لفرق بين الجوج ڤيرسيونات ديال: "شخصيات ديال شينݣيكي نو كيوجين"

لمانڭا ديال [[شينڭيكي نو كيوجين]] فيه عدد كبير ديال شّخصيات لّي ختارعها [[هاجيمي إيساياما]]. أغلبية ديال هاد شّخصيات عندها سميات [[ؤروپا|ؤروپية]]، سيرتو [[ألمانيا|ألمانية]]. كاينين ستيتناءات بحال ميكاسا لّي سميتها [[الجاپون|جاپونية]]، ؤ جون Jean لّي سميتو [[فرانسا]]وية.

 

 

*'''[[إيرين ييڭر]]''' エレン・イェーガー Eren Jäger: شّخصية رّئيسية ديال لقصة، لّي كتبدا ملي كان ف عمرو 10 سنين، ؤ كتسالا فاش ولّا عندو 19 عام. إيرين شاف مّو كتقتل بشكل وحشي من طرف لعمالقة فاش كان صغير، ؤ ولّا دّافع ديالو هوّا يقتل لعمالقة كاملين. من بعد ما تخرج من لأكاديمية لعسكرية، غادي يشارك ف ''لمعركة ديال تروست''، لّي غادي يكتاشف فيها أن عندو لقدرة باش يتحول ل عملاق فيه 15 ميترو.

*'''ميكاسا أكرمان''' ミカサ・アッカーマン Mikasa Ackerman: صاحبة إيرين من صغرو ؤ تربات معاه حيت واليديها كانو ماتو. ميكاسا كانت تخطفات فاش كانت صغيرة من طرف شي مجرمين كيديرو [[طرافيك د بنادم]]، ؤ ملي نقدها إيرين ولّات كتبغيه، وخا ف لبدية ماكانتش كتعتارف بيها. ميكاسا كتمشي معا إيرين ل لأكاديمية د لعسكر، ؤ كتطلع هيّا لّولة ف لپروموسيو ديالهم.

*'''أرمين أرلرت''' アルミン・アルレルト Armin Arlert: صاحب إيرين من صغرو، ؤ كان هوّا صّديق لوحيد ديالو قبل ماتزاد عليهم ميكاسا. واليديه تقتلو من طرف لبوليس لعسكري سّري حيت حاولو يطيرو ب منطاد، ضد لقوانين ديال لحكومة لملكية. من لبدية كيبان كا ولد ڭليوّل ف لكسدة ديالو، مي دكي بزاف ؤ عندو فضول معرفي كبير. حتا هوّا كينضم ل لأكاديمية لعسكرية، ؤ وخا دازت عليه، سيرتو ف تّمارين لجسدية، من بعد ما تخرجو كيبان دّكاء لستراتيجي ديالو، سيرتو ف ''لمعركة ديال تروست''، ؤ من بعد فاش كينضمو ل ''لفرقة د لمستكشفين''.

*'''راينر براون''' ライナー・ブラウン Reiner Braun: صاحب إيرين، كيتلاقا معاه أول مرة ف لأكاديمية د لعسكر، ؤ كيبان كا شخص قوي ؤ مساعف معا رّفاق ديالو ف لأكاديمية. من بعد كيكتاشفو إيرين ؤ لوخرين أن راينر ؤ صاحبو بيرطولد هوما ''لعملاق مول دّرع'' ؤ ''لعملاق لمڭضر''، لّي دمرو ''سور ماريا'' ؤ تسببو ف لموت ديال مّو ؤ ديال لآلاف د نّاس ف ''شيڭانشينا''.

*'''ڭريشا ييڭر''' グリシャ・イェーガー Grischa Jäger: بّات إيرين. خدّام طبيب، ؤ عندو شهرة ؤ مكانة كبيرة حيت نقد لمدينة واحد نّهار من وباء. من لحلقة لّولة كيبان أن عندو سر كبير، ؤ لكتيشاف ديال هاد سّر كيكون لهدف رئيسي ديال إيرين ؤ ديال لفرقة د لمستكشفين ف طرف كبير ديال سّيرية. وخا كيموت ف لبدية د لقصة (حاجة لّي ماكاتوكد حتال من بعد)، تأتير ديالو كبير بزاف ف لقصة كولها، عن طريق ولادو إيرين ؤ زيك، ؤ كيبان بزاف ف [[فلاشباك|فلاشباكات]].

