لفرق بين الجوج ڤيرسيونات ديال: "ويكيپيديا:إمغارن"
تم حذف المحتوى تمت إضافة المحتوى
خوي الصفحة وسوم: إفراغ تعديل من تّيليفون تعديل ويب بالتيليفون |
الرجوع على 4 تخريبات وسوم: تراجع يدوي |
||
سطر 1:
'''المديرين''' و المعروفين عاوتاني ب سمية "الأدمنز" هم محررين ف ويكيپيديا تم منحهم القدرة التقنية باش يديرو بعض الإجراءات الخاصة ف ويكيپيديا ب الدارجة. كتشمل القدرة على الحضر و رفع الحضر على حسابات المستخدمين، منع عناوين ونطاقات الآيپي من التعديل، التعديل ديال الصفحات المحمية ب الكامل، الحماية ورفع الحماية على الصفحات، حذف وارجاع الصفحات المحدوفة، اعادة تسمية الصفحات بلا قيود، واستخدام بعض الصفحات الاخرى.
المديرين كيضطالعو بهاد المسؤوليات كمتطوعين من بعد إجراء عملية مراجعة/تقييم من قبل المجتمع. وهم ما كيخدموش كموظفين ف مؤسسة ويكيميديا. ما كيتمش مطالبتهم باستخدام الأدوات ديالهم وما خاصهمش يستخدموهم باش يكسبو ميزة ف شي نزاع كانو متورطين فيه. ما خاصناش نخلطو ما بين المديرين والمديرين ديال نظام ويكيميديا.
ويكيپيدبا ب الدارجة فيها دابا {{NUMBEROFADMINS}} مدير ومديرة ([https://ary.wikipedia.org/w/index.php?title=Special:ListUsers/sysop&limit=50 شوف القائمة الكاملة ديال الحسابات لي عندها الامتيازات ديال مدير]).
== القدرات ديال المديرين ==
المديرين عندهم القدرة التقنية باش يأديو العمليات لي مبينين هنا: [https://en.wikipedia.org/wiki/Special:ListGroupRights#sysop صلاحيات مجموعات المستخدمين#المديرين].
== كيفاش تولي مدير ==
ويكيپيديا ب الدارجة ما عندهاش متطلبات رسمية باش تولي مدير. أي مستخدم مسجل يمكن ليه يقدم [[ويكيپيديا:طلب صلاحية مدير|طلب للمجتمع باش يولي مدير]]، بغض النضر على تجربتو ف ويكيپيديا. واخا هاكدا، من المتوقع من المديرين أنهم يكتاسبو ثقة المجتمع، هادشي علاش الطلبات من المستخدمين لي ما عندهمش خبرة محترمة كيترفضو عادة. أي محرر مسجل إمكن ليه يعلق على شي طلب، وكل محرر كيقيم الترشحات بطريقتو الخاصة.
قبل طلب ولا قبول شي ترشيح، المترشحين خاصهم عموما يكونو نشطين، مساهمين ف ويكيپيديا بشكل منتظم و لواحد الوقت طويل، يكونو مولفين الإجراءات و الممارسات ديال ويكيپيديا، يحتارمو ويفهمو سياساتها، و يكتاسبو الثقة العامة ديال المجتمع. المترشحين ملزمين عاوتاني ب الكشف على إلى سبق ليهم حررو ولا عدلو على قبل الفلوس. الأسئلة لي بحال هادا راه مسموح ليهم باش يتسولو من قبل أي محرر ف المجتمع طوال عملية طلب ترشيح المديرين.
كتجري مناقشة ل مدة سبع ايام على قبل واش المترشح خاصو يولي مدير ولا لا. المجتمع حط واحد الحد ل الأسئلة: أي محرر ما خاصوش يطرح أكتر من جوجت الأسئلة لكل مترشح. نفس الشيء؛ ممنوع طرح الأسئلة المتعددة الأجزاء لي كتكون على شكل سؤال واحد، حيت هي ف الواقع عبارة على بزافت الأسئلة شي لي كيخلينا نتجاوزو الحد الأقصى المسموح به.
عملية طلب صلاحيات الإدارة، كتخلي المحررين لاخرين يتعرفو على المترشح و يستاكشفو مشاركتو وخلفيتو كمحرر، يشاركو ف النقاشات و يݣولو واش كيأيدو ولا كيعارضو الطلب مع توضيح أسبابهم و انطباعاتهم على المترشح. من بعد واحد [[ويكيپيديا:البيروقراطيين|البيروقراطي]] (الى ما كانش؛ شي مدير، الى حتى هو ما كانش؛ اي واحد) ما مرتابطش مع المترشح كيقرر واش كاين شي توافق ف الآراء على الطلب. هاد القرار ما كيرتابطش حصرا ب النسبة المئوية للمؤيدين، ولكن ف معضم الأحيان؛ الطلبات لي كتجاوز نسبة التأييد فيها 75% كيدوزو. المجتمع تافق على أنه عموما؛ الطلبات لي كتراوح نسبة التأييد فيها ما بين 65% و 75% كيكونو موضع تقدير من قبل البيروقراطيين. (بالتالي ومنطقيا، كنتلاقاو تقريبا كامل الطلبات لي فيهم نسبة تأييد أقل من 65% كتفشل.)
ف طلبات الحصول على صلاحية مدير، كتكون الردود و المراجعات ديال المحررين لي عندهم الخبرة مهمة بزاف مقارنة مع محررين جداد و ما عندهمش خبرة. المقدمين ديال الطلبات لي ما نجحوش ولكن تاخدو خطوات لمعالجة النقاط لي تمت الاشارة ليهم ف النقاش غالبا كيقدرو ينجحو ف طلب لاحق من بعد شي شهور.
'''غير واحد الحساب ديال شي شخص لي ممكن ليه يكون متوفر على الأدوات الإدارية'''. الاستتناء الوحيد لي كاين هو المديرين لي عندهم [[ويكيپيديا:بوت|بوتات]] كيديرو أعمال متكررة ومملة كيخصهم فيها ولوج ل صلاحيات مدير.
== إزالة صلاحيات مدير ==
المديرين لي ما كيستخدموش صلاحياتهم بشكل صحيح، لي كيحاولو يخربو الموسوعة، لي كيستخدمو صلاحياتهم باش ينتاقمو من المحررين الاخرين، ولا كيستخدمو صلاحياتهم باش يكسبو شي نقاش؛ كيتم إزالة صلاحية مدير من الحساب ديالهم.
الحالة الأخرى فين ممكن تم إزالة صلاحية مدير هي فاش المستخدم ما كيكونش نشيط ل مدة 12 شهر ولا ما كيستعملش الادوات الادارية بتاتا فهاد المدة.
المديرين خاص يكونو دايرين حماية قصوى للحسابات ديالهم باش يتفاداو الاختراق، ومن الاحسن كل مدير يكون عندو ايميل مرتبط ب الحساب ديالو باش يسهال عليه استرجاع كلمة السر الى ضاعت ليه ولا تم تغييرها من قبل المخترق.
=== إزالة تطوعية ===
يقدر المديرين يقدمو طلب باش تم إزالة صلاحية مدير من حسابهم.
[[تصنيف:سياسات ويكيپيديا]]
[[تصنيف:إدارة ويكيپيديا]]
[[تصنيف:مستويات صلاحيات مستخدمي ويكيپيديا]]
| |||