لفرق بين الجوج ڤيرسيونات ديال: "صربيا"

'''صربيا'''، رسميا لجمهورية د صربيا (بالصربية: Srbija ولاّ Србија) هي بلاد ماكاطلش على لبحر جات ما بين لوسط و الشرق د [[ؤروپا|أوروپا]]، ف لمنطقة ديال لبلقان. تاتحدّها [[هنݣاريا]] من الشمال، [[رومانيا]] من الشمال الشرقي، [[بلغاريا]] من لجنوب الشرقي، [[مقدونيا الشمالية]] من لجنوب، [[كرواتيا]] و ل[[بوصنا ؤلهرسك]] من لغرب، و [[مونطينيݣرو]] من لجنوب لغربي. صربيا تاتقول باللي عندها حدود تا مع [[ألبانيا]] من جيهت [[كوسوڤو]] (اللي ما كاتعتارفش بيها صربيا).<ref>[https://www.alyaum.com/articles/6233939/%D8%A7%D9%84%D9%82%D8%A7%D8%B1%D8%A7%D8%AA-%D8%A7%D9%84%D8%B3%D8%A8%D8%B9/%D8%B5%D8%B1%D8%A8%D9%8A%D8%A7-%D8%AA%D8%B4%D9%86-%D8%AD%D9%85%D9%84%D8%A9-%D8%B9%D8%A7%D9%84%D9%85%D9%8A%D8%A9-%D9%84%D8%B3%D8%AD%D8%A8-%D8%A7%D9%84%D8%A7%D8%B9%D8%AA%D8%B1%D8%A7%D9%81-%D8%A8%D9%83%D9%88%D8%B3%D9%88%D9%81%D9%88 صربيا تشن حملة عالمية لسحب الإعتراف بكوسوفو - اليوم (2020)]</ref>.

تيسكنو ف صربيا تقريبا 7 د لمليون د الناس، و لعاصمة ديالها هي [[بلݣراد]]. اللغة الرسمية د لبلاد هي الصربية، و تاتكتب بلحرف اللاتيني و السيريليك بجوج. من غير الصربية كان لغات بزاف معتارفة بيها الدولة باللي بغات د لأقليات، بحال لهنݣارية و لبوصنية و لألبانية و لغات آخرين. لفلوس اللي كاتخدّم ف لبلاد هي الدينار الصربي. صربيا داخلة مع بزاف د لمنضمات الدولية بحال [[لأمم لمتحدة]] و [[منضمة التجارة لعالمية]] و [[لمجلس ديال أوروپا]] و كاتفاوض مع [[الاتحاد الأوروپي|لإتحاد لأوروپي]] اللي باغا تدخل ليه قبل من عام 2025.<ref>[https://www.reuters.com/article/eu-balkans-as3-idARAKCN1GA0CQ الاتحاد الأوروبي يقول لدول البلقان إن 2025 موعد محتمل للانضمام - رويترز (2018)]</ref>.