لّفة ؤلا تّويست هيّا تقنية ف لأداب لّي كيدخّل فيها لكاتب تغيير جدري ف لمسار د لقصة. تّويست تقدر تبدّل نّضرة ديال لقاري علا لأحدات لّي طراو ديجا (متلا تزاد شي معلومة لّي تبين بلي شخصية لّي كانت كتبان شرّيرة كانت هيّا لبطلة من لبدية)، ؤلا توقع شي حاجة ماكانتش ف لحساب لّي تخربق لبلانات ديال شّخصيات ف لقصة ؤ تّوقعات ديال لقاري (متلا شخصية تموت علا غفلة). تّويست يقدر يتّوحا ليه من قبل، متلا يݣول واحد من شخصيات بلي شي حاجة ماشي هيّا هاديك ؤلا بلي عندو إحساس غريب ؤلا خوف من شي حاجة، شّي لّي كيوجّد لقاري نفسيا باش يتسنا شي حاجة فشكل تطرا.[1]

كاينين بزاف د طّرقان باش تّويست ؤلا لّفة كتدار ف لكتبة د لقصة ؤلا سيناريو د فيلم، بحال تخلي شي معلومة حتال لّحضة لّخرانية عاد توريها، ؤلا تعطي ل لقاري ؤلا لمشاهد معلومات غالطين ؤلا ماواضحينش مزيان. يلا ݣلتي تويست ل شي حد قبل ما يطرا، كيتعتابر سپويلر، يعني أنك حرقتي ليه لقصة، فا مايقدرش يتسمتع بيها ب نفس دّرجة.[2]

من بين أحسن تّويستات ف لأداب ف سّنوات لّخرة طراو متلا ف سّلسلة ديال هاري پوطر، ف مسلسال ؤ ريوايات ديال لوعبة د لعروش ؤ ف لمانݣا ديال شينݣيكي نو كيوجين.

عيون لكلام بدل

  1. ^ "What is a plot twist" (ب نڭليزية). مأرشيڤي من لأصل ف 2023-06-17. تطّالع عليه ب تاريخ 2021-04-24.
  2. ^ "Spoilers Don't Spoil Anything" (ب نڭليزية). مأرشيڤي من لأصل ف 2023-10-09. تطّالع عليه ب تاريخ 2021-12-03.
 
هادي زريعة ديال مقالة خاصها تّوسع. تقدر تشارك ف لكتبة ديالها.