حكم معاون (كورة)

لحكم معاون أولا حكم الراية فالرياضة ديال كورة هو حكم اللي عندو لحق يعاون لحكم د التيران باش يفرض لقواعد د كورة. واخّا هوما ماشي ضرورين بحساب هاد لقواعد، ولاكين بزاف ديال لبوطولات ولمنافسات لمنضمين كايكون فيهوم بلقليلة جوج، واحد فكولّا قنت. لمسؤوليات ديال لحكم لمعاون كاينين فلقانون 6. لمصطلاح ديال "لحكم لمعاون" ليوم كايعني دوك الجوج د لحكّام اللي كايحضيو خط التوش، ومرارك خرين ديال لحكّام عندهوم خدامي خرين.

حكم معاون هاز الراية على التسلول.

فلمنافسات لكبار كايكون لحكم الرابع اللي كايدير لحوايج لإداريين، بحال يحضي معا الشونجمو، وغاليبا كايدوز لوقت ديالو د لماطش فلمينطاقة التقنية ديال لفراقي. لقواعد دلبعض د لمنافسات كاتفرض شي إجراءات قبل مايتبدّل لحكم. بزاف د لمرات لحكم الرابع كايتبادل معا لحكم أولّا لحكّام لمعاونين إلا ماقدروش يكمّلو. لقواعد كايسمحو يكونو حكّام معاونين حتياطيين اللي ماعندهوم حتى شي مسؤولية حتى يتعيّط عليهوم يعوضو شي واحد من لفرقة ديال التحكيم اللي ماقدرش يكمّل لماطش.[1]

فلميطشان اللي طالعين فالنيڤو كايكونو حكام وحدين خرين. لحكام لمعاونين الزايدين كايتحطو باش يحضيو آش كايطرى حدا لݣولات بجوج. لحكّام لمعاونين بلڤيديو كايشوفو لقطات ديال لماطش وكاينصحو لحكم باش يصحح لقرار ديالو إلا كان ممكين يكون غالط. لحكم د لوسط هو بّوحدو اللي عندو لكلمة اللخرة، داكشي اللي كايݣولوه لوخرين كايتعتابر غير نصيحة.

لواجبات ديالهوم بدل

لقانون 6 ديال لقواعد باللي الناس ديال لفرقة د التحكيم كايتعاونو مابيناتهوم باش يفرضوهوم، واخّا هكّاك لحكم كايبقى هو مول لكلمة اللخرة فݣاع لقرارات. لحكّام لمعاونين (ولحكّام لمعاونين الزايدين إلا كانو) ولحكم الرابع كاينصحو لحكم اللول إلا شافو شي حاجة طرات هو ماشافهاش. فلبوطولات ولمنافسات الطالعين اللي كايتدارو فتيرانات كبار لحكّام كايتجهزو بميكرويات وصنّاطات باش تسهال لهضرة بيناتهوم فلمسافات الطوال والصداع لكتير ديال لجمهور.

لحضور ديال حكام معاونين حتياطيين كايخلّي التبدال ديال لحكّام يكون فاش واحد ولّا كتر ماكايقدروش يكمّلو. السيستيم ديال شكون كايتبادل معا شكون كاتحددو اللجنة اللي نضّمات لمنافسة.

ݣاع لحكّام كايلبسو لكيطمة اللي لابسها لحكم، واخا لحكم الرابع يقدر يلبس شي حاجة زايدة فلجو لبارد.

لخدامي ديالهوم بدل

 
حكمة رابعة هازّة لوحة باش تورّي للحكم ولجمهور شكون غايدخل
لحكم لمعاون
لقانون 6 كايحدّد باللي "خاص يكونو جوج دلحكّام فخطوط التوش". كولّا واحد فيهوم كايغطي النص ديال التيران، وكايعاون لحكم د التيران ف:
  • واش لكورة خرجات من التيران
  • إينا فرقة غاترجّع لكورة للعب
  • واش كاين التسلّول
  • كايحددو الشونجمو (إلا ماكانش لحكم الرابع)
  • كايعلمو لحكم بلغلاط اللي ماشافهومش هو.
 
