لفرق بين الجوج ڤيرسيونات ديال: "نوار (مرض)"

بلمعقول، لمغريب فلقرن سبعطاش كان كايحسب بزاف دالطبا اللي كانو ولاد زمانهوم ؤ كايخدمو بحال ڭرانهوم فوروپا ديك الساع و بنفس لمانيرة الدواوية ديالهوم يعني كانو كايعطيو فالدوّا الزّاواق و الزرنيخ ؤ الشبّة وهادو كانو دويان ملاح ضد هاد لمرضة. شي كنانش طبيين قبل من لحماية كايدويو بالتفصيل على هاد الدويان . عبد لكريم لعلج لخّص لينا لفورميلة الدواوية ضد النوّار و اللي فيها كايتعطاو شي كينات زرنيخوزاواقية معا واحد الرّيجيم دلماكلة اللي لمريض خاصو يتبعو. واحد لمزوار فرانساوي كان معيّن باش يعاود يعصرن لعسكر لمغريبي فلعهدة ديال مولاي لحسن اللول، سميتو جون جاك يوليوس هيركمان ؤهوّا نيت مول لكتاب ديال "لمغريب لعصري : Le Maroc moderne" عاش فلمغريب بين 1877 و 1883 ؤفيه كايڭول باللي فلمدينة دمولاي عقوب، حدا فاس، كاين فيها واحد الزاوية تبنات حدا واحد لمنبع ديال حامة كانو لمراض بالنوّار كايعومو فيها ؤ لغريب هوّا بصّاح كانت هاد لحامة كاداوي دوك لحبوب كاين اللي فسرها أشكو فيها لودّيس .