لفرق بين الجوج ڤيرسيونات ديال: "مونݣوليا"
تم حذف المحتوى تمت إضافة المحتوى
لا ملخص تعديل |
|||
سطر 1:
{{معلومات دولة}}
'''مونݣوليا'''، رسميا لجمهورية د مونݣوليا (ب لمونݣولية: Монгол Улс/Mongol Uls) هي بلاد ماكاطلش على لبحر جات ما بين لوسط و الشرق ديال آسيا. تاتحدّها [[روسيا]] من الشمال، و [[الشينوا]] من الشرق و لغرب و لجنوب. هي ماعندهاش حدود مع [[كازاخستان]]، واخا بيناتهم غي 37 كيلوميطر. مونݣوليا هي لبلاد اللي عندها أقل نسبة د لكتافة السكانية ف لعالم، حيت لمساحة ديالها كبيرة، و الناس اللي ساكنين فيها قلال. بقوة ما الناس قلال، حتا لعدد ديال لعوادن ف لبلاد كتر من بنادم<ref>[https://arabic.cnn.com/entertainment/2014/10/30/horses-mangolia-grasslands بالصور..للخيول مكانة كبيرة في أرض "جنكيز خان" - سي إن إن بلعربية (2014)]</ref>.
مونݣوليا عندها تاريخ قديم و أتّر على بزاف د لبلايص د لعالم. دازو ف لمنطقة بزاف ديال لبلدان داروهوم الرحل، و لكن أكبر وحدا كانت هي لإمبراطورية د مونݣوليا، اللي أسسها [[جينكيز خان]]، و كانت أكبر بلاد ف لعالم ف وقتها (كانت واصلة تا ل[[بغداد]] ف لعراق). ملي ضعافت لإمبراطورية، حكمات الشينوا لمنطقة، وبقات حاكماها تال 1911، اللي كان لعام اللي طاحت فيه لملكية ف الشينوا. ف 1924، عاون [[لإتحاد السوڤياتي]] لبلاد باش تستاقل رسميا من الشينوا، و ولاّت دولة شيوعية. ملّي طاح لمعسكر الشرقي ف 1990، دخلات لبلاد ف انتقال ديموقراطي، ولأّو فيها أحزاب بزاف، تبّعات النضام الرأسمالي و دارت دستور جديد ف 1992.
تيسكنو ف مونݣوليا تقريبا 3.3 مليون د الناس، و لعاصمة ديالها هي [[ؤلان باطار]]. اللغة الرسمية د لبلاد هي لمونݣولية، و لفلوس اللي كاتخدّم هي التوڭريك. النضام د لحكيم هو جمهورية برلمانية، و أكبر دين ف لبلاد هو لبودية. هي داخلة ف بزاف د لمنضمات الدولية بحال [[لأمم لمتحدة]] و [[منضمة التجارة لعالمية]] و جي 77 و حوار التعاون لآسياوي و متحالفة مع ال[[ناطو]].
== لعيون ==
{{مراجع}}
{{Commons category|Mongolia}}
| |||