لفرق بين الجوج ڤيرسيونات ديال: "جهة سوس ماسة"

جهة '''سوس ماسة''' (ب[[لأمازيغية لمعيارية لمغريبية|لأمازيغية]]: ⵜⴰⵙⴳⴰ ⵏ ⵙⵓⵙ ⵎⴰⵙⵙⴰ، بال[[فرانساوية]]: Souss-Massa) وحدة من لجيهات ديال [[لمغريب]] اللي تصايبو عام 2015، من مورا ما نقصو عدد لجيهات من 16 لـ 12.<ref>[https://web.archive.org/web/20150605121000/http://www.journaux.ma/economiste/le-maroc-compte-desormais-12-regions le maroc compte desormais 12 regions (بلفرانساوية)]</ref> لجيهة كاينة فلوسط ديال البلاد، و لعاصيمة ديالها هي [[أݣادير]]، و مابين لمدون اللي كاينين فلجيهة: [[آيت ملول]] و[[تارودانت]] و[[طاطا]] و[[تيزنيت]] و[[آيت باها]]. عدد السكان على حساب لإحصاء اللي تدار فـ2014 وصل فهاد لجيهة لـ2,676,847.<ref name=ihsa>[http://www.sgg.gov.ma/BO/AR/2015/BO_6354_Ar.pdf لجريدة الرسمية عدد 6354 بتاريخ 23 شهر 4، 2015 - الصفحة 3.]</ref> لميساحة ديال لجيهة هي53,789&nbsp;km².

 

هاد لجدوال كايبين لأقاليم ديال لجيهة والسكان ديالها:<ref name=ihsa/>

{| class="wikitable sortable"

|}

 

{| class="wikitable"

|- style="background: #ddffdd"

|}

 

جهة سوس ماسة محاديها من الشمال [[جهة مراكش آسفي]] ومن لجانوب [[جهة ݣلميم واد نون]] ومن الشرق [[جهة درعة تافيلالت]]. هاد لجيهة فيها بزاف ديال لخصائص لجغرافية بحال أنه دايز منها جبال [[لأطلس لكبير]] و[[لأطلس الصغير]] و[[جبال باني]] و[[جبال وركزيز]]، وفيها لقيمّة ديال [[جبل توبقال]] ؤويدان بحال [[واد سوس]] اللي دايز من سهل سوس لكبير. سوس ماسة معروفة بلغابات ديال شجر أرݣان وعوموما لميساحة ديال لغابات فلجيهة عاطية حتال 19% من لغابات ديال [[لمغريب]]. لميساحة ديال لجيهة واصلة لـ53,789&nbsp;km². لموناخ ديال لجيهة قاري فالداخل ونورمال حدا لبحر، الشتا ماكاطيحش فهاد لجيهة بنتيضام.<ref>[http://chambreagriculturesm.com/ar/%D9%85%D9%88%D9%86%D9%88%D8%BA%D8%B1%D8%A7%D9%81%D9%8A%D8%A7/#:~:text=%D8%AA%D8%AA%D9%85%D9%8A%D8%B2%20%D8%A7%D9%84%D8%AC%D9%87%D8%A9%20%D8%B9%D9%85%D9%88%D9%85%D8%A7%20%D8%A8%D9%85%D9%86%D8%A7%D8%AE%20%D8%AC%D8%A7%D9%81,600%20%D9%85%D9%84%D9%85%20%D9%81%D9%8A%20%D8%A7%D9%84%D8%A3%D8%B7%D9%84%D8%B3%20%D8%A7%D9%84%D9%83%D8%A8%D9%8A%D8%B1. مونوغرافيا الجهة - بوابة الغرفة الفلاحية لجهة سوس ماسة]</ref> مرا مرا كايضرب لجفاف اللي يقدر يوصل لمدة ديالو حتال ستة دالسنين. هاد لجدوال كيعطي لمعلومات على لحرارة والشتا فمدينة [[أݣادير]] اللي هي لعاصيمة ديال لجيهة.

{{جدول مناخ

}}

 

[[ملف:Panoramica stade Agadir.jpg|200px|تصغير|يسار|[[تيران أدرار]] فأݣادير]]

[[مطار أڭادير الدولي]] (مطار أڭادير لمسيرة) هو مطار كاين فمدينة [[أݣادير]] لمغريبية وكايسيرڤي لجيهة دسوس ماسة. كيبعد لمطار على الصونطرڤيل ديال لمدينة بـ20 كيلوميتر (حدا [[تمسية]])، وقريب من [[الطريق الوطنية رقم 10 (لمغريب)|الطريق لوطنية 10]]. كيتعتابر هو تالت أكبر مطار فلمغريب من ناحية عدد لمسافرين. تفتاتح لمطار فعام 1991 وكايقدر يهز 3 دلملاين ديال لمسافرين.<ref>[https://www.flightsfrom.com/AGA وجهات مطار أكادير المسيرة الدولي] '''لأرشيف:''' [https://web.archive.org/web/20191224123017/https://www.flightsfrom.com/AGA لأرشيف بتاريخ 24 ديسمبر 2019]</ref>

