤ جماعة ترابية حضرية كاينة ف إقليم سيدي قاسم، جهة رّباط سلا قنيطرة، ساكنين فيها 75572 واحد، على حسب لإحصاء لعام 2014.

سيدي قاسم
‫سيدي قاسم‬ (ar) ⵙⵉⴷⵉ ⵇⴰⵙⴰⵎ (tzm)
لبلاصة
لبلاد	لمغريب
لإقليم	إقليم سيدي قاسم
السكان
شحال دالسكان	75,672 (2014)
شحال دلفاميلات	17,923 (2014)
لجغرافيا
لعلو	194 م
معلومات خرا
كود د لبوصطة	16000
الرمز لجغرافي	2533191

تاريخ

لمدينة تأسات على جوج د لمراحل: ف اللول كانت زاوية ديال واحد السيد سميتو سيدي قاسم بوعسرية ف لقرن سبعطاش، ف لوقيتة ديال مولاي سماعيل. لمرحلة التانية كانت ورا الستيعمار مني جاو شي رباعة ديال لفرنسيس والصبليون وتأنسطالاو ف لبلاصة لي فيها الصونطر ديال لمدينة دابا. لݣور بناو كنيسة ومقبارة د النصارى ف لمدينة لي سمّاوها بتيجا (Petitjean) على سمية واحد لكولونيل فرنساوي.

تعليم

• نسبة لأمية (نّاس لّي ما كايعرفوش يقراو ولا يكتبو) : 25%
• نسبة سّكان لّي قاريين فوق تّانوي (تانوي و جامعة): 22,5%

اقتصاد

سيدي قاسم كاينة ف السهل لمغلال ديال لغرب، هادشي علاش النشاط اللول فيها كيتركز ف لفلاحة. لأنشطة لقتيصادية لوخرة لي كانت تعرفات بيها لمدينة هي لپيطرول لي تكتاشف ف لمدينة في لقرن لي فات، ؤزين لاسامير لي كان شاد هاد المارشي كان خالق رواج كبير ف لمدينة ولكن من بعد ماتسالا الپيطرول ولمشاكيل بين لاسامير والدولة، لوزين ولا كايدير غي التكرير والنشاط ديالو نقص بزاف.

• نسبة نّاس نّشيطين (لّي يقدرو يخدمو): 44,9%
• نسبة لبطالة (نّاس لّي ما خدامينش و تايقلبو على خدمة): 23,3%
• نسبة نّاس اللي خدامين ف دّولة : 19,8%
• نسبة نّاس اللي خدامين في لقطاع لخاص :42,5%

ناسها

ناس سيدي قاسم خليط من جميع مناطق د لمغريب: الغرب، الشمال، الريف، سوس، الصحرا، ؤ زيد ؤ زيد. ولاد سيدي قاسم نجحو فبزاف د ضّومينات وكاين منهم لي تعرف فتمّا ولّا فلبلاد ولّا حتى فلعالام بحال لجنيرال الدليمي ولا لعقيد لعلام.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.