لفرق بين الجوج ڤيرسيونات ديال: "ناميبيا"
تم حذف المحتوى تمت إضافة المحتوى
ص بوت: تنسيق |
لا ملخص تعديل |
||
سطر 1:
{{معلومات دولة}}
'''ناميبيا'''، رسميا لجمهورية د ناميبيا (ب[[نڭليزية|لينڭليزية]]: Republic of Namibia) هي بلاد جات ف لجنوب لغربي د إفريقيا. تايحدّها من لغرب [[لمحيط لأطلسي]]، من الشمال [[أنݣولا]] و [[زامبيا]]، من الشرق [[بوطسوانا]]، و من لجنوب [[جنوب إفريقيا]]. ناميبيا ما عندهاش حدود مع [[زيمبابوي]]، واخا بيناتهم غي 200 ميطرو، حيت جات بيناتهم بوطسوانا، اللي خدات هاداك الطرف د [[لواد د الزامبيزي]].
لأراضي د ناميبيا كانت مسكونة من شحال هادي من بزاف د لقبايل منهم السان و الدامارا و الناما. ف لقرن 14، جاو قبايل خرا من لبانطو (ف لوقت د لهجرة د لبانطو) اللي تاهوما سكنو ف لمنطقة، و ولاّو هوما لأغلبية د السكان. ف 1884، ستعمرات [[ألمانيا]] لمنطقة، و بقات فيها تال مورا [[لحرب لعالمية للولا|لحرب لعالمية اللولا]]. ف 1920، عطات لعصبة د لأمم لحكيم د لبلاد ل[[جنوب إفريقيا]]، اللي حتلاّتها و طبقات فيها النضام د التفريق لعنصري (لأپارتهايد)، اللي كان مطبّق تا فيها. من مورا حرب بداوها الناميبيين، خدات لبلاد لإستقلال ديالها نهار 21 مارس 1990<ref>[http://docstore.ohchr.org/SelfServices/FilesHandler.ashx?enc=FhOD6sgqgzAhFXD9F%2FeKaFMm83LbFY75RhkIFGrig%2B7V9nqU5kXKlRLAZHjeEcY7l3sm6VcC2QRCzEOY6PdNmurkCYT%2Bfarl77Q9C5XTIbcfcWzyviZ21m9h7%2FzA4uPy معلومات على ناميبيا - لأمم لمتحدة]</ref>. درات لبلاد الدستور ديالها ف نفس لعام، والنضام د لحكيم ديالها جمهوري.
تيسكنو ف ناميبيا شويا كتر من 2.5 مليون د الناس، و لعاصمة ديالها هي [[ڤيندهوك]]. اللغة الرسمية هي لينڭليزية، و عاد كاين 13 لغة وطنية ولا جهوية. لفلوس اللي كاتخدّم ف لبلاد هي الدولار الناميبي، و لأغلبية د الناس (ما بين 80-90%) [[مسيحية|مسيحيين]]. ناميبيا داخلة ف بزاف د لمنضمات دولية بحال [[لأمم لمتحدة]] و [[ليتيحاد ليفريقي|لإتحاد لإفريقي]] و لكومنويلت و لمجموعة د التنمية د إفريقيا لجنوبية.
==اللغات==
قبل 1990، كانت ناميبيا فيها تلاتة د اللغات رسمية هوما لينڭليزية و [[لألمانية]] و لأفريكانز. ملّي ستاقلات لبلاد من جنوب إفريقيا، حيّدات الرسمية من لألمانية و لأفريكانز، اللي كانو محسوبين لغات د لإستعمار، و عندهم علاقة بلأپارتهايد، و بقات غي لينڭليزية اللي رسمية ف لبلاد.
من غير اللغات لأوروپية، لبلاد تاتعتارف ب 10 د اللغات إفريقية يا إما لغات وطنية، و لا جهوية<ref>[http://www.moqatel.com/openshare/Behoth/Dwal-Modn1/Namibia/Sec03.doc_cvt.htm تركيب السكان - ناميبيا - المقاتل]</ref>. أكبر وحدا فيهم هي اللغة ديال أوشيوامبو، اللي تيهضروها تقريبا النص د السكان د لبلاد.
== لعيون ==
{{مراجع}}
{{Commons category|Namibia}}
| |||