لفرق بين الجوج ڤيرسيونات ديال: "شينݣيكي نو كيوجين"

{{معلومات مانݣا}}

 

شينݣيكي تنشر ف مجلة سميتها [[بيساتسو شونن]] تابعة ل [[شركة كودانشا]] من شتنبر 2009 تال أبريل 2021، ؤ تجمعو شاپيترات ديالو ل حد يناير 2021 ف 33 كتيّب. هوّا واحد من أكتر لمانݣات لّي نجحو ؤ تباعو ل حد سّاعة، حيت تباعو منو كتر من 100 مليون نسخة ف لعالم كامل<ref name="sales">{{Cite web|url=https://www.animenewsnetwork.com/interest/2019-12-25/attack-on-titan-manga-celebrates-100-million-copies-with-giant-mural-at-nyc-madison-square-garden/.154747|title=أطاك ؤن تايتن كيحتافل ب لمبيعات ديال 100 مليون نسخة|language=نݣليزية}}</ref> ؤ ربح بزاف د لجوايز.

 

== سينوپسيس د لقصة ==

=== لْكونطيكست ===

لقصة د ''شينݣيكي نو كيوجين'' كتركز علا واحد لحضارة بشرية مضورة علا راسها 3 د سوار واحد وسط لاخور عندهم شكل ضاير فيهم 50 ميترو د لعلو، ؤ عراض بزاف، بحيت كيقدر عدد كبير د نّاس يتمشاو فوق منهوم. هاد لحضارة هيّا آخر بلاصة فين بقاو لبشر، حيت نقارضو من لعالم كامل ب سباب واحد لكائنات عملاقة كتشبه ل بنادم، ولاكين علا ماكيبان ماعندهاش وعي ؤلا دكاء، كيتسماو ''كيوجين'' (نقدرو نطرجموها ل عملاق، عمالقة) ؤ كاتاكل لبشر. باش يتحاربو ضد هاد لعمالقة، لبشر عندهم جيش كيستعمل ''دوزان عمودي د لمناورة''، لّي هوّا دوزان كيركبو بنادم بحال شي لبسة، ؤ فيه طراف ميكانيكيين ؤ محرك د لݣاز كيخليوه يتحرك ف لتيجاهات كاملين (عمودي ؤلا أفقي)، من بعد مايدّرّب عليه مزيان.

 

*'''إيرين ييݣر''' エレン・イェーガー Eren Jäger: شّخصية رّئيسية ديال لقصة، لّي كتبدا ملي كان ف عمرو 10 سنين، ؤ كتسالا فاش ولّا عندو 19 عام. إيرين شاف مّو كتقتل بشكل وحشي من طرف لعمالقة فاش كان صغير، ؤ ولّا دّافع ديالو هوّا يقتل لعمالقة كاملين. من بعد ما تخرج من لأكاديمية لعسكرية، غادي يشارك ف ''لمعركة ديال تروست''، لّي غادي يكتاشف فيها أن عندو لقدرة باش يتحول ل عملاق فيه 15 ميترو.

*'''ميكاسا أكرمان''' ミカサ・アッカーマン Mikasa Ackerman: صاحبة إيرين من صغرو ؤ تربات معاه حيت واليديها كانو ماتو. ميكاسا كانت تخطفات فاش كانت صغيرة من طرف شي مجرمين كيديرو [[طرافيك د بنادم]]، ؤ ملي نقدها إيرين ولّات كتبغيه، وخا ف لبدية ماكانتش كتعتارف بيها. ميكاسا كتمشي معا إيرين ل لأكاديمية د لعسكر، ؤ كتطلع هيّا لّولة ف لپروموسيو ديالهم. دّافع رئيسي ديالها هوّا تحمي إيرين ؤ تكون معاه، مي معا مرور لقصة كيبان أنه عندها ناس خرين حتا هوما عزازين عليها، بحال أرمين ؤ ساشا.

*'''أرمين أرلرت''' アルミン・アルレルト Armin Arlert: صاحب إيرين من صغرو، ؤ كان هوّا صّديق لوحيد ديالو قبل ماتزاد عليهم ميكاسا. واليديه تقتلو من طرف لبوليس لعسكري حيت حاولو يطيرو ب منطاد، ضد لقوانين ديال لحكومة لملكية. من لبدية كيبان كا ولد ݣليوّل ف لكسدة ديالو، مي دكي بزاف ؤ عندو فضول معرفي كبير. حتا هوّا كينضم ل لأكاديمية لعسكرية، ؤ وخا دازت عليه، سيرتو ف تّمارين لجسدية، من بعد ما تخرجو كيبان دّكاء لستراتيجي ديالو، سيرتو ف ''لمعركة ديال تروست''، ؤ من بعد فاش كينضمو ل ''لفرقة د لمستكشفين''. دّافع رئيسي ديالو هوّا يرضي لفضول لمعرفي ديالو ؤ يسكشف لعالم خارج سّور د ماريا، بتداء من لبحر لّي كان شافو غير ف لكتوبا.

