لفرق بين الجوج ڤيرسيونات ديال: "ليلة لهروب لكبير"
dir chi ssfha b "انتاشر مصطلح '''ليلة الهروب الكبير''' ب شكل واسع ف الصحافة المغربية و بعض الصح..." |
(حتى فرق)
|
مراجعة 14:39، 30 يوليوز 2020
انتاشر مصطلح ليلة الهروب الكبير ب شكل واسع ف الصحافة المغربية و بعض الصحف العربية من بعد اضطرار آلاف المواطنين المغاربة ل انهاء العطل ديالهم و التوجه ل الطرقات قصد الرجوع ل مدن إقامتهم بعد إعلان الحكومة المغربية قرار منع التنقل من و إلى مجموعة من المدن ابتداء من منتصف ليلة 26 يوليوز 2020 ف إطار القرارات لي كيتم اتخادها ب هدف السيطرة على انتشار ڤيروس كورونا ف المغرب.[1] المشكل هو أن هاد القرار تم الاعلان عليه ساعات قليلة فقط قبل منتصف الليل الشي لي خلى مجموعة من الطرق الوطنية و الطرق السيارة تعرف اكتضاض كبير و تم تسجيل مجموعة من حوادت السير و خسائر ف الارواح.[1]
حيتيات قرار منع التنقل
صدرات السلطات الحكومية المغربية، ممتلة ف وزارة الداخلية و وزارة الصحة نهار 26 يوليوز 2020 بيان مشترك جا فيه قرار كيقضي ب منع التنقل من و ف اتجاه 8 مدن: طنجة، تطوان، فاس، مكناس، الدار البيضاء، برشيد، سطات و مراكش.[2][3] هاد القرار جا قبل أيام قليلة من العيد الكبير لي صادف ف سنة 2020 نهار 31 يوليوز ب هدف الحد من انتشار ڤيروس كورونا عن طريق منع تنقل المواطنين بين المدن لي موالفين كيقضيو العيد عند أحبابهم و أسرهم.[4]
السلطات المغربية دعات المواطنين ل الالتزام التام بهاد التدابير، و إلا ف المخالفين غادي يتعرضو ل إجراءات صارمة، طبقا ل القانون.[3]
أسباب
وفق بيان وزارتي الداخلية و الصحة ف سبب اتخاد هاد القرار هو عدم احترام أغلبية المواطنين ل التدابير الوقائية المتاخدة، بحال التباعد الاجتماعي، وضع الكمامة، و استعمال وسائل التعقيم، واخا التوافر ديالها ب كترة ف الأسواق؛ الشي لي أدى ل زيادة انتشار العدوى، و ارتفاع عدد الحالات المؤكدة.[3]
كندكرو بلي ل حدود نهار 26 يوليوز تم تسجيل اعلى عدد ديال الوفيات ب ڤيروس كورونا ف شهر سبعة بلغ 8 الوفيات، و عرف تسجيل تاني اعلى حصيلة يومية ديال الاصابات مند وصول الڤيروس ل المغرب وصلات ل 633 حالة جديدة.[5] همات الحالات الجديدة مجموعة من المدن بما فيها: 168 حالة ف برشيد، 48 ف الدار البيضاء، 114 ف طنجة، 4 ف تطوان و الحسيمة، 66 ف مراكش، و 11 ف فاس، الشي لي عجل من اتخاد قرار المنع.[6]
استتناءات
وفق البيان ف قد تم استتناء الاشخاص دوي الحالات الطبية المستعجلة و الناس الخدامين ف القطاع العام ولا الخاص و المكلفين ب أوامر ب مهمة مسلمة من طرف المسؤولين ديالهم، مع شرط الحصول على رخص استتنائية من السلطات المحلية ل التنقل. نفس الشيء، هاد قرار المنع ما كيشملش حركة نقل البضائع و المواد الاساسية لي كتم ف ضروف عادية و انسيابية، باش يتم ضمان تزويد المواطنين ب كامل حاجياتهم اليومية.[3][7]
نتائج
ردود الأفعال
المراجع
- ^ a b عبد السلام الشامخ (27 يوليوز 2020). "دعوات الاستقالة والمحاسبة تلاحقُ العثماني في ليلة "الهروب الكبير"". hespress.com (ب لعربية). هسبريس. تطّالع عليه ب تاريخ 30 يوليوز 2020.
- ^ عبد الإله شبل (28 يوليوز 2020). "هل تلجأ السلطات إلى توسيع "منع التنقل" بين المدن قبل العيد؟". hespress.com (ب لعربية). هسبريس. تطّالع عليه ب تاريخ 30 يوليوز 2020.
- ^ a b c d تاج الدين العبدلاوي (26 يوليوز 2020). "المغرب.. إغلاق 8 مدن بعد ارتفاع إصابات كورونا". aa.com (ب لعربية). وكالة الأناضول. تطّالع عليه ب تاريخ 30 يوليوز 2020.
- ^ "عيد الأضحى 2020 بالمغرب والدول العربية". Jadid365.ma (ب لعربية). يوليوز 2020. تطّالع عليه ب تاريخ 30 يوليوز 2020.
- ^ "فيروس كورونا «كوفيد-19» في المغرب اليوم الأحد 26 يوليو 2020: 8 وفيات و633 إصابة جديدة". arabia.as.com (ب لعربية). صحيفة أس. 26 يوليوز 2020. تطّالع عليه ب تاريخ 30 يوليوز 2020.
- ^ "هذه تفاصيل التوزيع الجغرافي لحالات "كورونا" الجديدة في المغرب". hespress.com (ب لعربية). هسبريس. 26 يوليوز 2020. تطّالع عليه ب تاريخ 30 يوليوز 2020.
- ^ "بسبب ارتفاع إصابات كورونا.. منع التنقل من وإلى 8 مدن مغربية". skynewsarabia.com (ب لعربية). سكاي نيوز عربية. 26 يوليوز 2020. تطّالع عليه ب تاريخ 30 يوليوز 2020.