لفرق بين الجوج ڤيرسيونات ديال: "ݣارديان (كورة)"

'''لحارس''' أولّا '''لݣارديان''' (ب[[النݣليزية]]: '''Goalkeeper''') فماطش ديال [[كورة (سپور)|لكورة]] هو كوايري اللي عندو [[لبلايص د اللعب ف كورة|بلاصة]] موهيمة [[تيران د كورة|فالتيران]]، وهي بلاصة ختيصاصية بزاف. لحارس هو اللي كايعسّ على لݣول ديال فرقتو وماكايخلّيش لفرقة لوخرة [[التسجيل د لبيوتة ف كورة|تماركي بيت]] عليها. هادشي كايكون فاش لحارس كايتبع الطريق اللي شادّها [[لكورة (كورة)|لبالون]] وإما كايشدو أولّا كايدفعو لبلاصة خرة بعيد على لݣول. لحارس عندو لحق يخدّم يديه غير ف[[لمينطاقة د پيلانتي (كورة)|لمينطاقة د پيلانتيات]] اللي قبالة لݣول ديالو، الشي اللي كايخلّيه بوحدو (من غير لكوايرية فال[[توش (كورة)|توش]]) اللي عندو هاد لحق. لحارس هو اللي كاتكون عندو بلاصتو بوحدو فلفرقة، وهادشي كايبان حتى ف[[كيطمة (كورة)|لكيطمة]] ديالو اللي لوانها ماكايشبهوش للوان ديال اللعّابة لوخرين.

 

 

لحارس كايتريني بوحدو بعيد على لفرقة ديالو وكايدرّبو مدريب ديال لحرّاس اللي كاتكون خدمتو ختيصاصية، حيتاش لبلاصة ديال لحارس كايخصها تقنيات ديالها اللي ماكاينينش فبلايص خرين ديال اللعب.<ref>[https://bleacherreport.com/articles/2802528-the-evolution-of-the-goalkeeper#slide1 The Evolution of the Goalkeeper: What Makes the Perfect Modern-Day No. 1?, SAM TIGHE]</ref> اللعابة لخرين خاص يكون عندهوم لكارديو (الجهد ديال لقلب) طالع بزاف باش يجريو ويقصّرو 90 دقيقة ديال لماطش، أما لحارس خاص تكون عندو ردة ديال لفعل اللي زربانة وجرى اللي خفيف وديال تيتسْويت. لحارس يقدر يلعب بزاف ديال لفترات فلماطش واللي كاتوصل ل 5 دقايق لكولّا فترة، حتى يبعدو لمدافعين لخطر. فلونطريما لحراس كايركّزو على لخدمة ديال الرجل وكيفاش ينوضو بالزربة من مورا مايعتقو لݣول ديالهوم من شي بيت. خاص ضروري لحارس يعرف كيفاش يكون فلوضعية ديال التوجاد، زعما قبل مايجيهوم شي بيت خاص يوقفو محنيين للݣدام، لكتاف والركاب مفارقين على بعضياتهوم ويكونو واقفين على صباع رجليهوم.<ref>{{Cite journal|last=Rebelo-Goncalves|first=Ricardo|date=شتنبر 2016|title=Assessment of technical skills in young soccer goalkeepers: reliability and validity of two goalkeeper-specific tests|journal=Gale Academic}}</ref> لحارس غاليبا كايلبس توني اللي فيه رقم واحد، ولاكين يقد يلبس أي رقم مابين 1 و 99.<ref name="sports.yahoo.com">{{cite web|url=https://sports.yahoo.com/blogs/football-dirty-tackle/mystery-solved--why-do-the-best-football-players-wear-no--10-052229677.html|title=Mystery solved: Why do the best football players wear No. 10?|publisher=Yahoo!|author1=Khalil Garriot|date=21 يونيو 2014|access-date=19 ماي 2015}}</ref>