 

 

*'''لعملاق لأصلي''' Original Titan: هوّا أول عملاق بان ف تّاريخ، تقريبا 2000 عام قبل من لأحدات ديال لقصة. مولاتو كانت هيّا إيمير فريتز، لّي لبعض كيعتبرها بحال إلهة، ؤ شي وحدين خرين بحال شيطان ؤلا أنها دارت عقد معا شّيطان باش تاخد لقدرات ديالها. مورا ما ماتت غادي تّفرق لقدرة ديالها علا 9 د لأشخاص من لإلديين، كولا واحد منهم خدا قدرة من لقدرات ديالها. مامشروحش ب تّفصيل كيفاش وقع هادشي، مي غالبا بدات لقضية ملّي راجلها لماليك كارل فريتز غادي يخلي بناتهم ياكلو لكسدة ديال مّهوم باش تدوز لقدرة ديالها ليهم.

*'''لعملاق لمڭضر''' Colossal Titan: فيه 60 ميترو ف طّول، هوّا أول عملاق كيبان ف سّيرية، فاش كيدمر لبوّابة ديال ''شيڭانشينا'' باش يخلّي لعمالقة زّومبي يدخلو ؤ يهجمو علا لبشر تماك. من بعد كنعرفو أن مولاه هوّا بيرطولد هوڤر، لّي كان معا إيرين ف لأكاديمية د لعسكر. لقدرة ديالو ربما هيّا أخطر وحدة من بين لعمالقة كاملين، من غير ''لعملاق لفونداتور''، ولاكين مولاه مايقدرش يتحول كتر من مرة كولا 3 يّام، ؤ ماعندوش قدرة كبيرة د تّحكم باش مايقتلش نّاس لّي حداه فاش كيتحول. مامعروفش شكون كان عندو هاد لعملاق قبل من بيرطولد، مي مورا ''لمعركة د شيڭانشينا''، أرمين غادي يتم تحويلو لعملاق زومبي لّي غادي ياكل بيرطولد ؤ ياخد لقدرة ديالو ديال لعملاق لمڭضر.

*'''لعملاق مول دّرع''' Armored Titan: فيه 15 ميترو ف طّول، كيتميز ب درع كيحمي لكسدة ديالو مزيان، من غير لمفاصل. مولاه هوّا راينر براون، ؤ بان أول مرة ف لهجوم علا شيڭانشينا فاش دمر لبوابة تّانية بين لمدينة ؤ بين جّيهة لوخرة د سور ماريا.

*'''لعملاق د لهجوم''' Attack Titan: هوّا لعملاق لّي كيتحول ليه إيرين، فيه 15 ميترو ف طّول، ؤ عندو قوة كبيرة باش يتغلب علا عمالقة من لحجم ديالو. سّمية ديالو ب جاپونية هيّا لعنوان د ل[[مانڭا]] ''شينڭيكي نو كيوجين''، ولاكين ماكاتّعرف هاد سّمية حتال من بعد مدة طويلة، داكشي علاش كاينين بزاف د طّرجمات ديال لعنوان. كنعرفو من بعد أنه كان فلت من مارلي خلال ''لحرب لكبيرة د لعمالقة '' هادي 100 عام، حتا بان أول مرة 20 عام قبل من لأحدات د لبدية عند إيرين كروڭر، لّي كان جاسوس ف لعسكر د مارلي. كروڭر غادي يدوّز لقدرة ديالو ل ڭريشا ييڭر، لّي غادي يدوزها ل ولدو إيرين. لقدرة ديال لعملاق د لهجوم هيّا أنه كيقدر يشوف شوية من لمستقبل.

*'''لعملاق نّتوي''' Female Titan:

*'''لعملاق لحيوان''' Beast Titan:

*'''لعملاق بوكرّوسة''' Cart Titan:

*'''لعملاق مول لمطرقة''' Warhammer Titan:

 

== پاراديس ==