لفرق بين الجوج ڤيرسيونات ديال: "ليخطنشطاين"

'''ليخطنشطاين'''، رسميا لإمارة د ليخطنشطاين (ب[[لألمانية]]: Fürstentum Liechtenstein) هي بلاد صغيرة ماكاطلش على لبحر جات ف لوسط ديال أوروپا، و بالضبط ف الجبال ديال لألپ. تاتحدّها [[سويسرا]] من لغرب و لجنوب، و [[لوطريش]] من الشمال و الشرق. لإمارة عندها نظام د لحكيم وراثي، تيحكم فيها لأمير، و اللي عندو السلطة بحال اللي تاتكون عند رئيس ف نظام جمهوري. ليخطنشطاين هي أصغر بلاد ف لعالم حادّينها جوج بلدان، و هي وحدا من جوج بلدان ف لعالم اللي ݣاع لبلدان اللي تيحدوها تاهوما ما فيهومش لبحر (لبلاد لاخرا هي [[أوزباكستان]]). هي لبلاد لوحيدة اللي جات كاملة ف الجبال د لألپ، و هي سادس أصغر بلاد من جيهة لمساحة ف لعالم.<ref>[https://www.dw.com/ar/%D9%84%D9%8A%D8%B4%D8%AA%D9%86%D8%B4%D8%AA%D8%A7%D9%8A%D9%86-%D9%80-%D8%AC%D9%88%D9%84%D8%A9-%D9%81%D9%8A-%D8%B1%D8%A8%D9%88%D8%B9-%D8%B3%D8%A7%D8%AF%D8%B3-%D8%A3%D8%B5%D8%BA%D8%B1-%D8%AF%D9%88%D9%84%D8%A9-%D9%81%D9%8A-%D8%A7%D9%84%D8%B9%D8%A7%D9%84%D9%85/g-50044113 ليشتنشتاين ـ جولة في ربوع سادس أصغر دولة في العالم]</ref>.

تيسكنو ف ليخطنشطاين تقريبا 39.000 ديال الناس، لعاصمة ديالها هي [[ڤادوز]]، و أكبر مدينة هي [[شان]]. اللغة الرسمية ديال لبلاد هي لألمانية، و لفلوس اللي كاتخدّم هي لفرنك السويسري. هي وحدا من أغنى لبلدان ف لعالم، من حيتلمدخول د كل واحد ساكن فيها، و وحدا من لبلدان اللي عندها أقل كريدي ف لعالم، و من لبلدان اللي فيها أقل نسبة د لبطالة ف لعالم.<ref>[https://www.aljazeera.net/ebusiness/2019/12/19/%D8%A7%D9%84%D9%85%D9%84%D9%8A%D8%A7%D8%B1%D8%AF%D9%8A%D8%B1-%D8%A7%D9%84%D9%88%D8%AD%D9%8A%D8%AF-%D8%A8%D8%AF%D9%88%D9%84%D8%A9-%D9%84%D9%8A%D8%AE%D8%AA%D9%86%D8%B4%D8%AA%D8%A7%D9%8A%D9%86 الملياردير الوحيد بدولة ليختنشتاين ويملك نصف ثروتها - من هو؟ - الجزيرة (2019)]</ref>. لإقتصاد ديال لبلاد تيضور على لمالية (حيت فيها الضريبة هابطة)، و السياحة ديال السكي. هي داخلة مع [[لأمم لمتحدة]] و [[لمجلس ديال أوروپا]] و لمنطقة د شينݣين، و لكن ما داخلاش مع [[الاتحاد الأوروپي|لإتحاد لأوروپي]].