لحكم اللول، لحكّام لمعاونين ولحكم الرابع داخلين للتيران.
لحكم الرابع
كايعاون لحكم فلحوايج اللي عندهوم علاقة بليدارة ديال لماطش. غاليبا كاتكون عندو طبلة اللي مابعيداش بزاف على خط التوش، مابين لمينطاقة التقنية ديال لفراقي بجوج. لحكم الرابع كايعاون لحكم د التيران ف:
  • لخدامي لإدارة قبل، وسط ومورا لماطش
  • لكونطرول ديال لكيطمة د لكوايرية
  • كايحضي التبديلات وكايخّدم معاه لوحة فيها لأرقام
  • كايعلم بديك اللوحة على لوقت الزايد فكولّا شوط
  • كايكون نقطة تواصل مابين لفرقة دالتحكيم فالتيران والناس اللي على برّا (بحال لمسييرين ديال التيران، السيكيريتي، الدراري اللي كايردّو لكورة)
  • كايضمن الرزانة فلمينطاقة التقنية ديال لفراقي
  • كايتعرّف على لغلاط والضسارة اللي ماشافهاش لحكم
  • كايسجل أي حاجة طرات فالتيران باش حتى إلا دار لحكم شي حاجة غلط (بحال يعطي صفرة لكوايري ماداير والو، أولّا يعطي جوج صفرات لشي لعّاب وينسى مايجري عليه).[2]
لحكم لمعاون الزايد
حكم اللي كايوقف مورا خط لݣول باش يعاون لحكم يحضي معا أي حاجة طرات فلمينطاقة د پيلانتيات.[3][4]
 
لحكم لمعاون بلڤيديو ولمعاونين ديالو
لحكم لمعاون بلڤيديو
  •  مقالة متعمقة: لحكم لمعاون بلڤيديو
    كايكونو عندو هو نيت حكّام معاونين. كايراجع لقرارات اللي خداهوم لحكم د التيران باللقطات ديال لماطش وكاصك ديال لهضرة معاه. لستيعمال ديالهوم فلمنافسات ختياري.
لحكم لخامس
هو حكم كايكون حاضر باش يتبادل معا أي حكم معاون إلا طرات ليه شي حاجة وماقدرش يكمّل. فلميطشان ديال كاس لعالم 2006 كانت لخدمة ديالو هي يعاون لحكم الرابع فبزاف ديال لخدامي، ويتعيّط ليه باش يتبادل معا لحكّام لخرين ديال لماطش إلا جات لشي واحد منهوم شي دقّة.[5]
لحكم لمعاون لحتياطي
ولّات هادي هي لخدمة ديال لحكم لخامس، واللي هي يبقى ݣالس حتى يتعيّط ليه باش يعوّض شي حكم معاون أولّا حكم رابع ماقادرش يكمّل.[1]

عيون لكلام بدل

  1. ^ a b Association، The Football. "Law 6 – The Other Match Officials". www.thefa.com (ب نڭليزية). مأرشيڤي من لأصل ف 9 يونيو 2023. تطّالع عليه ب تاريخ 2018-06-29.
  2. ^ Refereeing & Disciplinary – The Fourth Official: the Scottish Football Association website. Retrieved on 28 فبراير 2008.
  3. ^ "Two extra pairs of eyes for referee teams". UEFA. 28 غشت 2009. مأرشيڤي من لأصل ف 2012-11-25. تطّالع عليه ب تاريخ 29 غشت 2009.
  4. ^ "Willie Collum and additional assistants appointed for final". BBC Sport. BBC. 7 ماي 2013. مأرشيڤي من لأصل ف 2013-09-15. تطّالع عليه ب تاريخ 17 غشت 2013.
  5. ^ "AGENDA of the 121ST ANNUAL GENERAL MEETING" (PDF). مأرشيڤي من لأصل (PDF) ف 2011-07-24. تطّالع عليه ب تاريخ 2021-08-14.
  تقدر تزيد شوف بزاف د تّصاور و لمعلومات ديال Assistant referees ف ويكيميديا كومنز.