لفرق بين الجوج ڤيرسيونات ديال: "لوغة أمازيغية بديانية"

 

قتارح [[w:Roger Blench|روجر بلينش]] ف2018<ref name="Blench2018">Blench, Roger. 2018. [https://www.academia.edu/36664366/Reconciling_archaeological_and_linguistic_evidence_for_Berber_prehistory Reconciling archaeological and linguistic evidence for Berber prehistory].</ref> باللي الناطقين بلأمازيغية لبديانية تحرّكو من واد النيل لشمال أفريقيا هادي 4000 تال 5000 عام دازت بسباب لنتيشار ديال الرعي، وطرا ليها تقسيم كبير هادي 2000 عام دازت فاش كانت [[لإمبراطورية الرومانية]] كاتنتاشر فشمال إفريقيا. قال روجر باللي واخا لأمازيغية لبديانية تفرقات على لفاميلة داللوغات لأفروآسيوية هادي آلاف دلعوام، يمكن نعاودو نرجعو نصاوبو هاد اللوغة غير اللي كايحدّو عام 200 ميلادية وما بعد. قال بلينش باللي لأمازيغية مختالفة بزّاف على لفوروع لاخرين ديال لفاميلة لأفروآسيوية، ولاكين اللوغات لأمازيغية اللي كاينة ليوم ما كاتبيّنش ختيلافات كبيرة بزاف. لحضور ديال كلمات جاية من اللوغة [[لبونيقية]] فلأمازيغية لبديانية كاتبين باللي اللوغات لأمازيغية اللي كاينة ليوم بانت من مورا سقوط قرطاج ف146 قبل لميلاد. غير اللوغات [[لݣوانشية]] و[[تاضونݣيت]] هي اللي مافيهاش كلمات جايّة من لبونيقية.<ref name="Blench2018"/> زيادة على هادشي، لكلمات اللي جاية من [[اللاتينية]] كاتبين باللي تفرقات اللوغة لأمازيغية لبديانية فلقترة مابين 0 و200 ميلادية. فهاد لفترة، لبتيكارات الرومانية بحال لحريت بلبݣر والجمال، والتنضيم ديال لبساتين تعتامدات من لمجتمعات لأمازيغية اللي كانت على لحدود مع [[لإمبراطورية الرومانية]]. بلينش كايشوف باللي هادشي جاب تقافة جديدة ديال التيجارة، وهادشي جاب لوغة أمازيغية جديدة كاتسمى لأمازيغية لبديانية الجديدة.<ref name="Blench2018"/>

 

== لمصادير ==