جوزي ساراماݣو

(تحولات من جوزي ساراماڭو)


جوزي ساراماݣولبرتغالية: José Saramago)، خلاق ف 16 نونبر 1922 و توفا ف 18 جوان 2010[1]، كاتب و أديب برطقيزي دّا جايزة نوبل د لأداب ف 1988. كايتعتابر من أهم لأدباء د لقرن لعشرين و من أشهر لأعمال ديالو "العمى" (1995) و "انقطاعات الموت" (2005) و "قابيل" (2009).

جوزي ساراماݣو
معلومات عامة
زيادة 16 نونبر 1922
آزينهاڭا
لموت 18 يونيو 2010 (87 عام)
لانساروطي
طريقة دلموت موتة طبيعية
سباب لموت ابيضاض الدم
لجنسية برطقيز
لحرفة صحافي، كاتيب مسراحي، موطرجيم، روائي، شاعير، المؤرخ الإخباري، كاتب مقالات، كتاتبي د ليوميات، ناقد أدبي، كاتب، سيناريست، درامي و توري
لّوغات لي كيعرف لبرتغالية
لفاميلة
شريك Ilda Reis (1944–1970)
Isabel da Nóbrega (1970–1986)
بيلار ديل ريو (1988–2010)
لولاد Violante Saramago Matos
معلومات خرى
دين إلحاد
لأعمال
ستيل رواية و magic realist fiction
سّيت رّسمي https://www.josesaramago.org
لجوايز
IMDB: nm0764832 Allocine: 96434
Musicbrainz: b55bcfa6-3c07-415d-90f9-157bc5121e21 Discogs: 1900819 Find a Grave: 53836358 Modifica els identificadors a Wikidata


ساراماݣو قدر يفرض راسو ك أديب إنساني و موتقّاف فاعل ف لحياة سّياسية ف بلادو و ف لعالم، تميز ب لفهم لخاصّ ديالو ل تّاريخ و لأخلاق و تّقافة و ب لبصمة لجمالية لخاصة ديالو ف لكتابة لّي كا تثور على أشكال لكتابة تّقليدية ف لأدب.

حياتو بدل

جوزي ساراماݣو خلاق ف آزينياݣا ف لبرطقيز و تحولات لعائيلة ديالو لواحد لمدة باش يعيشو ف لارجونتين قبل ما يرجعو يعيشو ف ليشبونة.

أول رواية ديالو نشرها ف 1947، و كانت سميتها "أرض الذنب" و كانت لقات تشجيع من عند نّقاد، واخا هاكاك ساراماݣو ما نشر تا رواية من بعد منها ل مدة 20 عام، حيت خدم ف صّحافة و ب سباب لعضوية ديالو ف لحزب شّيوعي لبرطقيزي ما كانتش ظروف لبرتغال مزيانة من ناحية حرية النشر و صّحافة تحت لحكم دّيكتاتوري ديال سالازار.

شارك ساراماݣو ف ثورة لقرنفل لّي ردّات دّيموقراطية ل لبرتغال ف 1974.

كان أول أديب برتغالي كايفوز ب جايزة نوبل ف 1988 و تمنحات لي دّوكتورا لفخرية من عند بزّاف د لجامعات لمرموقة ف لعالم (طورينوّ، إشبيلية، مانشستر، كاستيا لامانشا، برازيليا).

ف 1992، تحدفات رّواية ديالو "لإنجيل على حساب ليسوع لمسيح" من لّيستا د رّوايات لّي مرشحين ف واحد لجائزة أدبية حكومية بسباب لمحتوى ديالها لّي عتابروه كايسيء ل دّين.[2]

ساراماݣو دوز لعوام لخّرة د حياتو ف لجزيرة د لانثاروطي (ف جزر لكناري) مع رّفيقة ديالو پيلار ديل روبيو.[3]

عيون لكلام بدل

  1. ^ "José Saramago". مأرشيڤي من لأصل ف 2023-08-10. تطّالع عليه ب تاريخ 2020-08-19.
  2. ^ "افضل روايات جوزيه ساراماغو". مأرشيڤي من لأصل ف 2022-07-01. تطّالع عليه ب تاريخ 2020-08-19.
  3. ^ "José Saramago BIOGRAFÍA". مأرشيڤي من لأصل ف 2023-06-09. تطّالع عليه ب تاريخ 2020-08-19.
  تقدر تزيد شوف بزاف د تّصاور و لمعلومات ديال José Saramago ف ويكيميديا كومنز.