[[تيران أدرار|التيران لكبير دأدرار]] (التيران الكبير دأݣادير) هو تيران ديال لكورة كاين فمدينة [[أݣادير]] وتحلو بيبانو نهار 11 شهر 10، 2013. كاين هاد التيران فلملكية ديال وزارة الشباب والرياضة وكتسيرو الشركة لوطنية ديال إنشاء وتسيير التيرانات (SONARGES). كيستقبل هاد التيران دابا لميتشان ديال لفرقة دلمدينة، [[حسنية أݣادير]]، ومرة مرة دياول [[أولمبيك الدشيرة]].

 

 

[[ملف:Arganier (2).JPG|150px|تصغير|يسار|شجر أرݣان فجيهة سوس ماسة.]]

جهة سوس ماسة هي أول جهة كاتصدر لحواميض (الليمون ولمانضارين والناڤيل ولحامض) ولبواكير مابين لجيهات ديال [[لمغريب]].<ref name=pdfsmp8>[https://www.soussmassa.ma/system/files_force/publicaltion_files/R%C3%A9gion%20Souss%20Massa%20en%20chiffre%20Ar%201.pdf? جهة سوس ماسة بالأرقام - مطبوع PDF - الصفحة8]</ref> 85% من لبواكير و65% من لحواميض و15% من لحليب ولموشتقات ديالو و86% من لمنتاجات ديال أرݣان اللي كاتصدر من لمغريب لبرّا كاتجي من لجيهة ديال سوس ماسة، فيها 650.000 طن ديال لحواميض و1.2 مليون طن ديال لخضرا اللي تصدرات، اللي مابينها ماطيشا ولݣرعة ولبطاطا ولبصلة. سوس ماسة فيها 5.371.000 هيكتار ديال لارض اللي صالحة لفلاحة وكاتستعمل فيها غير 475.000 هيكتار وكاتسقى فيها 158.433 هيكتار. لينتاج ليجمالي ديال لحواميض وصل لـ700.000 طن و1.665.000 طن ديال لخضرا و28.086 طن ديال اللحم لحمر و223.5 مليون إيطرو ديال لحليب، هادشي كامل فـ33 مليون نهار ديال لخدمة.<ref name=pdfsmp8/> لجيهة ديال سوس ماسة فيها 180 كيلوميتر ديال لبحر، اللي كايتصدر من لمتنجات ديالو 137.830 طن، واللي كايجيبها 1450 باطو تقليدي و465 ساحيلي و223 ديال لبحر لفوقاني. كاتصدر جهة سوس ماسة بوحدها 50% ديال لمنتوجات لبحرية فلبواطات دلمغريب كاتخدم لجيهة فهاد لقيطاع 490.000 واحد من لبلاد كاملة (ديريكت وغير مباشير) مابينها 72.000 من لجيهة.<ref name=pdfsmp9>[https://www.soussmassa.ma/system/files_force/publicaltion_files/R%C3%A9gion%20Souss%20Massa%20en%20chiffre%20Ar%201.pdf? جهة سوس ماسة بالأرقام - مطبوع PDF - الصفحة9]</ref>

 

[[ملف:MAP Paris Fibules 04032012 1.jpg|150px|تصغير|يمين|تازرزيت أولا لخلالة لأمازيغية لمغريبية.]]

[[ملف:Secteur Touristique, Agadir 80000, Morocco - panoramio (18).jpg|200px|تصغير|يسار|مارينا [[أݣادير]]]]