*'''راينر براون''' ライナー・ブラウン Reiner Braun: صاحب إيرين، كيتلاقا معاه أول مرة ف لأكاديمية د لعسكر، ؤ كيبان كا شخص قوي ؤ مساعف معا رّفاق ديالو ف لأكاديمية. من بعد كيكتاشفو إيرين ؤ لوخرين أن راينر ؤ صاحبو بيرطولد هوما ''لعملاق مول دّرع'' ؤ ''لعملاق لمݣضر''، لّي دمرو ''سور ماريا'' ؤ تسببو ف لموت ديال مّو ؤ ديال لآلاف د نّاس ف ''شيݣانشينا''. راينر عندو قصة مأساوية، حيت بّاه، لّي أصلو مارلي مابغاش يعتارف بيه، وخا راينر دار لمجهود ديالو كلو باش يولي محارب ؤ ياخد واحد من لعمالقة سّبعة ديال مارلي. بزاف د لأحدات من بعد دارو ليه [[صدمة نفسية]] كبيرة ؤ [[نفيصام ف شخصية]]، حيت مابقاش عارف معا إينا جيهة خاصّو يتقاتل.

*'''ݣريشا ييݣر''' グリシャ・イェーガー Grischa Jäger: بّات إيرين. خدّام طبيب، ؤ عندو شهرة ؤ مكانة كبيرة حيت نقد لمدينة واحد نّهار من وباء. من لحلقة لّولة كيبان أن عندو سر كبير، ؤ لكتيشاف ديال هاد سّر كيكون لهدف رئيسي ديال إيرين ؤ ديال لفرقة د لمستكشفين ف طرف كبير ديال سّيرية. دّافع ديال ݣريشا هوّا أن لإلديين يرجعو ل لمجد لقديم ديالهم ؤ يبنيو إمبراطورية إلدية جديدة.

 

ف 2006، [[هاجيمي إيساياما]] قاد [[وان شوت (حجاية مصورة)|وان شوت]] فيه 65 پاج ديال شينݣيكي نو كيوجين.<ref name="oneshot">{{Cite web|url=https://www.animenewsnetwork.com/news/2013-05-07/1st-attack-of-titan-blu-ray/dvd-to-bundle-manga-prototype|title=1st Attack on Titan Blu-ray-DVD to Bundle Manga Prototype|language=نݣليزية}}</ref> ف لبدية سيفطو ل لمجلة لمشهورة [[ويكلي شونن دجامپ]] (لّي نشرات [[مانݣا|مانݣات]] مشهورين بحال [[ناروتو]] ؤ [[ديث نوط]])، مي فاش ݣالو ليه باش يبدّل سّتيل ؤ يدير شي تعديلات، رفض ؤ مشا ل مجلة ويكلي شونن ماݣازين، لّي ولّات [[بيساتسو شونن]] ؤ لّي بدات كتنشر لمانݣا ف شتنبر 2009.<ref name="oneshot"/>

 

 

شي مرة كان إيساياما خدام ف [[سيبير]] ؤ جا واحد لكليان شنق عليه. هاد لحادت خلاه يعرف لإحساس ديال لخوف فاش كيتواجه بنادم معا شي حد مايقدرش يكومينيكي معاه، ؤ هادا هوّا لإحساس لّي كيحاول إيساياما يدوزو عن طريق لعمالقة.<ref name="cyber">{{Cite web|url=https://web.archive.org/web/20131102233532/http://ajw.asahi.com/article/behind_news/people/AJ201307200007|title='Attack on Titan' author expresses fears through popular boys' manga|language=نݣليزية}}</ref> باش يقاد شّكل ديال لعمالقة دّكيّين، إيساياما عتامد علا شّكل ديال [[فن د لمقاتلة|فنّانين د لمقاتلة]] بحال [[يوشين أوكامي]] ب نّسبة ل لعملاق ديال إيرين ييݣر،<ref name="yuushin">{{Cite web|url=https://web.archive.org/web/20130730181923/http://geek-news.mtv.com/2012/06/14/attack-on-titan-creator-hajime-isayama-interview|title=أنترڤيو معا إيساياما ف يونيو 2012|language=نݣليزية|date=14 يونيو 2012}}</ref> ؤ [[بروك ليسنار]] ب نّسبة ل لعملاق مول دّرع.<ref name="brock">{{Cite web|url=http://blog.livedoor.jp/isayamahazime/archives/7834288.html|title=لإلهام د شّكل ديال لعملاق مول دّرع|language=جاپونية}}</ref>