تامانارت

(تحولات من تمانارت)

تامانارت جماعة ترابية قروية كاينة ف إقليم طاطا، جهة سوس ماسة، ساكنين فيها 6160 نسمة، على حسب الإحصاء العام 2014.[1] تامانارت جات ف تّقاطع ديال طّريق 102 ؤ 107، على بعد ديال 163 كيلوميطر من لعاصيمة د لإقليم طاطا. ؤ جات على ضّفة ديال واد تامانارت، لي هوّا واحد من روافد واد درعة، على جّيهة لجانوبية ديال لأطلس صّغير، حدا سّفح ديال جبل باني.

تامانارت

‫تمنارت‬ (ar)
ⵜⴰⵎⴰⵏⴰⵕⵜ (tzm)

لبلاصة
لبلاد لمغريب
لإقليم إقليم طاطا
السكان
شحال دالسكان 6,198 (2014)
شحال دلفاميلات 1,483 (2014)
معلومات خرا
الرمز لجغرافي 6545619


جّماعة فيها 16 قرية هوما: أݣجدال، أݣرض، أنامور، أوكردا، دوار إيݣيواز، إيغير ن بلقاسم، إيغير ويلولن، إيݣمير، إيمي ؤزلاݣ، إيغير إيغناين، قصبة أيت هربيل، سموݣن تيمولا، تاݣجكالت، تامسولت، تانغروت، تيسلݣيت.

تامانارت معروفة ب لموسم ديالها لي كيجي ف شهر شتنبر، ؤ ب نّقيشات صّخرية لي كيرجعو ل عصور قبلتاريخية، ف وادي تامانارت، لي فيه كتر من 60 موقع ديال لفن صّخري.[2]

واحد من أهم لمواقع لأترية فيها هوما مداشر لي كانو سكنو فيهوم ليهود ف لقديم، ؤ لّي تم تّنقيب فيها من طاراف عولاما د لأركيولوجيا من لمغريب، فرانسا ؤ إسرائيل. لأركيولوجيين كشفو على مجموعة د لأتار بحال سيناݣوݣ لي تعرضات ل تّدمير ب سباب فيضان، ؤ توحاف أترية ؤ وتائق قديمة بحال حجابات مكتوبين ب لعبرية. لأتار كيرجعو ل لفترة مابين لقرن 16 ؤ لقرن 19. واحد من لأحدات طّراجيدية لي طرات ف لمنطقة ف 1792، هوّا فاش نتاحرو 50 يهودي مغريبي بشكل جماعي ب لعافية، فاش حاول حاكم محلي يفرض عليهوم لإسلام ب لقوة.[3]

أهم شّخصيات بدل

إحصائيات بدل

  • نسبة الأمية : 49,5%
  • نسبة السكان اللي قاريين فوق الثانوي (ثانوي وجامعة): 9,3%
  • نسبة الناس النشيطين (اللي يقدرو يخدمو): 20,5%
  • نسبة البطالة: 33,8%
  • نسبة الناس اللي خدامين في الدولة (أو العاطلين اللي سبق ليهوم خدمو): 16,6%
  • نسبة الناس اللي خدامين في القطاع الخاص (أو العاطلين اللي سبق ليهوم خدمو):34,2%

عيون لكلام بدل

  1. ^ "RGPH 2014 - Site HCP". مأرشيڤي من لأصل ف 2023-07-02. تطّالع عليه ب تاريخ 2020-01-07.
  2. ^ "60 موقع د لفن صّخري ف وادي تامانارت" (ب لفرانساوية). 10 غشت 2015. مأرشيڤي من لأصل ف 2023-06-08. تطّالع عليه ب تاريخ 2022-01-02.
  3. ^ "أسرار جّماعة د لمغاربا ليهود ف تامانارت كشفات عليها تنقيبات ف سيناݣوݣ". هاأريتز (ب نڭليزية). 27 دجنبر 2021. مأرشيڤي من لأصل ف 2022-05-25. تطّالع عليه ب تاريخ 2022-01-02.
  تقدر تزيد شوف بزاف د تّصاور و لمعلومات ديال Tamanart ف ويكيميديا كومنز.
 
هادي زريعة ديال مقالة خاصها تّوسع. تقدر تشارك ف لكتبة ديالها.