فجيهة سوس ماسة كاينة 440 وحادة صيناعية، غالبيتها إما متعلقة بلماكلة أولا لماواد لكيماوية أولا لبني دلباطوات.<ref name=pdfsmp16>[https://www.soussmassa.ma/system/files_force/publicaltion_files/R%C3%A9gion%20Souss%20Massa%20en%20chiffre%20Ar%201.pdf? جهة سوس ماسة بالأرقام - مطبوع PDF - الصفحة 16]</ref> فمدينة [[أݣادير]] كاينة مينطقة حورة بدات لخدمة ديالها فلعام ديال 2019 بـ64 هيكتار، وكايتوقعو أنها توصل لـ300 هيكتار. كاينة مناطيق صيناعية وحدين خرين فأنزا وتاسيلا و[[ولاد تايمة]] و[[سيدي بيبي]] و[[تيزنيت]] و[[تارودانت]] و[[إينزگان]]، وكاينة مينطقة لوجيستية وحدة ف[[آيت ملول]] ولاخرا فتݣاديرت.<ref name=pdfsmp16/> لجيهة فيها تيكنوپارك ومدينة ديال ليبتيكار تابعة للجامعة ديال بنو زهر.<ref name=pdfsmp17>[https://www.soussmassa.ma/system/files_force/publicaltion_files/R%C3%A9gion%20Souss%20Massa%20en%20chiffre%20Ar%201.pdf? جهة سوس ماسة بالأرقام - مطبوع PDF - الصفحة 17]</ref> الصيناعة التقليدية عندها دور كبير بزاف، حيتاش خدام فيها 40.000 واحد وكاتصدر 15 مليون ديال الدرهم. كاينين 5 دلمراكيز ديال التكوين لميهاني و120 تعاونية ديال الصيناعة التقليدية كاتصاوب الجلد ولخياطو والتواب ولخشب ولمجوهارات ولفخار والسلّات والزرابي وتطراݣ لمعادين ولبلاغي.<ref name=pdfsmp18>[https://www.soussmassa.ma/system/files_force/publicaltion_files/R%C3%A9gion%20Souss%20Massa%20en%20chiffre%20Ar%201.pdf? جهة سوس ماسة بالأرقام - مطبوع PDF - الصفحة 18]</ref> من أشهر لأنواع ديال الصيناعة التقليدية كانلقاو لبلغة ديال "إيدوكان" والزربية لواوزݣيتية و"تيزرزاي" اللي هي موجوهارات ديال ال[[نقرة]] على شكل متلات.<ref name=pdfsmp18/>

 

[[ملف:الواحة.jpeg|150px|تصغير|يمين|لواحات ديال [[طاطا]]]]

[[ملف:TAROUDANNT defensive wall (js).jpg|150px|تصغير|يسار|باب تارغونت ف[[تارودانت]]]]

لجيهة ديال سوس ماسة كايجي ليها كتر من مليون دالسياح فلعام، اللي كايجيو إنعسو 5 دلمليون ليلة فلمجموع ف31 ألف فراش تقريبا. هاد لقيطاع كايخدّم 120.000 واحد (ديريكت وغير مباشير) وكايدخل على لجيهة 20 ديال لمليار ديال الدرهم فلعام. السياحة الدخلانية شادة 43% واللي بقا دالسياح كايجيو من [[فرانسا]] (21%)، [[ألمانيا]] (14.5%)، [[لمملكة لمتحدة|النݣليز]] (12%) و[[هولاندا]] (2%).<ref name=pdfsmp12>[https://www.soussmassa.ma/system/files_force/publicaltion_files/R%C3%A9gion%20Souss%20Massa%20en%20chiffre%20Ar%201.pdf? جهة سوس ماسة بالأرقام - مطبوع PDF - الصفحة 12]</ref> كاين بزاف مايدار فجيهة سوس ماسة، بحال التبحار ف[[أݣادير]]، [[إيمسوان]]، [[تغازوت]] أولا [[تامري]]، السياحة ديال الجبال إما بالتسلوق أولا بلپيكالات، السياحة ديال التقافة ف[[تارودانت]]، [[تيزنيت]] و[[تفراوت]]، الزيارة ديال لواحات ديال [[طاطا]] اللي قديمة بزاف، لغطس ولعومان فلبحر أولا واحد الدورة ف[[منتزه سوس ماسة|لمنتازاه ديال سوس ماسة]].<ref name=pdfsmp13>[https://www.soussmassa.ma/system/files_force/publicaltion_files/R%C3%A9gion%20Souss%20Massa%20en%20chiffre%20Ar%201.pdf? جهة سوس ماسة بالأرقام - مطبوع PDF - الصفحة 13]</ref> السياح اللي كايجيو لسوس ماسة إقدر إمشيو لسوق لحد، لمتحف لأمازيغي، مارينا، لمنتزه لوطني أولا لقصبة دأݣادير أوفلّا، لپارك ديال التيمساح أولا لپارك ديال الضوفان (الدلفين) فمدينة [[أݣادير]]، [[إڭودار]] ديال شتوكة [[آيت باها]]، واد پاراديس ف[[إيموزار]] إيداوتنان، السوار ديال [[تارودانت]]، الجاردات دالنخيل فتيوت، الزوايا ولقصور لقدام، النوقوش لقدام ولكوهوف ديال [[طاطا]] ولحجار الزرقين ف[[تفراوت]].<ref name=pdfsmp13/>

 

* [[تّقسيم تّرابي د لمغريب|التقسيم الترابي دلمغريب]]

* [[جيهات لمغريب]]

{{Commons category|Souss-Massa}}

 

[[تصنيف:جهات المغريب]]