الفرق بين المراجعتين ديال: "لغزو نورماندي ل نݣليز"

ص
لا يوجد ملخص تحرير
(زدت لپاج)
 
صلا ملخص تعديل
نّورمانديين براسهم كانو مجموعة ديال لقبايل [[الدانمارك|دّانماركية]] لّي ستاقرات ف [[نورمانديا]] ف شّمال لغربي ديال [[فرانسا]]، ف لبدية ديال [[لقرن لعاشر]]. ف 912، زّعيم ديالهم [[رولو نورماندي|رولو نّورماندي]] غادي يدير تفاهم معا لماليك د فرانسا [[شارل لبسيط]] بحيت غادي يعتارف بيه كا ماليك عليه، موقابيل باش لماليك يقبل سّلطة ديال نّورمانديين علا لمنطقة فين كانو مستاقرين، ؤ غادي يولي رولو أول [[دوك (لقب)|دوك]] ديال نورمانديا. نّورمانديين معا مرور زّْمان غادي يتخلاو علا لّوغة د جدودهوم، ل صالح [[لفرانساوية لقديمة]]، ؤ غادي يطورو وحدة من أعضم تّقافات ديال [[ؤروپا]] ف داك لوقت، ؤ لجيش ديالهوم غادي يولي أقوى جيش ف ؤروپا. من لقرن لعاشر ؤ لبدية د [[لقرن حضاش]]، كانو ديجا علاقات قوية ما بين نّڭالزا ؤ نّورمانديين، علا طريق جّواج ما بين لملوك ؤ لأومارا د نّڭليز ؤ لحكام د نورمانديا. نّورمانديين كانو ديجا ف لبلاط لملاكي د نّڭليز من نّص لّول ديال لقرن حضاش.<ref name="Routledge">{{Cite book|title=A History of the English Language [تاريخ د لّوغة نّݣليزية]|authors=ألبرت س. باف، طوماس كييبل|publisher=روتليدج|year=2002|language=en}}</ref>
 
ف يناير 1066، لماليك [[إدوارد لمعتارف]] غادي يموت بلا مايخلي ولد لّي يخلفو. إدوارد كان ديجا واعد ويليام، لّي كان دوك ديال نورمانديا ؤ ولد عمو من دّرجة تّانية، بلي غادي يشد لحكم من موراه. مي ف نّڭليز ماكانوش قابلين بيه، حيت كان ولد ماشي شرعي ؤ دوّز أغلبية د حياتو برّا نّڭليز ف نورمانديا. ويليام ضونك ماكانش عندو طريقة باش يفرض شّرعية ديالو بلا سلاح، ؤ بعد بزاف د لمعارك، قبل راس لعام ديال 1067 غادي يولي ماليك ديال نّڭليز. ويليام غادي يقضي علا جميع نّوبالا من أصل نڭليزي، ؤ ل مدة عقود، غادي يسيطرو نّورمانديين علا جميع لمناصب ؤ لألقاب د سّلطة.<ref name="Routledge"/>
 
== عيون لكلام ==