لفرق بين الجوج ڤيرسيونات ديال: "لجمعية لمغريبية د حقوق لإنسان"
تم حذف المحتوى تمت إضافة المحتوى
تدارت صفحة ب"يسار|300 px|thumb|الشعار د لجمعية لمغريبية د حقوق لإنسان '''لجمعية لمغري..." |
(حتى فرق)
|
مراجعة 21:43، 10 ماي 2021
لجمعية لمغريبية د حقوق لإنسان (بلأمازيغية: ⵜⴰⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵉⵣⴻⵔⴼⴰⵏ ⵏ ⵓⴼⴳⴰⵏ، ب لفرانساوية: AMDH)، ولاّ لجمعية لمغربية د حقوق بنادم، هي جمعية مغريبية مستاقلة تأسسات نهار 24 يونيو 1979[1]، و لهدف ديالها هو تدافع على حقوق لإنسان و لحقوق لفردية ف لبلاد. لجمعية عندها 96 فرع مقسومين على 10 د لجهات، و مسجلين عندها كتر من 12000 عضو ف لمجموع[2]. لجمعية عندها صفة ديال لمنفعة لعامة خداتها ف عام 2000[3]، و داخلة مع لفيديرالية الدولية د حقوق لإنسان.
من 2007 ل 2013 كانت خديجة الرياضي هي الرئيسة د لجمعية. الرئيس من 2019 لدابا هو عزيز غالي.
لأهداف
لأهداف د لجمعية لمغربية د حقوق لإنسان هب تدافع على لحقوق و لحريّات لأساسية اللي مقيّدة ف الدستور د لمغريب، و ف لبيان لعالمي د لحقوق د بنادم. من بين لحقوق اللي كادّافع عليها لجمعية:
- لحق ف محاكمة عادلة
- لحق ف لحرية د التعبير
- لحقّ د لحباسة ف التطبيب و ف ضروف مزيانة د لحبس
- لحق ف التنظيم د جتماعات